Vikhi Bibilya Yiywela Kukhanda ya Ukaza?

Ku amwe matumbu, vamwe vathu vezi kusoka veti, muthu phala kukhala na kusanguluka watokala kukazala. Avamwe vathu vakakazala, mazi kavosi aku vakakazala. Kukhanda yikwau avamwe kavakakezeleli, mazi vali samboti. Bibilya yiti sikhali makaza, sikhali vazikhali vosi vali na mukomu kumesu ya Yehova.

1. Zimboti zikhi zali mu uzikhi?

Bibilya yiti: “Mweshou muthu asakina walumba samboti, mazi ayu ali uzikhi wakulumba vyuma vyamboti.” (Tanga 1 Coríntios 7:32, 33, 38) Mazi kuti yo kesi kusakana walumba samboti? Kilistau ya muzikhi kesi na visoka vinzi vya momo akutekula kumba yindi. Amomo vazikhi vali na masimbu ezi phala kulumba vyeshovu vasoli. Nañgu kuhita masimbu enzi mukulunga mbimbi ya Suku ni lowo kuya mu matumbu akaseka phala kulumba vyuma vinzi kumilimu za Suku. Kukhanda yikwau, avuvu vali na masimbu enzi phala kusimanya Yehova.

2. Mukonda lya vikhi suma samboti kusoneka mikanda za ukaza?

Sikhali makaza sikhali vazikhi vali na zimboti zavu. Bibilya yiti “kukhala mbali kota kakhusoki na muthu umuhekha.” (Eclesiastes 4:9) Ava vakazala, nga valumbi vye Bibilya yiywela vakulihana samboti umwe na mukwau. Vathu va vezi kulisakana avalisoneki, ukaza wavu mumukanda avuvu vezi kulikenekena kulileka sisola na vumbi umwe na mukuwau. Avuvu valiva samboti mukonda lya ukaza mazi ava valisakana tuhu se kukazala, kavezi kukhala samboti. Vana vakukhala samboti mukonda vazivi kwakuninga viyisi kavesi kuya valihandununa.

3. Vikhi Yehova ezi kusoka kukhanda ya ukaza?

Hosi Yehova akalumba ukaza uteti endi wakaywela momo: “Muyala wakukasa yisi na ñgina phala kukhala na mukhetu wendi.” (Gênesis 2:24) Yehova wasola nga muyala na mukhetu valisola umwe na mukwau avakali kumuheka. Yehova heti muyala na mukhetu valitusula tuhu nga umwe alumbi undumbu. Nga vye vya moneka, Yehova wezi kutusula muyala ni lowo mukhetu yo kalumbili undumbu se akupama na ukaza ni wakuma na ukaza.a (Mateus 19:9) Yehova wasola nga muyala akhala na mukhetu umuhekha, mukhetu akhali na muyala muhekha.—1 Timóteo 3:2..

LILONGI WEKHA

4. Momo vazikhi vahasa kundesa samboti mwenyu avu?

Phala Yesu uzikhi suma samboti. (Mateus 19:11, 12) Tangyenu Mateus 4:23. Vyelienu kukhanda ya sihulu se:

• Vyuma vikhi Yesu akalumba mazi wakavilumba mukonda lya momo akakhala muzikhi?

Zi Kilistau za vazikhi navu vahasa kulumba nañgu momo Yesu akalumba. Talyenu VIDYU. Vyelienu kukhanda ya sihulu se:

VIDYU: Vazikhi Vali na Sisola Kwa Yehova (3:11)

• Vikhi vazikhi vahasa kulumba ku milimu za Suku?

Wakaziva kali?

Bibilya kayweli mivu ze vathu wafanya kukhala nazu phala kukazala. Mazi ayuyu yilonga yiti suma samboti kukazala ha ukula kandambu. Mukonda lya vikhi? Mukonda muthu akuhasa kusoka samboti. Endi kesi kukazala tuhu mukonda lya kulizeka.—1 Coríntios 7:36.

5. Handa samboti yo wasola kukazala nendi

Twafanya kusoka samboti nayu tukazala nendi mukonda kukaza kakuhema aku. Tangyenu Mateus 19:4-6, 9. Vyelienu kukhanda ya sihulu se:

• Mukonda lya vikhi katwatokeleli kunyanga kukazala?

Bibilya yiywela vye twafanya kukenga ku muthu yo twakukazala nendi. Mazi suma salanda kuhanda yo ali na sisola kwa Yehova.b Tangyenu 1 Coríntios 7:39 na 2 Coríntios 6:14. Vyelienu kukhanda ya vihulu vye:

• Mukonda lya vikhi twafanya kukazala tuhu na muthu yo ezi kusimanya Yehova?

• Mukusoka kwavi, kuti Yehova akuliva nga twakazala na muthu yo kezi kusimanya endi?

6. Khala na visoka vya Yehova kukhanda ya ukaza

Kumivu za munyima vamwe vayala mbunga ya Suku vakakhala kulihewa na vakhetu vavu mukonda vakasola kukhala na vakhetu vakwau. Tangyenu Malaquias 2:13, 14, 16. Vyelienu kukhanda ya sihulu se:

• Mukonda lya vikhi Yehova kezi kusola nga ava vakakazala kavalitusuli?

Talyenu VIDYU. Vyelienu kukhanda ya sihulu se:

VIDYU: Nga Wakazala, Kamulitusuli (4:30)

• Nga kwakuninga wakakazala na muthu yo kezi kusimanya Yehova, vikhi wafanya kulumba phala kuliva samboti mu ukaza wavi?

7. Lumba vye Yehova aywela kukhanda ya ukaza

VIDYU: Yivi Uhasa Kulumba Vye Yehova Alomba Kukhanda ya Ukaza (4:14)

Tangyenu Hebreus 13:4. Vyelienu kukhanda ya vihulu vye:

• Mukusoka kwavi, tuhasa kuhaka kumenyu zetu vye Yehova avyela kukhanda ya ukaza? Mukonda lya vikhi?

Yehova asola nga zi Kilistau vahotolokela ku vituminu vyendi. Tangyenu Tito 3:1. Vyelienu kukhanda ya sihulu se:

• Ukaza wavi mwakausoneka mu mukanda?.

VIKHI WATUVA

Vazikhi na va vakakazala, vose vali na mukomu winzi kwa Suku. Avuvu vahasa kukhala samboti na kusanguluka, nga valandula vituminu vya Yehova.

Kuzimbuluka

• Vikhi muzikhi ahasa kulumba mu milimu za Suku?

• Mukonda lya vikhi Bibilya yiywela yiti twafanya kukazala tuhu na va vezi kusimanya Yehova?

• Suma sikhi tuhu Bibilya yiywela sihasa kumana na ukaza?

KENGA WEKHA

Vikhi vilomboloka kukazala “tuhu ku Uñgana”?

“Perguntas dos Leitores” (A Sentinela, 1.º de julho de 2004)

Tala zividyu ze zihasa kukukwasa kukhanda ya kuheka na kukazala.

Para quem pensa em se casar (11:53)

Tala momo umwe phangi akaywela heti Yehova wa muhana vyuma vinzi ka vya sokeli na vye nakasa munyima.

Eu tinha esperança que ela pudesse aprender a verdade (1:56)

Vikhi muthu atokala kulumba andi ya kulihewa na muthu yo akakazala nendi?

“Respeite ‘o que Deus pôs sob o mesmo jugo’” (A Sentinela, dezembro de 2018)