LISAU 23
Kulibatizala Suma Samboti Wafanya Kulumba!
Yesu wakaywela hati zi Kilistau za sili zafanya kulibatizala. (Tanga Mateus 28:19, 20.) Mazi namwahi vafanya kubatizala vathu? Vikhi muthu afanya kulumba phala kulibatizala?
1. Namwahi vatokala kubatizala muthu?
Mulizu lya gregu “kubatizala” kulomboloka kutotesa muthu mu meva. Na Yesu nendi mwemomo vakamubatizala mumulonga wa Jordau. Mwila wendi hose vakautotesa mu meva. Kuti twaziva? Twaziva mukonda Bibilya yiywela yiti hose vakamubatizala endi “wakavula mumeva.” (Marcos 1:9, 10) Zi Kilistau za sili kulinu kumbi navu vezi kuvabatizala nañgu Yesu, mwila wavu hose utota mumeva.
2. Vikhi muthu ezi kuleka ha vamubatizala?
Aha mathu ali batizala ezi kuleka kwakuninga endi wahana mwenyu wendi kwa Yehova. Kuti muthu ahana mwenyu wendi kwa Yehova? Hose khandi alibatizala, muthu alumba lombelo kwa Yehova kwakuninga wasola tuhu kulumba vye yindi asoli. Kulombelo lye, endi aywela kwa Yehova kwakuninga kulumba vye yindi asoli sakukhala suma salanda ku mwenyu wendi na kusimanya tuhu yindi. Muthu ‘alihewa yindi vene’ phala kupama kulandula tuhu Yesu na vye endi akalonga. (Mateus 16:24) Mukonda lya kulihana na batizimu muthu ahasa kukhala na ukamba wamboti na Yehova nava vezi kusimanya tuhu Yehova.
3. Hose muthu khandi alibatizala, vikhi afanya kulumba?
Andi yakulibatizala watokala kukhala na ufelelu kwa Yehova, na kutuva wekha kukhanda ya yindi. (Tanga Hebreus 11:6.) Nga wakhala na kuziva na ufelelo winzi kwa Yehova, sisola savi kwa Yehova nasu sakuliweza. Sisola senise sa kukukwasa kulonga Bibilya ku vakwenu, na kulumba vyuma vyamboti na kutusula vye Yehova kasoli. (2 Timóteo 4:2; 1 João 5:3) Nga muthu akwenda “nañgu momu Yehova asoli” ahasa kuhana mwenyu wendi na kulibatizala.—Colossenses 1: 9, 10.a
LILONGI WEKHA
Tala vye tuhasa kutuva na batizimu ya Yesu. Tala wekha vye muthu afanya kulumba phala kulibatizala.
4. Tuhasa kutuva vyuma vinzi kukhanda ya batizimu ya Yesu
Tangenyu Mateus 3:13-17 phala kutuva momo Yesu vakamubatizala. Vyelienu kukhanda ya vihulu vye:
Yesu wakakhala ñgañga ha vakamubatizala?
Vakamubatizala namwahi? Vakamuyunzila tuhu tumeva?
Hosi Yesu vakamubatizala wakameteka kulumba milimu zineni Suku akamuha. Tangyenu Lucas 3:21-23 na João 6:38. Vyelienu kukhanda ya sihulu se:
Hose Yesu akalibatizala milimu zikhi zakalanda phala yindi?
5. Navy wakuhasa kulibatizala
Kusoka kuhana mwenyu wavi na kulibatizala hamwe kwezi kukuhana woma. Mazi nga walilonga kukhanda ya Yehova huhakhi kumwenyu wavi vye walilonga, wakumusola sinene. Nga wasola kuziva momo vathu vakwau vakahasa kulibatizala. Talyenu VIDYU.
Tangyenu João 17:3 na Tiago 1:5. Vyelienu kukhanda ya sihulu se:
Zikhono zikhi muthu afanya kulumba phala kulibatizala?
Kulihana: kulumba lombelo kwa Suku phala kuywela tuti twasola kumusimanya kumivu zose
Kulibatizala: kuleka ku vathu vakwau tuti twahana khali mwenyu wetu kwa Suku
6. Hose twezi kulibatizala twezi kukhala tukhumba ya Suku
Hose ukulibatizala wakukhala na khumba mu tumbu lyose. Ola mwemomo vosi katwesi mu tumbu limuhekha, mazi twezi kulihana samboti umwe na mukwetu, yitu twezi kulumba vye Suku atuma. Tangyenu Salmo 25:14 na 1 Pedro 2:17. Vyelienu kukhanda ya sihulu se:
Nãngu momo twavula mukutanga mu Bibilya, hosi muthu ali batizala, namwahi ukamba wendi ukhala na Yehova na vathu va vasimanya Yehova?
AVAMWE VETI: “Hanzi kwakamba phala yimi kulibatizala.”
Nga mwemomo wezi kusoka, vyuma vikhi vyamboti wakumona nga walibatizala?
VIKHI WATUVA
Yesu wakalonga heti zi Kilistau za sili zatokala kulibatizala. Phala muthu kulibatizala wafanya kukhala na ufelelo winzi kwa Yehova, kulumba vye Suku asoli na kuhana mwenyu wendi kwa Suku.
Kuzimbuluka
Batizimu suma sikhi?
Mukonda lya vikhi muthu yo ahani mwenyu wendi afanya kulibatizala?
Vyuma vikhi muthu afanya kulumba andi ya kuhana mwenyu wendi kwa Yehova na kulibatizala?
KENGA WEKHA
Ziva vye vilomboloka batizimu na vye kavilomboloki batizimu.
Tanga phala kuziva vye muthu afanya kulumba phala kulibatizala.
“Amor e gratidão a Jeová levam ao batismo” (A Sentinela, março de 2020)
Tanga phala kuziva momo umwe muthu akalibatizala na mbungi yose.
“Eles queriam que eu provasse a verdade por mim mesmo” (A Sentinela, 1 de fevereiro de 2013)
Tanga phala kuziva se mukonda lya vikhi suma samboti kulibatizala.
“Devo batizar-me?” (Os Jovens Perguntam – Respostas Práticas, Volume 2, capítulo 37)