Ziva Sili Kukhanda ya Mingelu na Vye Vezi Kulumba

Yehova wasola nga tuziva khumba yendi. Ku khumba yasu kwo kwali mingelu vashana veti “vana va Suku.” (Jó 38:7) Vikhi Bibilya yiywela kukhanda ya mingelu? Vikhi vuvu vezi kulumba? Mingelu zose zilumba mbandu kukhanda ya Suku?

1. Mingelu volye?

Yehova wakavanga kulumba mingelu andi yakulumba tumbu. Nañgu Suku, mingelu nazu kazezi kumoneka. (Hebreus 1:14) Kwali mingelu zinzi mazi kukhanda yikwau vilinga vyavu kavimuhekhaku. (Apocalipse 5:11) ‘Azuzu zezi kwiva mbimbi ya Suku na kulumba vituminu vyendi.’ (Salmo 103:20) Kumivu za munyima, Yehova wakakhala kutuma mingelu phala kuywela umbangi wendi na kukwasa mbunga yendi ha vakakhala kuhita na vyuma vya viha. Kulinu kumbi, mingelu vezi kukwasa zi Kilistau kusanga va vasoli kutuva kukhanda ya Yehova.

2. Yili Sathana Lyabu?

Zimwe mingelu za katusula kusimanya Suku. Mungelu utete wakasa Suku “vashana vethi Sathana Lyabu. Yindi hezi kupiyatwisa vathu ahanu hosi.” (Apocalipse 12:9) Sathana wakasola kutumina hukati ka vakwau. Wamona akalyangula Andau na Eva na mingelu zikwau phala kukhala kukhanda yendi. Mingelu za viha ze vazishana veti zidemonyo. Yehova wakavakaya kolu avu vali munu mu tumbu. Suku wakukamana Sathana na zidemonyo.—Tanga Apocalipse 12:9, 12.

3. Namwahi Sathana na zidemonyo vezi kusola kutupiyatwisa?

Sathana na zidemonyo vezi kupiyatwisa vathu kukhanda ya viteka na wanga. Avamwe vathu ha vezi kuvinza, vezi kuya kuvimbanda. Kukhanda yikwau, avamwe vezi kuya mukutaha zingombo. Sathana ezi kulumbisa vathu kusoka kwakuninga tuhasa kuywela nava vakafa kali. Mazi Yehova heti: “Kamukengi va vezi kutaha zingombo na vakakulumba viphata.” (Levítico 19:31) Yehova wezi kutulonga vyuma vye phala Sathana na zidemonyo kavatutohesi. Avuvu zinguma za Suku vasoli kutulumba vyuma vya viha.

LILONGI WEKHA

4. Mingelu vezi kukwasa vathu kuziva kukhanda ya Yehova

Mingelu za Suku kavezi kuya mukulonga kumanzu a vathu, mazi azu zezi kukwasa mbunga ya Suku kusanga vathu va vasoli kuziva kukhanda ya Yehova. Tangyenu Apocalipse 14:6, 7. Vyelienu kukhanda ya vihulu vye:

• Mukonda lya vikhi tuvinga sikwasu sa mingelu phala kulonga?

• Mukusoka kwavi, suma samboti kutambula sikwasu sa mingelu phala kulonga? Mukonda lya vikhi usoka momo?

5. Tusula vyuma viose vilumba mbandu ya mawanga

Sathana na zidemonyo zinguma za Yehova azu nazu zinguma zetu. Tangyenu Lucas 9:38-42. Vyelienu kukhanda ya sihulu se:

• Vikhi zidemonyo vezi kulumba ku vathu?

Katwatokelele kutusula zidemonyo kupiyatwisa menyu zetu. Tangyenu Deuteronômio 18:10-12. Vyelienu kukhanda ya vihulu vye:

• Namwahi zidemonyo vezi kusola kuywela netu na kutupiyatwisa? Vyuma vikhi vilumba mbandu ya wanga wezi kumona ko watunga?

• Usoka uti Yehova ezi kulumba samboti ezi kutukanda kulumba vyuma vye? Mukonda lya vikhi usoka momo?

Talyenu VIDYU. Vyelienu kukhanda ya vihulu vye:

VIDYU: “Limukyenu na Lyavu” (5:02)

• Ku vidyu, Minga wakahaka lingozi kukuvoko kwa mona endi. Usoka uti suma samboti yindi akalumba? Mukonda lya vikhi?

• Zi Kilistau za sili kavezi kulumba vyuma vya zidemonyo.

Tangyenu Atos 19:19 na 1 Coríntios 10:21. Vyelienu kukhanda ya vihulu vye:

• Mukonda lya vikhi twafanya kufunyika vyuma viose vilumba mbandu ya viteka na wanga?

6. Lumba zikhono phala Sathana na zidemonyo kavakupiyatwisi

Sathana ezi kutumina zidemonyo. Mazi mingelu zamboti, Mingeli ezi kuzitumina. Mingeli zina likwau lya Yesu. Zikhono zikhi Mingeli ali nazu? Tangyenu Apocalipse 12:7-9. Vyelienu kukhanda ya vihulu vye:

• Yili alandi zikhono Mingeli na mingelu zendi ni Sathana na zidemonyo zendi?

• Usoka uti zi Kilistau zatokala kukhala na woma wa Sathana na zidemonyo?

Avi uhasa kulumba zikhono phala Sathana na zidemonyo kavakupiyatwisi. Tangyenu Tiago 4:7. Vyelienu kukhanda ya vihulu vye:

• Vikhi wafanya kulumba phala Sathana na zidemonyo kavakupiyatwisi?

VIKHI WATUVA

Mingelu zamboti zezi kutukwasa. Sathana na zidemonyo zinguma za Yehova, avu vezi kupiyatwisa vathu.

Kuzimbuluka

• Namwahi mingelu zamboti zezi kukwasa vathu kutuva kukhanda ya Yehova?

• Sathana na zidemonyo volye?

• Mukonda lya vikhi wafanya kutina vyuma vye vilumba mbandu ya wanga?

KENGA WEKHA

Tala vye vileka kwakuninga Yesu yindi Mingeli mungelu munene.

“Quem é o Arcanjo Miguel?” (Mu jw.org)

Tanga vyuma vileka kwakuninga Lyabu kweni ali.

“Será que o Diabo existe?” (Mu jw.org)

Tala umwe mukhetu akahasa kutusula vyuma vya zidemonyo.

“Ela descobriu que a vida tem um objetivo” (A Sentinela, 1 de julho de 1993)

Tala momo Sathana ezi kukusa vathu na wanga.

“A verdade sobre magia, encantamento e feitiçaria” (O Caminho Para a Vida Eterna, Parte 5)