LISAU 29
Vathu Aha Vafa Vaya Kwahi?
Wakafunda kali umwe muthu usola sinene? Mukuhita na kufa hamwe hulihula momo: ‘Muthu ha afa vikhi vyezi kuhita nendi? Nakwiya ñgumumona kama simwe sizuwa?’ Mu lisau yiniye naye yakwiya hene, zakutuhana silevelelo samboti.
1. Vikhi vyezi kuhita na muthu ha ezi kufa?
Yesu wakaywela heti kufa kwali nañgu tulu. Muthu nga ali natulu twinzi, kazivi vye vyali mukuhita. Mazi namwahi kufa kwalififa nañgu tulu? Hose muthu ezi kufa kazivi wekha vimwe vyuma. Endi kahiti na lamba kevi kukola. Bibilya yiti muthu ha “ezi kufa kazivi wekha na simwe suma.”—Tanga Eclesiastes 9:5.
2. Namwahi kuziva sili kukhanda ya kufa kutukwasa?
Vamwe vathu vali na woma wakufa na woma wa vathu va vakafa kali! Mazi nga twaziva vye Bibilya yiywela kukhanda ya kufa katwesi kukhala na woma. Yesu wakaywela momo: “Sili sakuya sikamuyovola.” (João 8:32) Zimwe zingeleja zezi kulonga ziti muthu ha afa nzumbi yendi yiya kolu. Mazi kamuku Bibilya yilonga. Avye Bibilya yilonga vileka kwakuninga ha muthu afa kamoni wekha lamba. Kukhanda yikwau, ava vakafa kavahasi kutulumba vyuma vya viha, mukonda kavazivili vimwe vyuma. Wamona, katwafenyene kulumba vimwe vyuma phala kukwasa va vakafa kali ni lowo kuva sembela.
Avamwe vezi kuywela veti vahasa kuywela na va vakafa kali. Mazi kakwesi yo ahasa kuywela na muthu yo akafa kali. Nañgu momo twavula mukutala mu Bibilya vathu va vakafa kali “kavazivili hekha simwe suma.” Nga umwe muthu atali nañgu yo kuywela na muthu yo akafa kali, kasili aku. Muthu yo waywela na zidemonyo. Zidemonyo vahasa kukengelesa mbimbi ya muthu yo akafa kali. Kuziva sili kukhanda ya kufa kutulava kukhanda ya zidemonyo. Yehova wezi kutukanda kuywela na vathu va vakafa kali mukonda waziva kwakuninga zidemonyo vezi kukovelela hene.—Tanga Deuteronômio 18:10-12.
LILONGI WEKHA
Ziva wekha vye Bibilya yiywela kukhanda ya kufa. Ziva wekha kwakuninga Yehova Suku ya sali endi kezi kumwesa lamba ku vathu ha vezi kufa. Avye vya kukukwasa kukhala na ufelelo kwa Yehova Suku.
3. Tuva sili kukhanda ya va vakafa
Mu tumbu liose vathu vali na visoka vinzi kukhanda ya vye vyezi kumoneka ha muthu afa. Ola mwemomo vimwe vyuma vezi kuywela vya mambu.
Ako yivi watunga, vathu vezi kuywela kwakuninga ava vakafa kwahi vali?
Phala kuziva vye Bibilya yilonga, talyenu VIDYU.
Tangyenu Eclesiastes 3:20. Vyelienu kukhanda ya vihulu vye:
Nañgu momo twatanga, vikhi vyezi kumoneka ha muthu afa?
Mukanda wo twavula mukutanga, waleka kwakuninga muthu ha afa nzumbi yendi yiya kwakaseka?
Bibilya yiywela Yesu wakakhala na kamba liendi vatumbula veti Lazaro. Kwali simwe sizuwa kamba lyendi mweni yo wakafa. Tala vye Yesu akaywela kukhanda ya kufa kwa kamba liendi mu João 11:11-14. (Tangyenu). Vyelienu kukhanda ya vihulu vye:
Yesu wakaywela heti kufa kwali nañgu vikhi?
