LISAU 35
Namwahi Tuhasa Kukhala na Mana Amboti?
Vathu vose tuvinga kulumba tuyula. Atumwe tuyula tuhasa kukwasa ni lowo kuvisa ukamba wetu na Yehova. Twafanya kulumba tuyula ko twasola kutunga na vye twakulumba phala kusanga makulya. Kukhanda yikwau, kulumba kayula nayo twasola kusakana. Nga twalumba tuyula twamboti twakukhala na kusanguluka, Yehova nendi asanguluki.
1. Namwahi Bibilya yihasa kukwasa kulumba tuyula twamboti?
Phala kulumba kayula kamboti, uvanga kulomba sikwasu sa Yehova, hulilongi vye Bibilya yiywela kukhanda ya suma sasu. (Tanga Provérbios 2:3-6.) Kuli hamwe Yehova ezi kuywela mu Bibilya vye twafanya kulumba. Amomo suma samboti wafanya kulumba kulandula situminu sasu.
Amuni vikhi wafanya kulumba, nga kwasengele mu Bibilya situminu sa Suku kukayula ka wasola kulumba? Ola mwemomo Yehova ahasa kukuleka “munzila yamboti wafanya kwenda.” (Isaías 48:17) Mazi namwahi Yehova ezi kulumba? Mu Bibilya muli milongi zamboti zihasa kukukwasa. Milongi, sili sali mu Bibilya situlonga momo Yehova ezi kusoka ku vyuma vinzi. Kukhanda yikwau, tuhasa kuziva momo Suku ezi kusoka nga twatanga misendu za Bibilya. Twakuhasa kulumba tuyula twamboti nga twaziva momo Yehova ezi kuliva.
2. Vikhi wafanya kusoka samboti nga wasola kulumba kamwe kayula?
Bibilya yiti: “Muthu mukamana asoka samboti mukwenda kwendi.” (Provérbios 14:15) Avye vilomboloka kwakuninga phala kulumba kamwe kayula, twatokala kusoka samboti ku viose vya kumoneka. Lihuli momo: Bibilya yihasa kukwasa ku kayula ka ngulumba? Kayula kanika, kanihisa kusanguluka? Namwahi vakwetu vakuliva na kayula ka na kulumba? Suma salanda: Yehova wakusanguluka na kayula ka?—Deuteronômio 32:29.
Tuhu Yehova afanya kutuzimbwila vyuma vyamboti na vya viha. Nga twaziva samboti vituminu na milongi za Suku twakulumba vye yindi asola na kukhala mbungi yasima. Mbungi yetu yitukwasa kuziva vyuma vyamboti na vyuma vya viha. (Romanos 2:14, 15) Nga twahaka vye twakutuva ku mbungi yetu twakuhasa kulumba tuyula twamboti.
LILONGI WEKHA
Tala momo milongi za Bibilya na mbungi yetu yitukwasa kulumba tuyula twamboti.
3. Bibilya yihasa kukukwasa
Namwahi milongi za Bibilya zihasa kukukwasa kulumba tuyula twamboti ku mwenyu wavi? Talyenu VIDYU. Vyelienu kukhanda ya vihulu vye:
Visoka vikhi vyamboti Suku akatuha?
Mukonda lya vikhi Suku akatuha visoka vye?
Vikhi Yehova akatuha phala kutukwasa kulumba tuyula twamboti?
Twakutala momo twafanya kulumba vye. Tangyenu Efésios 5:15, 16. Vyelienu momo uhasa kunona masimbu amboti phala . . .
kutanga Bibilya sizuwa na sizuwa.
kukhala muyala wamboti, tata yamboti, mukhetu wamboti ni lowo mona wamboti.
kuya musikungulwila.
4. Tanga Bibilya phala kukukwasa kulumba tuyula twamboti
Kakuhwinyi kulumba kamwe kayula nga twasanga situminu sa Bibilya. Amuni nga katwasengele situminu sa kayula ka twasola kulumba? Talyenu VIDYU. Vyelienu kukhanda ya vihulu vye:
Mu vidyu, vikhi phangi yo akalumba phala mbungi yendi kumukwasa kulumba kayula ka kasangulwisa Yehova?
