LISAU 34
Namwahi Tuhasa Kuleka Sisola Setu Kwa Yehova?
Kate ha wameteka kulilonga Bibilya wezi kuliva kuhehi wa Suku? Wasola kupama kukolesa ukamba wavi nendi? Hose Yehova akukumona mu kulumba zikhono phala kuleka sisola savi kwendi, Yehova nendi akukusola akulave. Namwahi yivi uhasa kuleka sisola savi kwa Yehova?
1. Namwahi tuhasa kuleka sisola setu kwa Yehova?
Tuleka sisola setu kwa Yehova nga twalumba vye yindi asola. (Tanga 1 João 5:3.) Endi kezi kuthethemeka vathu kulumba vye yindi asola. Endi ezi kutusula muthu na muthu kuhanda se amutava ni lowo. Mukonda lya vikhi? Mukonda Yehova asola nga “tumutava na mbungi yose.” (Romanos 6:17) Endi wasola nga umuziva yivi vene, kava kuthethemeke. Kumbandu ya tatu na wana za mukanda wo zakukukwasa momo wafanya kulumba phala kuleka sisola savi kwa Yehova. Lumba vye Yehova asoli na kutusula vye Yehova kasoli.
2. Mukonda lya vikhi hamwe kutuhwinya kuleka sisola setu kwa Yehova?
“Mukwa ufelelo lamba linzi ezi kumona.” (Salmo 34:19) Vosi twezi kuhita na vihango mukonda lya vitusi vyetu. Kukhanda yikwau, twezi kuhita na vithombo nañgu ukambu wa vitali, vyuma vya viha na vyuma vikwau. Ahamwe kwezi kutuhwinya kulumba vye Yehova asoli nga twali mukuhita na vithombo. Mazi nga wapama kulumba vye Yehova asola, wakuleka kwakuninga kakwesi yo akusola sineni nañgu Yehova. Avi nga kwamutuswili Yehova nendi kesi kukutusula.—Tanga Salmo 4:3.
LILONGI WEKHA
Lilongi phala kuziva momo Yehova ezi kuhana mukomo ku vye wezi kulumba na vye vikukwasa kukhala na ufelelo kwendi.
3. Sathana navi wakutetela
Mu Bibilya mu mukanda wa Jó uleka kwakuninga Sathana wakatetela Jó na vathu vosi vasoli kusimanya Yehova. Tangyenu Jó 1:1, 6–2:10. Vyelienu kukhanda ya vihulu vye:
Sathana heti Jó wakakhala kuhotolekela kwa Yehova mukonda lya vikhi?—Tala Jó 1:9-11.
Vikhi Sathana wakaywela ku vathu vose?—Tala Jó 2:4.
Tangyenu Jó 27:5b. Vyelienu kukhanda ya sihulu se:
Namwahi Jó akaleka kwakuninga wakakhala na sisola kwa Yehova?
Jó wakaleka ufelelo wendi kwa Yehova ha akapama kuhita na vyuma vya viha
Etu tuhasa kuleka sisola setu kwa Yehova nga twapama kuleka ufelelo wetu
4. Sangulwisa mbungi ya Yehova
Provérbios 27:11. Vyelienu kukhanda ya sihulu se:
Namwahi Yehova ezi kuliva ha ezi kukumona mu kulumba vyuma vyamboti? Mukonda lya vikhi?
5. Leka ufelelo wavi kwa Yehova
Sisola setu kwa Yehova situkwasa kuywela na vakwetu kukhanda ya yindi ola mwemomo sihwinya. Talyenu VIDYU. Vyelienu kukhanda ya vihulu vye:
Usoka uti kuhwinya kuywela na vakwenu kukhanda ya Yehova?
Mu vidyu, vikhi vya kakwasa muyala yo kutusula woma?
Nga twasola vye Yehova asola na kutusula vye yindi kasoli, kakwesi kutuhwinya kuleka ufelelo kwendi. Tangyenu Salmo 97:10. Vyelienu kukhanda ya vihulu vye:
Mukusoka ku vye watuva kali, vyuma vikhi Yehova asola? Vyuma vikhi yindi kasoli?
Namwahi yivi uhasa kutuva kusola vyuma vyamboti? Namwahi yive uhasa kutusula vyuma vya viha?
6. Kutava Yehova kutukwasa
Kutava Yehova kutukwasa kukhala samboti. Tangyenu Isaías 48:17, 18. Vyelienu kukhanda ya vihulu vye:
Mukusoka kwavi, tuhasa kukhala na ufelelo kwa Yehova kwakuninga yindi aziva vyuma vyamboti ku mwemyu wetu?
Namwahi vye watuva kukhanda ya Bibilya na Yehova vyali mukukwasa kate linu?
AVAMWE VETI: “Suku kezi kusanguluka ni lowo kuzinda mukonda lya vye nezi kulumba.”
Sivatu sikhi sa mu Bibilya uhasa kutanga phala kuleka kwakuniga vilinga vyetu vyezi kusangulwisa na kuzindisa Yehova?
VIKHI WATUVA
Avi uhasa kuleka sisola savi kwa Yehova nga walumba vye yindi atumina. Nga yivi kwamutusuli ola ha wakuhita na vithombo.
Kuzimbuluka
Vilinga vya Jó vikulonga vikhi?
Namwahi uhasa kuleka sisola savi kwa Yeova?
Vikhi vikukukwasa kukhala na ufelelo kwa Yehova?
KENGA WEKHA
Tala momo yivi uhasa kuleka ufelelo wavi kwa Yehova na mu sikungulwila.
Ziva wekha momo Sathana akatetela vathu vosi.
“Jó mantém a integridade” (A Bíblia—Qual é a sua mensagem?, secção 6)
Tala wekha momo vana vazikhemba vahasa kuleka sisola savu kwa Yehova.
Namwahi vakwenzi vahasa kuleka ufelelo wavu kwa Yehova ola ha vakuvatohesa.