Namwahi Kufa Kwa Yesu Kuhasa Kutuhulula?

Etu twezi kumona lamba na kufa mukonda lya Andau na Eva vakata situsi.a Mazi Yehova wakatumikisa mona wendi phala kutuyovola ku situsi na kufa. Bibilya yiti kufa kwa Yesu kutuyovola. Ayuyu yiti Yesu wakahana mwenyu wendi phala kuhulula vathu. Kuhulula kufuta simwe suma phala kukwasa muthu mukwau. Yesu wakafuta mwenyu wendi phala kutuyovola. (Tanga Mateus 20:28.) Hose Yesu akahana mwenyu wendi wakazikula nzila phala tukhali na vyuma vye Andau na Eva vakazimbelesa. Ha Yesu akahana mwenyu wendi, wakaleka momo yindi na yisi vatusola. Lisau yini ye yakutuleka momo twafanya kuleka sisakililu setu ku vye Yesu akalumba

1. Namwahi kufa kwa Yesu kutukwasa kulinu?

Etu tuvathu va vitusi, wamona twezi kulumba vyuma vinzi vyezi kuzindisa Yehova. Mazi mukonda lya vye Yesu akalumba tuhasa kutambula muloloki wa vitusi vyetu. Mazi twafanya kutusula vyuma vya viha na kulomba uloloke wa vitusi vyetu kwa Yehova mu zina lya Yesu na kulumba zikhono phala katuvutukili mu kulumba vyuma vyasu. Nga twalumba vye, twakukhala na ukamba wamboti na Yehova. (1 João 2:1) Bibilya yiti: “Yesu wakafa kamuhekha phala kutuhulula ku vitusi vyetu, yo kesi na vitusi phala kuhulula vakavitusi na kukhala tuhalu twa Suku.”—1 Pedro 3:18.

2. Namwahi kufa kwa Yesu kwakutukwasa kuphala ya vizuwa?

Yehova wakatuma mona endi phala kuhana mwenyu wendi kawesi na vitusi “phala mweshowo aleki ufelelo kwa [Yesu] akakhali na mwenyu kauhwi.” (João 3:16) Mukonda lya vye Yesu akalumba, Yehova wakuhasa kumana na vyuma viose vya viha Andau na Eva vakakenga. Nga twakhala na ufelelo kwa Yesu twakukakhala na mwenyu wamboti hanu hosi!—Isaías 65:21-23.

LILONGI WEKHA

3. Avye Yesu akalumba vituhulula ku vitusi vyetu na kufa

VIDYU: Mukonda lya Vikhi Yesu Akafa?—Mbandu 1 (2:01)

• Vikhi vya kalivota hose Andau akavukumukina Suku?

Tangyenu Romanos 5:12. Vyelienu kukhanda ya sihulu se:

• Kulinu mwenyu wetu wali namwahi mukonda lya vye Andau akalumba?

Tangyenu João 3:16. Vyelienu kukhanda ya sihulu se:

• Mukonda lya vikhi Yehova akatuma Mona endi hanu hosi?

1. Andau kakakhele na situsi, mazi endi wakahewa Suku. Wamona kulinu twezi kuta vitusi ha tufi

2. Yesu kakakhele na situsi, endi wakatava kwa Suku. Wamona mweshovo valeki ufelelo kwendi vakukakhala na mwenyu kawezi kuhwa

4. Kufa kwa Yesu kuhasa kukwasa vathu vose

VIDYU: Mukonda lya Vikhi Yesu Akafa?—Mbandu 2 (2:00)

• Namwahi kufa kwa muthu umuhekha kuhasa kukwasa vathu vose?

Tangyenu 1 Timóteo 2:5, 6. Vyelienu kukhanda ya sihulu se:

• Andau kakakhele na situsi mazi mukonda kakateveli Suku, kulinu netu twezi kulumba vitusi na kufa. Yesu nendi kakakhele na situsi endi wakatava kwa Suku. Namwahi kufa kwendi “kutuhulula” ku vitusi vya Andau?

5. Kufa kwa Yesu suma samboti Yehova akahana phala yivi

Makamba a Yehova vezi kuhana mukomo ku vye Yesu akalumba. Phala kuziva, tangyenu Gálatas 2:20. Vyelienu kukhanda ya sihulu se:

• Namwahi apostolu Paulo akaleka kwakuninga kufa kwa Yesu suma samboti phala yindi?

Twezi kufa mukonda lya situsi sa Andau. Mazi Yehova wahana mwenyu wa mona endi phala yivi kukhala na mwenyu kauhwi.

Aha wakutanga, asisoka momo Yehova akaliva ha akamona mona endi mukuhita na lamba. Tangyenu João 19:1-7, 16-18. Aha mwakumana vyelienu kukhanda ya sihulu se:

• Namwahi uliva ku vye Yehova na mona wendi vakalumba phala yivi?

VIKHI WATUVA

Yehova wezi kuloloka vitusi vyetu mukonda lya kufa kwa Yesu. Kukhanda yikwau, mukonda lya kufa kwa Yesu tuhasa kukhala na mwenyu kauhwi.

Kuzimbuluka

• Yesu wakafa mukonda lya vikhi?

• Namwahi mwenyu wa Yesu uhasa kuhulula vathu vose?

• Namwahi kufa kwa Yesu kuhasa kukukwasa?

KENGA WEKHA

Lilongi phala kuziva momo kufa kwa Yesu kutuyovola.

“Como o sacrifício de Jesus pode servir como ‘sesgate por muitos’?” (Mu jw.org)

Ziva vye twafanya kulumba phala kuhuluka.

“O que quer dizer ‘Jesus salva’?” (Mu jw.org)

Mazi Yehova wezi limwe kuloloka vitusi vinene?

“Perguntas Bíblicas Respondidas” (A Sentinela, 1.º de maio de 2013)

Tala momo kusoka mu kufa kwa Yesu kwakakwasa umwe muyala akasola kulumba vyuma vya viha.

“Eu não sou mais escravo da violência” (Mu jw.org)