Volye Vali mu Kulonga Mbimbi ya Suku ku Vathu?

Kwakamba kandambu, Uñgana wa Yehova wakumana lamba liose munu mu tumbu. Aze mizimbu zamboti vathu vose vafanya kuziva. Yesu wakasola nga zindongi zendi vaywela mizimbu zamboti ze na vathu vose. (Mateus 28:19, 20) Namwahi kulinu kumbi Zimbangi za Yehova vezi kulumba vye Yesu akasika?

1. Namwahi zimbimbi zali mu Mateus 24:14 zali mu kumoneka kulinu?

Yesu wakaywela momo: “Mizimbu zamboti za Uñgana vakukazilonga mu tumbu liose.” (Mateus 24:14) Zimbangi za Yehova vezi kulumba milimu ze. Twezi kulonga Bibilya mu malizu enzi mu tumbu liose, alandi 1000. Phala kulumba milimu ze kuvinga zikhono zinzi. Mazi Yehova ezi kutukwasa kulumba milimu ze.

2. Zikhono zikhi twezi kulumba phala kukwasa vathu kuziva Mbimbi ya Suku?

Twezi kukwasa vathu kuziva Mbimbi ya Suku kweshoku vali. Twezi kukenga vathu “kumanzu avu” nañgu momo zindongi za Yesu vakakhala kulumba. (Atos 5:42) Kukenga vathu ku manzu avu kutukwasa kuvalonga samboti. Kwali hamwe vathu kavezi kukhala ku manzu avu, wamona twezi kuya kukhanda zikwau ko kwali vathu. Twezi kukenga vakwetu mukonda twasola nga vaziva kukhanda ya Yehova na vye asoli kulumba.

3. Yili afanya kulonga Mbimbi ya Suku?

Zi Kilistau zose za sili zafanya kulumba milimu ze. Etu twezi kuhana mukomo winzi ku milimu ze. Twezi kulumba zikhono zinzi phala kulonga mukonda mizimbu ze ziyovola mwenyu wa vathu. (Tanga 1 Timóteo 4:16.) Katwezi kutambula vitali ku milimu ze twezi kulumba mukonda Bibilya yiywela momo: “Mwatambula vya sali nenu hanyenu vya sali.” (Mateus 10:7, 8) Kavosi aku vezi kutava vye twezi kulonga. Ola mwemomo etu twasola kupama mukonda twasola kusangulwisa mbungi ya Yehova.

LILONGI WEKHA

4. Twezi kulumba zikhono zinzi phala kulonga vathu vose

VIDYU: Kulonga Kate “Kokwasuka Tumbu” (7:33)

• Vikhi vikukasumwisa ku zikhono Zimbangi za Yehova vezi kulumba phala kulonga Bibilya ku vathu?

Tangyenu Mateus 22:39 na Romanos 10:13-15. Vyelienu kukhanda ya vihulu vye:

• Namwahi milimu ze twezi kulumba zileka sisola setu ku vathu?

• Namwahi Yehova ezi kuliva ha ezi kutumona mu kulonga Bibilya ku vakwetu?—Tala mu sithimbu sa 15.

5. Twakalakala na Suku

Twali na sili sakuninga Yehova wali mukukwasa milimu ze. Tala vye vya kamoneka ku umwe muyala vashana veti Paulu, atunga ku Nova Zelândia. Kwali simwe sizuwa ku simenemene akaya na kulonga ku manzu, endi heti wakasanga umwe mukhetu akavula mu kulumba lombelo kwa Yehova phala kwiyi umwe muthu konzo yendi phala kumulonga Bibilya. Ku simenemene seni se Paulu heti kwakahita tuhu masimbu atatu ñgukayi konzo yendi.

Tangyenu 1 Coríntios 3:9. Vyelienu kukhanda ya sihulu se:

• Namwahi vye vya kamoneka na Paulu vilekesa kwakuninga Yehova ali mukukwasa milimu ze zakulonga?

Tangyenu Atos 1:8. Vyelienu kukhanda ya sihulu se:

• Mukonda lya vikhi tuvinga sikwasu sa Yehova phala kulumba milimu ze?

Waziva kali?

Semana zose mu zinzangu zetu za hukati ka semana twezi kutambula ulongesu utukwasa kulonga Bibilya. Nga wakaya kali ku zinzangu ze, usoka uti ulongesu wo wamboti ni lowo?

6. Twezi kulandula situminu sa Suku sa kulonga Bibilya ku vakwetu

Kumivu za munyima kwakakhala vamwe vathu vaviha vakasola nga zindongi za Yesu kavalongi Mbimbi ya Suku. Mazi zi Kilistau za munyima vakalumba zikhono zinzi phala milimu ze kazipalali. (Filipenses 1:7) Kulinu kumbi Zimbangi za Yehova navu vezi kulumba zikhono zinzi phala kulonga Bibilya.a

VIDYU: Kuywela Phala Kukandunwina Milimu za Suku (2:28)

Tangyenu Atos 5:27-42. Vyelienu kukhanda ya sihulu se:

• Mukonda lya vikhi katwatokelele kutula kulonga Bibilya?—Tala vithimbu vya 29, 38 na 39.

VIKHI WATUVA

Yesu wakatumina zindongi zendi kulonga Mbimbi ya Suku mu tumbu liose. Yehova yokukwasa mbunga yendi kulumba milimu ze.

Kuzimbuluka

• Namwahi Bibilya vali mu kuyilonga mu tumbu liose?

• Namwahi milimu ze twezi kulumba zileka sisola setu ku vathu?

• Mukusoka kwavi, milimu ze twezi kulumba zihana kusanguluka? Mukonda lya vikhi?

KENGA WEKHA

Tala momo Zimbangi za Yehova vezi kulonga Bibilya mu zimbonge zinene.

Testemunho público especial em Paris (5:11)

Vikhi Zimbangi za Yehova vezi kulumba phala kukwasa va vezi kuya ku matumbu akwau?

A necessidade dos refugiados é satisfeita (5:59)

Mangalita wakahita mwenyu wendi wose na kulonga Bibilya ku vathu. Tala momo vye vya kamukwasa kusanguluka.

Sinto-me feliz na carreira que escolhi (6:29)

Tala momo twezi kukandunwina sili sa mu Bibilya na momo Yehova ezi kutukwasa.

“Os pregadores do Reino vão aos tribunais” (O Reino de Deus já Governa!, capítulo 13)