Mukonda lya Vikhi Twezi Kuhita na Lamba?

Aha kwezi kuhita vyuma vya viha, vathu vezi kulihula momo: “Mukonda lya vikhi twezi kuhita na vyuma vye?” Suma samboti kuziva kwakuninga Bibilya yitava sihulu se!

1. Namwahi lamba lya kameteka munu mu tumbu?

Sathana Lyabu wa kavukumukina Yehova. Endi wakasola kutumina hukati ka vakwau wamona akapiyatwisa Andau na Eva phala kuhana kunda kwa Suku na kukhala kukhanda yendi. Namwahi Sathana akalumba phala kuvapiyatula? Endi wakakusa Eva. (Gênesis 3:1-5) Endi wa kalumbisa Eva kusoka kwakuninga Yehova wakavasweka vyuma vyamboti. Sathana wakaywela kwakuninga vathu vakukhala na kusanguluka nga valumbi vye vasoli. Sathana wakaywele mambu ateti kwa Eva. Aha akaywela heti kesi kufa. Wamona Bibilya yimushana yiti “mukamambu na yisi ya mambu.”—João 8:44.

2. Andau na Eva vakalumba vikhi?

Yehova wakahana vyuma vyamboti kwa Andau na Eva. Yehova wakavaywela heti vivundu vya miti zose za Êden muhasa kulya, mazi kamuli tuhu vivundu vya muti umuhekha. (Gênesis 2:15-17) Ola mwemomo avuvu vakali sivundu sa muti wo vakavakanda. Eva “akameteka kulya” nendi akahani ‘kwa Andau akalye.’ (Gênesis 3:6) Avye Suku akaywela kwa Andau na Eva ka vya kahwinyini mukonda avuvu kavakakhele na vitusi. Ola mwemomo avavu vakahandi ku vukumukina Suku. Avuvu vakata situsi, ha vakalumba vye vakahewe utuminu wa Suku. Avye vakalumba vya kanihisa lamba linzi.—Gênesis 3:16-19.

3. Avye Andau na Eva vakalumba vya kanihisa vikhi ku mwenyu wetu?

Andau na Eva vakata situsi wamona kulinu kumbi netu twezi kuta vitusi. Bibilya yiywela momo kukhanda ya Andau: “Mukonda ya muthu umuhekha situsi sa kovela munu mu tumbu, mukonda lya situsi kweya kufa kwalimwanya ku vathu vose.”—Romanos 5:12.

Amuni mukonda lya vikhi twezi kumona lamba? Hamwe twezi kumona lamba kuvye twezi kulumba. Kukhanda yikwau, mukonda lya vye vakwetu vezi kulumba. Ahamwe mukonda lya vyuma vya viha viezi kumoneka.—Tanga Eclesiastes 9:11.

LILONGI WEKHA

4. Ziva yo ezi kutumwesa lamba

Vathu venzi vasoka kwakuninga Suku endi ezi kulava tumbu. Mazi ase sili? Talyenu VIDYU.

VIDYU: Yili Ali Mukutumina Tumbu Lye? (1:24)

Tangyenu Tiago 1:13 na 1 João 5:19. Vyelienu kukhanda ya sihulu se:

• Suku ezi kutumwesa lamba?

5. Tala vye vyali mukumoneka ku utuminu wa Sathana

VIDYU: Mukonda lya Vikhi Twezi Kumona Lamba Linzi?—Sithimbu (3:07)

Tangyenu Gênesis 3:1-6. Vyelienu kukhanda ya vihulu vye:

• Mambu akhi Sathana akaywela?—Talyenu vithimbu vya 4 na 5.

• Vikhi Sathana akaywela phala Andau na Eva kusoka kwakuninga Yehova wakavasweka vyuma vyamboti?

• Avye Sathana akaywela vileka kwakuninga vathu vavinga kutava Suku phala kukhala na kusanguluka?

Tangyenu Eclesiastes 8:9. Vyelienu kukhanda ya vihulu vye:

• Twamona tuti ka Yehova aku ezi kutumina tumbu. Amuni namwahi tumbu lyali?

1. Andau na Eva vakakhala na mwenyu wamboti mu tumbu lyo-lyo lya waha, mazi vakahewe kwa Yehova vakakhali kukhanda ya Sathana

2. Vitusi na lamba na kufa vikeye munu mu tumbu

3. Yehova akumana na vitusi na lamba na kufa. Vathu vakukhala na mwenyu wamboti hanu hosi

6. Yehova ezi kuzinda ha ezi kutumona mukuhita na lamba

Namwahi Suku ezi kuliva ha ezi kutumona mukuhita na lamba? Twakutala vye Davidi na Petulu vakasoneka. Tangyenu Salmo 31:7 na 1 Pedro 5:7. Vyelienu kukhanda ya sihulu se:

• Vivatu vye vya leka kwakuniga Yehova ezi kuzinda hosi ezi kutumona mukuhita na lamba. Namwahi uliva mu kuziva vye?

VIKHI WATUVA

Sathana, Andau na Eva vuvu vakatukengela lamba twakumona. Yehova atusola sinene. Kwakamba kandambu, endi ezi kuzinda hose ezi kutumona mu kuhita na lamba.

Kuzimbuluka

• Mambu akhi Sathana Lyabu akaywela kwa Eva?

• Namwahi mwenyu wetu wali mukonda lya vye Andau na Eva vakalumba?

• Namwahi twaziva tuti Yehova ezi kuzinda hose ezi kutumona mukuhita na lamba?

KENGA WEKHA

Situsi suma sikhi? Tala mu Bibilya.

“O que é pecado?” (Mu jw.org)

Ziva samboti vye Sathana akaywela mu jardim ya Êden.

“Porque Deus permite sofrimento?” (A Sentinela, 1 de janeiro de 2014)

Tala sitavu sa sihulu sihwinya.

“Porque Deus não impediu o holocausto?” (Mu jw.org)

Tala vye umwe muyala akatuva kukhanda ya lamba lye akahita.

Eu não me sinto mais sozinho (5:09)