LISAU 59
Khala na Zikhono!
Kuli hamwe twakuhita na lamba lya kutuzemba mukonda lya momo tusimanya Yehova. Mazi twatokala kwiva woma wa vyuma vye?
1. Mukonda lya vikhi twafanya kuziva kwakuninga vathu vakutuzemba?
Bibilya yiti: “Vose vasoli kusimanya Suku kumuheka na Kilistu Yesu, navu vakuvazemba.” (2 Timóteo 3:12) Yesu vakakhala kumuzemba mukonda endi kakheli kulumba mbandu ya tumbu lye lya Sathana. Netu, katulumbi mbandu ya tumbu. Wamona katwenzi kwiva oma hose zinguvulu na vathu va zingeleja zezi kutuzemba.—João 15:18, 19.
2. Vikhi twafanya kulumba kasimbu kandi vatuzemba?
Twafanya kukolelesa ufelelo weti simbweli. Wamona, twafanya kutanga Bibilya vizuwa viose. Ndoi musikungulwila semana zose. Kulumba vyuma vye, vya kukuhana zikhono phala kuzindi ola khumba yavi kayakusolele. Apostolu Paulo wakahita na vyuma vinzi vya viha, yo akavyela momo: “Yehova sikwasu sami sesi kukhala na woma.”—Hebreus 13:6.
Suma sikwau sihasa kutukwasa kukhala na zikhono, kulonga Bibilya ku vathu. Kukhanda yikwau, yitukwasa kuweza ufelelo wetu na kutusula woma wa vathu. (Provérbios 29:25) Nga twakhala na zikhono zakulonga kulinu, kwa kutukwasa kupama kuphala ya vizuwa nga zinguvulu zatukanda kutusula kulonga.—1 Tessalonicenses 2:2.
3. Namwahi kupama kuhita na vyuma vya viha kutukwasa?
Nga twapama, ufelelo wetu wakuliweza. Tuhasa kuliva ku uhehi wa Yehova, mukonda tuziva momo yindi ezi kutuhana zikhono, ola ha twezi kusoka tuti katwesi kuhasa. (Tiago 1:2-4) Yehova ezi kuzinda kumbungi yindi ha ezi kutumona mukuhita na lamba. Endi ezi kusanguluka sinene nga atumoni mukupama. Wamona Bibilya yiywela yiti: “Nga kwakuninga mwali mukuhita na vyuma vinzi vya viha mukonda lya kulumba mboti, mwakusangulwisa Suku.” (1 Pedro 2:20) Yehova wakeneka kuhana mwenyu kawezi kuhwa mu tumbu lya uhi ku va vapama kate ku usukilu.—Mateus 13:13.
LILONGI WEKHA
Ziva se mukonda lya vikhi twafanya kuleka ufelelo wetu kwa Yehova ola aha vezi kutuzemba. Tala wekha zimboti wakutambula nga wapama.
4. Avi uhasa kupama ola kwakuninga khumba yavi yakuzemba
Yesu wakaziva kali samboti kwakuninga, khumba yetu yikwiya yikatuzembi mukonda lya kusimanya Yehova. Tangyenu Mateus 10:34-36. Vyelienu kukhanda ya sihulu se:
Nga umwe muthu ahandi kusimanya Yehova namwahi khumba yakuliva?
Talyenu VIDYU. Vyelienu kukhanda ya sihulu se:
Vikhi yivi wafanya kulumba nga kwakuninga khumba yavi ni lowo kamba lyavi kavasoleli nga yivi usimanya Yehova?
Tangyenu Salmo 27:10 na Marcos 10:29, 30. Vyelienu kukhanda ya sihulu se:
Namwahi vivatu vye vihasa kukukwasa nga khumba na vathu vakwau vakuzembi mukonda lya kusimanya Yehova?
5. Pama kusimanya Yehova ola vali mukukuzemba
Twatokala kuleka zikhono phala kusimanya Yehova nga vakwetu vasoli nga tutusula kumusimanya. Talyenu VIDYU. Vyelienu kukhanda ya sihulu se:
Vikhi watuva mu vidyu ye, vikolesa ufelelo wavi kwa Yehova?
Tangyenu Atos 5:27-29 na Hebreus 10:24, 25. Aha mwakumana kutanga vivatu vye, muvyela kukhanda ya sihulu se:
Mukonda lya vikhi suma samboti kupama kuya ku zinzangu na kulonga vathu Bibilya, ola kwakuninga zinguvulu vatukandi kulumba vye?
6. Yehova wa kukukwasa kupama
Zimbangi za Yehova mu tumbu liose vezi kupama kusimanya Yehova ola ha vezi kuhita na vyuma vihwinya. Phala kuziva vye vya kavakwasa, Talyenu VIDYU. Vyelienu kukhanda ya sihulu se:
Mu vidyu, vikhi vya kakwasa ziphangi va kupama?
Tangyenu Romanos 8:35, 37-39 na Filipenses 4:13. Vyelienu kukhanda ya sihulu se:
Namwahi sivatu se sihasa kukolesa ufelelo wavi mu kuhita na vithombo?
Tangyenu Mateus 5:10-12. Vyelienu kukhanda ya sihulu se:
Mukonda lya vikhi uhasa kukhala na kusanguluka ola wali mukuhita na vyuma vya viha?
Vathu venzi Zimbangi za Yehova vezi kupama kusimanya Yehova ola mwemomo vakuhita na lamba vakuvazemba. Navi uhasa!
AVAMWE VETI: “Ami sesi kuhasa kuhita na vyuma vye.”
Sithimbu sikhi sa mu Bibilya sihasa kukwasa muthu yo kupama?
VIKHI WATUVA
Yehova ezi kuhana mukomu winzi ku zikhono twezi kulumba phala kumusimanya ola aha twezi kuhita na vyuma vihwinya. Na sikwasu sa Yehova tuhasa kukhala na zikhono za kupama!
Kuzimbuluka
Mukonda lya vikhi zi Kilistau zafanya kuziva kwakuninga avuvu va ku vazemba?
Vikhi watokala kulumba kasimbu khali kumoneka vyuma vya kukuzemba?
Mukonda lya vikhi wafanya kukhala na sili kwakuninga uhasa kusimanya Yehova, ola kwakuninga wali mukuhita na vyuma vihwinya?
KENGA WEKHA
Tala momo Yehova akakwasa umwe phangi kupama ha vamuhaka mukaleya mukonda lya kuhewa kuya muvusulali.
Tala vye vya kakwasa umwe likaza kupama kusimanya Yehova kumivu zinzi ola mukuhita na vyuna vihwinya.
Tala momo uhasa kuhita na vyuma vya viha na zikhono zose.
“Prepare-se agora para a perseguição” (A Sentinela, julho de 2019)
Tala momo katwatokeleli kuzinda nga khumba yetu yatuzemba. Tala wekha vye wafanya kulumba nga khumba yavi yakuzemba.
“A verdade traz ‘não a paz, mas a espada” (A Sentinela, outubro de 2017)