LISAU 28
Sakilila ku Viose Yehova na Yesu Vakalumba Phala Yivi
Namwahi uliva nga mukwenu akuhani simwe suma? Uliva samboti husakilili ku muthu yo akuhani suma sasu. Yehova na Yesu vakatuha suma samukomo winzi: Mwenyu wa Yesu. Namwahi twafanya kusakilila ku vye Yesu akalumba?
1. Vikhi twafanya kulumba phala kuleka mukomo ku vye Yehova na Yesu vakalumba phala yitu?
Bibilya yiti ‘mweshowo aleki ufelelo kwa Yesu’ wakukakhala na mwenyu kawesi kuhwa. (João 3:16) Mazi vikhi vilomboloka kuleka ufelelo? Vilomboloka vyuma vinzi, kakutava tuhu kwakuninga Yesu kweni ali. Tuhasa kuleka ufelelo wetu ku vye twezi kusoka na vye twezi kulumba. (Tiago 2:17) Nga twalumba momo, twakukhala na ukamba wamboti na Yehova na Yesu.—Tanga João 14:21.
2. Sizuwa sikhi salanda twafanya kuleka sisakililu setu kwa Yehova na Yesu ku vye vakalumba?
Hose Yesu khandi akafili endi wakashana zindongi zendi kuvaleka momo vafanya kuleka sisakililu mukufa kwendi. Endi wakavasika heti mukhala kuzimbuluka kufa kwami. Kulikungulwila kwasu tushana tuti: ‘Kuzimbuluka Kwa Kufa Kwa Yesu.’ (1 Coríntios 11:20) Yesu wakasola nga zindongi zendi zose vazimbuluka kufa kwendi. Wamona akatumina momo: “Mupama kulumba vye phala kuñguzimbuluka.” (Lucas 22:19) Nga waya mu kuzimbuluka kufa kwa Yesu wakuleka sisakililu savi ku vye Yehova na Yesu vakalumba phala yitu.
LILONGI WEKHA
Tala momo uhasa kuleka sisakililu ku vye Yehova na Yesu vakalumba phala yitu. Tala wekha momo kufa kwa Yesu suma samboti ku mwenyu wetu.
3. Twafanya kulumba vimwe vyuma phala kuleka sisakililu
Nga wali phala kufa mu meya, hakwiya umwe muthu mukukukwasa, kwesi kumusakilila? Ni wakulava vye alumbi phala kukukwasa?
Tuhasa kukhala na mwenyu kauhwi mukonda lya vye Yehova akalumba. Tangyenu 1 João 4:8-10. Vyelienu kukhanda ya vihulu vye:
Avye Yesu akalumba suma samboti phala yitu mukonda lya vikhi?
Namwahi uliva mukuziva vye Yehova na mona endi vakalumba phala yitu?
Namwahi tuhasa kuleka sisakililu ku vye Yehova na Yesu vakalumba phala yitu? Tangyenu 2 Coríntios 5:15 na 1 João 4:11; 5:3. Ha mwakumana kutanga vyelienu kukhanda ya vihulu vye:
Nañgu momo wavula mu kutanga, namwahi uhasa kuleka sisakililu savi?
4. Lumba vye Yesu akalumba
Uhasa kuleka sisakililu savi nga walumba vye yindi akalumba. Tangyenu 1 Pedro 2:21. Vyelienu kukhanda ya vihulu vye:
Vikhi wafanya kulumba phala kulandula mu ziñganyu za Yesu?
Yesu wakakhala na sisola sa mbimbi ya Suku; wakakhala kulonga na kukwasa vathu
5. Khala ku sizuwa se twezi kuzimbuluka kufa kwa Yesu
Phala kuziva vye vya kahita hose Yesu akakhala kulya na zindongi zendi ku usikhi andi ya yindi kufa, tangyenu Lucas 22:14, 19, 20. Vyelienu kukhanda ya vihulu vye:
Vikhi vuvu vakalumba?
Mbolo yilomboloka vikhi? Vinyu yilomboloka vikhi?—Tala vithimbu vya 19 na 20
Yesu wakasola nga zindongi zendi zose vazimbuluka kufa kwendi. Kulinu kumbi Zimbangi za Yehova vezi kulikungulwila mivu na mivu phala kuzimbuluka kufa kwa Yesu nañgu momo yindi akatumina. Phala kuziva kukhanda ya vyuma vye, talyenu VIDYU. Vyelienu kukhanda ya sihulu se:
Vikhi vyezi kuhita mukuzimbuluka kufa kwa Yesu?
Mukuzimbuluka kufa kwa Yesu, mbolo yilomboloka mwila wendi kawesi na situsi. Vinyu manyinga endi
AVAMWE VETI: “Phala kuhuluka utava tuhu kwa Yesu.”
Namwahi uhasa kuleka mukanda wa João 3:16 na Tiago 2:17, phala kukwasa muthu yo asoka momo kwakuninga wafanya kulumba vyuma vikwau?
VIKHI WATUVA
Phala kuleka mukomo ku vye Yesu akalumba wafanya kukhala na ufelelo kwendi na kumoneka ku sizuwa sakuzimbuluka kwa kufa kwendi.
Kuzimbuluka
Vikhi vilomboloka kuleka ufelelo kwa Yesu?
Namwahi wasola kuleka sisakililu savi kwa Yehova na Yesu ku vye vakalumba phala yivi?
Mukonda lya vikhi suma samboti kuya kusikungulwila phala kuzimbuluka kufa kwa Yesu?
KENGA WEKHA
Kufa kwa Yesu kutuhana zikhono za kulumba vikhi?
Lilongi wekha phala kuziva vye vilomboloka kuleka ufelelo.
“Mostre que tem fé nas promessas de Jeová” (A Sentinela, outubro de 2016)
Mu mukanda wo uywela momo “Ami Ñguliva Samboti na Kusanguluka Kose”, tala momo umwe mukhetu mwenyu wendi wakahinguluka ha akaziva samboti vye kufa kwa Yesu kulomboloka.
“A Bíblia muda a vida das pessoas” (A Sentinela, 1.º de agosto de 2011)
Tala mukonda lya vikhi vamwe vathu kavatokelele kulya mbolo na kunwa vinyu mu sikungulwila sa kuzimbuluka kufa kwa Yesu.
“A Ceia do Senhor—por que as Testemunhas de Jeová celebram de modo diferente?” (Mu jw.org)