LISAU 14

Zimbulwisa Vithimbu Vyali na Mukomo

Hebreus 8:1

VYE WAFANYA KULUMBA: Kwasa vathu kulandula vye wakuvyela mu diskursu na kuvaleka momo vyuma vyasu vilumba mbandu ku vye wa kuvalonga.

Soka ku vye wakulonga. Lihuli momo: ‘Diskursu lye (a) phala kuzimbwila simwe suma tuhu? (b) phala kupamesa ufelelu? (c) phala kupamesa vathu kulumba simwe suma?’ Amomo, soka se namwahi wafanya kulumba. Tala se vithimbu vye wasola kuvyela vilumba mbandu ku vye wa kulonga.

Soka ku zikhangu vathu vali nazu, lihuli momo: ‘Vihulu vikhi vathu vakulilumba kukhanda ya vye nasola kuvyela? Sihulu siteti, sa kumeteka namwahi?’ Mu kusoka ku vihulu vye, vihasa kukukwasa kusoka momo wakulumba diskursu yavi phala vathu kwiva samboti na kutava vye wa kuvalonga.
Vazimbulwisi vye wa kulonga. Hose wa kulumba diskursu, uvutuka mukuvyela zimbimbi ze zali na mukomo.
Vyela vithimbu vye vali na mukomo. Handa tuhu vithimbu vye vyali na mukomo phala kuvyela ku masimbu avi. Nga wavyela simwe sithimbu, makana kandambu andi ya kuya ku sithimbu sikwawu.

Uhasa kulumba momo: Mu kumeteka, vyela vyuma vye mwakulilonga phala vathu kukulandula hose wakuya na kulumba diskursu. Mu kumana, uhasa kuvyela vithimbu vya mukomo phala vathu kuzimbuluka vye vatuvi.