LISAU 18

Vyela Mizimbu Zamboti

1 Coríntios 9:19-23

VYE WAFANYA KULUMBA: Kwasa vathu kusoka samboti ku vye ukuvyela mu ku valonga vyuma vya uhi.

Soka ku vye vathu vazivi kali. Kuvyeli sineni vye yivu vazivi, valeki vyuma vikwawu vya uhi.

Nona masimbu enzi phala kuvyela vyuma vya uhi, kuvisi masimbu mu kuvyela vye yivu vazivi kali.
Lilongi samboti na kusoka. Kenga mizimbu za uhi na vyuma vikwawu vyali mu kuhita, phala kulonga vye vyali na mukomo. Lihuli momo: ‘Avye na kenga vyali kumuhekha na vye nasola kulonga?’

Phala yivi kulikhokha sambote, uhasa kulihula momo: Vikhi? Yili? Kwahi? Sizuwa sikhi? Mukonda lya vikhi? Namwahi? Avye ukulonga vikuhasa kukwasa vathu, nga walumba vihulu vyasu na kuvitava hose wa kulonga.
Leka mukomo ku vye wakulonga. Lombolola momo vivatu vya Bibilya vihasa kukwasa vathu sizuwa na sizuwa. Vyela vithombo vuvu vezi kusoka, na vye vezi kuhita navyu.