Kuhongi mu Kunengelela

Vikhi Yesu Akalumba

VIDYU: Yesu Wakakwasa Phangi Yendi

1. Tala VIDYU. Ni lowo tanga João 7:3-5 na 1 Coríntios 15:3, 4, 7. Soka kukhanda ya vihulu vye:

1. Mu kumeteka, namwahi ziphangi za Yesu va kaliva ku khanda ya mizimbu ze akavazimbwila?

2. Vikhi vileka kwakuninga Yesu kakahongeli kukwasa phangi yendi Tiago?

Vikhi Twatuva na Yesu

2. Twafanya kunengelela mukonda avamwe vathu vezi kunyanga kutava mazi vakwawu vezi kuvinga amwe masimbu phala kutava.

Namwahi Tuhasa Kukengelesa Yesu

3. Kenga vye wafanya kulumba. Muthu nga ahewi kulilonga Bibilya kumuthethemeki. Suma samboti wafanya kulumba, kumuleka vidyu ni lowo kumuhana kamukanda ka kumukwasa kuziva momo twezi kulonga Bibilya ku vathu na momo Bibilya yihasa kumukwasa.

4. Etu katwalififili na vakwetu. Muthu na muthu ali na momo atunga. Nga umwe khumba yavi ni lowo muthu yo wezi kuhindula ahewi kulilonga Bibilya ni lowo zimwe mizimbu za Bibilya, avi wafanya kuziva se mukonda lya vikhi ahewi. Muthu wasu, wahewa mukonda ali na ngeleza yendi? Vokumuzemba ku vamwe vathu ni lowo ku khumba yendi? Tusula muthu kusoka ku vye wa muzimbwila, phala yindi kuziva momo kulilonga Bibilya kuhasa kumukwasa.

5. Lumba lombelu. Lomba kwa Yehova phala kukukwasa kupama mu kukenga muthu. Andi ya kutusula kukenga muthu wakatamaka nendi, lomba kwa Yehova phala kukukwasa kuziva se wakutusula kuya kweni ni lowo.—1 Cor. 9:26.