LISAU 20

Namwahi Yehova Ezi Kundesa Sikungulwila?

Momo Yali

Mbunga ya Yehova yali samboti mukonda endi kasoli mbwanza. (1 Coríntios 14:33) Yehova wasola nga mbunga yendi yindesa samboti sikungulwila. Namwahi sikungulwila sali? Milimu zikhi vose twezi kulumba?

1. Yili ezi kundesa sikungulwila?

“Yesu mutwi wa sikungulwila.” (Efésios 5:23) Yesu yindi ezi kundesa za mbunga ya Yehova hanu hosi. Yesu ezi kukalakala na vakulu tushana tuti “muhika wa sili walimuka.” Kukhanda yikwau navu valishana veti Vakulu va Sikungulwila sa mu Tumbu. (Tanga Mateus 24:45-47.) Kumivu za munyima, vakulu va sikungulwila ku Jerusalem vakakhala kuhana milongi kuvikungulwila. (Atos 15:2) Kulinu kumbi muhika wa sili, endi ezi kuhana milongi ku vikungulwila mu tumbu liose. Mazi muhika wo, ka mukulu muneni aku wa vikungulwila. Mazi avuvu vezi kulilonga Bibilya phala kuziva vye Yehova asoli na kulandula milongi za Yesu.

2. Vakulu va sikungulwila voli? Vikhi vezi kulumba?

Vakulu va sikungulwila vayala vali na ukamba wamboti na Suku. Avuvu valonga, ha vakwasi ziphangi mu sikungulwila. Avuvu kavezi kuvafuta vitali mukonda lya milimu ze. Vakulu va, avuvu vezi kukalakala ‘kumesu a Suku. Vezi kulumba milimu ya mbungi yosi kaphala kutambula kamukama.’ (1 Pedro 5:1, 2) Vakulu mu sikungulwila vezi kukalakala na vayala vakwau vezi ku vakwasa va vashana veti: Vayala Vakavikalakalu. Kuphala ya vizuwa vayala vakavikalakalu nga vapami kulumba vye Bibilya yilonga, navu vahasa kukhala vakulu va sikungulwila.

Vakulu va Sikungulwila sa mu tumbu, vezi kuhanda va vakukhala tufungula twavikungulwila. Tufungula to vezi kuya mu vikungulwila phala kukwasa ziphangi. Tufungula twa sikungulwila vuvu vezi kuhanda ziphangi va vakulandula vye Bibilya yilonga phala kukhala vakulu mu sikungulwila na vayala vakavikalakalu.—1 Timóteo 3:1-10, 12; Tito 1:5-9.

3. Milimu zikhi Zimbangi za Yehova vezi kulumba?

Zimbangi za Yehova vosi vezi “kusimanya zina lya Yehova” mu sikungulwila, vovo vezi kulonga mizimbu zamboti za Bibilya.—Tanga Salmo 148:12, 13.

LILONGI WEKHA

Tala momo Yesu ezi kundesa samboti sikungulwila. Tala wekha momo vakulu mu sikungulwila vezi kulumba zikhono phala kukengelesa Yesu na momo twafanya kukwasa milimu za Yesu na vakulu mu sikungulwila.

4. Yesu wezi kundesa sikungulwila na sisola

Yesu yo kutembeka vathu vosi. Tangyenu Mateus 11:28-30. Vyelienu kukhanda ya vihulu vye:

Namwahi Yesu ezi kutumina? Endi wasola nga tuliva namwahi?

Namwahi vakulu vasikungulwila vezi kukengelesa Yesu? Talyenu VIDYU.

VIDYU: Vakulu va Sikungulwila Vakakwasa Ziphangi ku Nepal Kwakahumuka Manzu (4:56)

Bibilya yiywela momo vakulu va sikungulwila vafanya kulumba milimu zavu.

Tangyenu Isaías 32:2 na 1 Pedro 5:1-3. Vyelienu kukhanda ya vihulu vye:

Namwahi uliva ha uziva uti vakulu va sikungulwila vezi kukwasa vakwau, nañgu momo Yesu akakhala kulumba?
Vilinga vikhi vikwau vakulu va sikungulwila vezi kulandula kwa Yesu?

5. Vakulu va sikungulwila vezi kutulonga na vilinga vyavu vyamboti

Yesu wasola nga vakulu va sikungulwila valiva namwahi ku milimu zavu? Talyenu VIDYU.

VIDYU: Vakulu Vasikungulwila Vakalakala Phala Mboti ya Vakwau! (7:39)

Yesu akahana milonge zamboti ku vakulu va sikungulwila. Tangyenu Mateus 23:8-12. Vyelienu kukhanda ya sihulu se:

Vikhi Bibilya yikanda ku vakulu va sikungulwila? Mukusoka kwavi vakulu va zingeleja navu vezi kulandula situminu se?

A. Fotu: Umwe mukulu wa sikungulwila na tha yendi vali mukulikolesa. 1. Endi wali mukulomba lombelo andi ya kutanga Bibilya. 2. Endi na ta yendi vali mukulonga monavu kukhanda ya Bibilya.

B. Mukulu wa sikungulwila na taha yendi vaneya mukuhindula umwe phangi ya sikungulwila savu ali huhama kuzipitali.

Vakulu va sikungulwila vali na ukamba na Yehova vovu vezi kukwasa khumba yavu
Vakulu va sikungulwila vali na sisola sinene ku ziphangi zose
Vakulu va sikungulwila navu vezi kuya ku manzu a vakwau mu kulonga
Vakulu va sikungulwila vezi kulonga mbimbi ya Suku. Avuvu vezi kukwasa kukomba havalumbi milimu zikwau mu sikungulwila

6. Twafanya kukwasa vakulu mu sikungulwila

Bibilya yiti suma samboti kukwasa vakulu va sikungulwila. Tangyenu Hebreus 13:17. Vyelienu kukhanda ya vihulu vye:

Mukonda lya vikhi Bibilya yiywela yiti twafanya kutava vakulu va sikungulwila na mbungi yose? Vikhi yivi usoka kukhanda ya vye?

Tangyenu Lucas 16:10. Vyelienu kukhanda ya vihulu vye:

Mukonda lya vikhi twafanya kwiva ku vakulu va sikungulwila, ola ku vyuma vye tutala tuti kavyesi na mukomu winzi?

AVAMWE VETI: “Kuvingi kuya ku yimwe ngeleja phala kusimanya Suku.”

Mazi namwahi kusimanya Suku kumuheka na vakwetu kwakutukwasa?

VIKHI WATUVA

Yesu yindi ezi kundesa sikungulwila. Vakulu va sikungulwila vezi kulandula Yesu. Twezi kukwasa vakulu va sikungulwila mukonda vezi kulumba milimu zamboti.