Mukonda lya vikhi katwafanyene kuywela vakwetu phala kulumba kayula ketu? Tangyenu Hebreus 5:14. Vyelienu kukhanda ya vihulu vye:
Ahamwe tusoka tuti suma samboti kutuswila vakwetu kulumba kayula phala yitu. Mazi vyuma vikhi vose twafanya kuziva?
Nañgu momo twamona mu vidyu, vikhi twafanya kulumba phala kulumba kayula kamboti?
Mbungi yetu yihasa kutukwasa kulumba vyuma na mana nañgu mapa yihasa kutuleka nzila ye tukwenda
5. Soka ku vakwenu
Muthu na muthu wali na visoka vyendi. Amuni namwahi tuhasa kuleka kwakuninga netu twezi kusoka ku vakwetu? Asi soka ku vyuma vivali vye:
Suma 1: Asi soka kumwe phangi ya mukhetu asola kuzala misanga, amuni hayi kusikungulwila sikwau. Mazi ziphangi za sikungulwila sasu kavalivi samboti ha vamumona mukuhaka misanga.
Tangyenu Romanos 15:1 na 1 Coríntios 10:23, 24. Vyelienu kukhanda ya vihulu vye:
Mukusoka ku vye twavula mu kutanga, vikhi phangi yo wafanya kulumba? Vikhi yivi wafanya kulumba nga sa simwe suma sa waha phala yivi mazi vakwenu kavesi kuliva samboti?
Suma 2: Umwe phangi ya muyala waziva kwakuninga kunwa kasitusi aku. Ola mwemo endi kasoleli kunwa. Amuni mukuya ku yinzu yikwau, asanga ziphangi vovu kunwa walu.
Tangyenu Eclesiastes 7:16 na Romanos 14:1, 10. Vyelienu kukhanda ya vihulu vye:
Mukusoka ku vye twavula mu kutanga, vikhi phangi yo afanya kulumba? Vikhi yivi wafanya kulumba nga wasanga vakwenu mu kulumba vyuma vye yivi kulumbi?
Vikhi vihasa kukukwasa kukhala na mana amboti?
1. Lumba lombelo kwa Yehova phala kukukwasa kuziva vye wafanya kulumba.—Tiago 1:5.
2. Kenga mu Bibilya na ku mikanda zetu zikwau phala kukukwasa. Uhasa kuywela wekha na vakwenu musikungulwila.
3. Soka momo vakwenu vakuliva ku vye wali mukusoka kulumba.
AVAMWE VETI: “Mwenyu wami, ñgulumba mweshomo nasola. Nga vakwetu vakuliva mwaviha vuvu vazivi!
Mukonda lya vikhi twafanya kusoka momo Suku akuliva na vathu vakwau?
VIKHI WATUVA
Phala kulumba tuyula twamboti twatokala kuziva vye Yehova asola. Kukhanda yikwau, twatokala kusoka momo vakwetu vakuliva kukhanda ya kayula ketu.
Kuzimbuluka
Namwahi uhasa kulumba tuyula to twakusangulwisa Yehova?
Vikhi wafanya kulumba phala wongo wavi kukukwasa kulumba tuyula twamboti?
Namwahi uhasa kuleka kwakuninga usoka ku vakwenu?
KENGA WEKHA
Namwahi wafanya kulumba tuyula twakukolesa ukahalu wavi na Suku?
“Tome decisões que honram a Deus” (A Sentinela, 15 de abril de 2011 )
Tala phala kuziva wekha momo Yehova ezi kutuhana mana.
Tala vye vya kakwasa umwe muyala kulumba kayula kahwinyi.
Vikhi wafanya kulumba nga kwasengele mu Bibilya situminu sa kayula ka wasola kulumba?
“Precisa sempre duma ordem Bíblica?” (A Sentinela, 1.º de dezembro de 2003)