LISAU 8
Longa na Vifika
Mateus 13:34, 35
VYE WAFANYA KULUMBA: Mu kulonga lumba sifika kasihwinyi phala vathu kutuva samboti vye wa kulonga.
NAMWAHI WAFANYA KULUMBA:
Handa sifika kasihwinyi. Lumba nañgu Yesu: Vyela sifika silelu phala kulombolola maka ahwinya. Kuvyeli vyuma vinzi, kuphyatwisi vathu kuziva kukhanda ya vye wa kulonga. Lihuli momo: ‘Sifika se na sola kuvyela, sikukwasa vathu kuziva vye na sola kuvalonga?’
Soka ku vathu. Lumba vifika vye vivyela kukhanda ya vyuma vye vathu vezi kulumba ni lowo vasoli sinene. Mazi ulivendeka phala kulumbi vifika vye vilumbisa vathu kuliva mwaviha.
Soka ku vye wasola kulonga na sifika. Vathu ka vafanyene kuzimbuluka tuhu sifika, mazi sili se walonga kukhanda ya sifika.