Kusimbakata Mukuvyela

Vikhi Filipi Akalumba

VIDYU: Filipi yo Kulonga Muyala Muka Etiopia

1. Tala VIDYU. Ni lowo, tanga Atos 8:30, 31. Soka kukhanda ya vihulu vye:

1. Namwahi Filipi akameteka kuta maka?

2. Namwahi momo yindi akamateka kuta maka vya kamukwasa kulonga muyala yo muka Etiopia?

Vikhi Twatuva na Filipi

2. Nga twavyela na kusimbakata, muthu wakuliva samboti phala kutamaka na kutava ku vye twasola kumulonga.

Namwahi Tuhasa Kukengelesa Filipi

3. Mutali samboti. Amomo muthu ali vileka kwakuninga se wasola kutwiva ni lowo. Lihuli momo: Muthu yo wasola kuvyela navi? Phala kumeteka kuta maka kukhanda ya Bibilya, muhuli momo: Avi waziva…?” Kuthethemeki kutamaka nga muthu ahewi.

4. Kuhongi kunengelela. Kumeteki kali kutamaka kukhanda ya Bibilya. Nengelela kandambu phala kuhasa kuvyela samboti na muthu kukhanda ya Bibilya. Kwali hamwe wakuvinga kunengelela phala kuvyela na muthu ku sizuwa sa kasekha.

5. Kusimbakata mukuvyela. Kusoki kwakuninga wafanya kuvyela tuhu vye waniha. Amomo kuli hamwe muthu yo twakuvyela nendi, akuvyela vyuma katwakheli mu kusoka. Likhokhi phala kuvyela na muthu simwe suma kukhanda ya Bibilya ola mwemomo yindi avyeli vyuma vya kasekha.