Mukanda wa Vakulu va Sikungulwila mu Tumbu Lyose

“Enu mwafanya kukhala mu valongesu.” (Heb. 5:12) Asi soka: Yehova atulomba phala yitu kulonga vathu kukhanda ya sili sendi. Avye vilombolola kwakuninga kulonga sili kukhanda ya Yehova mu khumba, mu sikungulwila na ku milimu za kulonga, a se seni suma salanda. Amuni, namwahi siwa tuhasa kukhala tuvalongesu vamboti?

Paulu wakatava kukhanda ya sihulu se, yo akavyela momo kwa Timotyu: “Pama kulumba zikhono za kutanga na kukanda na kulonga.” Paulu wakamuvyela wekha: “Mu kulumba vye, wakuhasa kuyovola yivi vene na va vezi kukwiva.” (1 Tim. 4:13, 16) Etu twezi kulonga mizimbu zamboti zihasa kuyovola myenyu za vathu. Mukonda lya vye, twatokala kutanga na kulonga samboti. Mukanda wo, vakawusoneka phala kukukwasa ku vyuma vyasu. Tala vimwe vyuma vihasa kukukwasa:

Mu lisau na lisau ya mukanda wo, twakusanga sivatu sa Bibilya. Sivatu sasu, milongi zihasa kutukwasa ni lowo yivyela kukhanda ya umwe muthu akalumba vyuma tukuvyela mu lisau yasu.

Mukanda wo wakukukwasa yivi kutanga samboti, na kukhala umulongesu wamboti. Mazi, kulavi kwakuninga Yehova mulongesu munene.” (Isa. 30:20). Avye twezi kulonga vyezi kunzila kwendi. Yindi ezi kukwasa vathu phala kumuziva. (João 6:44 Mukonda lya momo, wafanya kulumba lombelo phala Yindi kukuha nzumbi yendi Yikola na kulilonga Bibilya. Kwasa vathu kuziva vye Yehova ezi kusoka kukhanda ya simwe suma. Kuvyele tuhu vye yivi uziva. Suma salanda wafanya kulumba, kukwasa vathu kukhala na sisola kwa Yehova na mbungi yosi.

Avi wakatambula milimu za mukomo Yehova akakuha: Kulonga sili kukhanda ya Yendi. Nga wapama na kumufelela “ku zikhono ze Suku ezi kutuha,” sunga limwe, wakuhasa kukhala umulongesi wamboti.—1 Ped. 4:11.

Ziphangi zenu,

Vakulu va Sikungulwila mu Tumbu Lyose ya Zimbange za Yehova