Avye Yesu akavyela vitulonga kwakuninga muthu aha ezi kufa kwahi ezi kuya?
Mukusoka kwavi avye Bibilya yilonga vya sili?
4. Kuziva sili kukhanda ya kufa kutukwasa sinene
Nga twaziva sili kukhanda ya kufa katwesi kukhala na woma wa va vakafa kali na woma wakufa. Tangyenu Eclesiastes 9:10. Vyelienu kukhanda ya vihulu vye:
Vathu va vakafa kali vahasa kutulumba vyuma vya viha?
Nga twaziva sili sali mu Bibilya katwesi kutava ku mambu ha vezi kuywela veti twafanya kulumba vyuma vyamboti phala vathu va vakafa ni lowo kuva sembela. Tangyenu Isaías 8:19 na Apocalipse 4:11. Vyelienu kukhanda ya sihulu se:
Mukusoka kwavi, namwahi Yehova ezi kuliva ha ezi kumona vathu va vezi kulomba sikwasu ku va vakafa na kuvasembela?
Kuziva samboti ko muthu ezi kuya ha afa, kutukwasa kutusula kulumba vyuma vye Yehova kasoli
5. Twakuliva samboti nga twaziva sili kukhanda yakufa
Vamwe vathu vezi kuvalonga veti ha vakwiya vafa Suku wakuvamwesa lamba mukonda lya vitusi vakalumba kumwenyu. Mazi suma samboti kuziva kwakuninga muthu kahasi kumona lamba ha afa, ola akalumba vyuma vya viha. Tangyenu Romanos 6:7. Vyelienu kukhanda ya sihulu se:
Bibilya yilonga yiti hose muthu afa wafuta vitusi vyendi. Amuni mukusoka kwavi, muthu ha afa ahasa wekha kumona lamba mukonda lya vitusi akalumba?
Nga waziva samboti kukhanda ya Yehova wakutava kwakuninga endi kezi kumwesa lamba ku vathu va vezi kufa. Tangyenu Deuteronômio 32:4 na 1 João 4:8. Vyelienu kukhanda ya vihulu vye:
Vithimbu vye twavula mukutanga vyaleka kwakuninga Suku wali na vilinga vyamboti. Amuni usoka uti endi wezi kumwesa lamba ku vathu va vezi kufa?
Uliva samboti momo waziva sili kukhanda ya vye vyezi kumoneka ha muthu afa? Mukonda lya vikhi?
AVAMWE VETI: “Ami nali na woma wavye vya kumoneka ha nakufa, mukonda sa zivili koku nguya.”
Mukanda ukhi wa Bibilya uhasa kuleka phala kukwasa muthu wasu?
VIKHI WATUVA
Aha muthu afa mwenyu wendi usuka. Ava vakafa kavesi kumona lamba, kukhanda yikwau kavahasi kulumba vyuma vya viha ku va vali na mwenyu.
Kuzimbuluka
Vikhi vyezi kumoneka ha muthu ezi kufa?
Namwahi kuziva sili kukhanda ya kufa kutukwasa?
Mukonda lya vikhi tuliva samboti mukonda lya kuziva sili kukhanda ya kufa?
KENGA WEKHA
Lilongi phala kuziva vye Bibilya yilonga kukhanda ya nzumbi.
Ziva se Suku wezi kuhaka vathu mutuhia.
Twafanya kwiva woma wa va vakafa?
Espíritos dos Mortos—Ajudam? Ou Prejudicam? Existem Realmente? (mukanda)
Tala momo umwe muyala akaliva samboti ha akaziva sili kukhanda ya vye vyezi kumoneka ha muthu afa.
“Fiquei impressionado com as respostas da Bíblia” (A Sentinela, 1.º de fevereiro de 2015)