Kuhemi na Mwenyu

Vyuma vinzi twezi kulumba vituhana kusanguluka mukonda tuli na mwenyu, ola kwaninga twali mukuhita na vithombo vyhwinya, ola mwemomo hanzi kwali vimwe vyuma vyezi kutuhana kusanguluka. Amuni namwahi tuhasa kuleka kwakuninga tuhana mukomu ku mwenyu Yehova akatuha? Mazi vikhi vikutulumbisa kuhana mukomu ku mwenyu?

1. Mukonda lya vikhi twafanya kuhana mukomo kumwenyu?

Twafanya kuhana mukomu kumwenyu, mukonda suma samboti Suku yetu ya sisola akatuha. Endi yindi “mukayu wamenyu, yindi akalumba mwenyu.” (Salmo 36:9) “Yindi veni akahana mwenyu, na vyuma viose.” (Atos 17:25, 28) Sithimbu se sa Bibilya sileka kwakuninga, Yehova wakatuhana viose yitu twavinga phala kukhala na mwenyu. Mazi Yehova kakatuheli tuhu mwenyu. Yindi nendi, wakatuhana vyuma venzi vituhana kusanguluka kumwenyu wetu.—Tanga Atos 14:17.

2. Mukonda lya vikhi mwenyu wetu wali na mukomu winzi kwa Yehova?

Umwe muhika wa Suku, Davidi, wakalumba lombelo kwa Suku akaweli heti: “Mesu avi akamona, ola ha nakakhala mutimba.” (Salmo 139:16) Avye vileka kwakuninga Yehova ahana mukomo kumwenyu wavi ola ha yivi wakakhala mutimba. Mwenyu wavi wali na mukomu winzi kwa Yehova. (Tanga Mateus 10:29-31.) Mukonda lya vye, endi ezi kuzinda sinene nga umwe muthu azihi mukwau ni lowo alizihi yindi veni.a (Êxodo 20:13) Yehova ezi kuzinda nga katwaleveli mwenyu wetu na wav akwetu. Nga twalava samboti mwenyu wetu na wa vakwetu, twakuleka kwakuninga tuhana mukomu ku mwenyu.

LILONGI WEKHA

3. Lava mwenyu wavi

Etu tuvahika va Yehova twasola kulava samboti mwenyu wetu phala kusimanya Yehova. Avye vileka kwakuninga twahana mwenyu wetu kwa Suku. Tangyenu Romanos 12:1, 2. Vyelienu kukhanda ya vihulu vye:

• Mukusoka sivatu se twavula mukutanga, vikhi vyafanya kukulumbisa kulava samboti mwenyu?

• Vimwe vyuma vikhi wafanya kulumba phala kulava samboti mwenyu?

4. Nga wali mukulumba simwe suma ulivendeka phala kukwame umwe muthu, ni lowo kuziha

Bibilya yitukanda yiti katwafenyeni kulumba vyuma viniha lamba ku mwenyu wetu ni lowo wa vakwetu. Talyenu VIDYU phala kuziva momo wafanya kulava mwenyu wavi.

VIDYU: Ziva Momo Wafanya Kulilava (8:34)

Tangyenu Provérbios 22:3. Namwahi yivi na vakwenu muhasa kulava mwenyu zenu . . .

• konzu.

• ku milimu.

• mu kujogala.

• mukundesa kalu, kalimbula ni lowo mota.

5. Hana mukomu ku mwenyu ya ñaña ye yali muthimba

Davidi wakavela heti Yehova ezi kuziva viose vezi kuhita ku mona yo ali muthimba ya ñgina. Tangyenu Salmo 139:13-17. Vyelienu kukhanda ya sihulu se:

• Phala Yehova, mwenyu wezi kumeteka aha muthu akhala na ufumba ni ha avala?

Vituminu Yehova akahana kumbunga ya Israel, vya kakhala kulava mama na mona khali vakaveleli. Tangyenu Êxodo 21:22, 23. Vyelienu kukhanda ya vihulu vye:

• Namwahi Yehova akakhala kuliva nga umwe muthu azihi mona yo khali vavala, ola kwakuninga kasisola sendi aku?

• Namwahi Yehova ezi kuliva, nga umwe muthu anoni ufumba?b

• Mukusoka kwavi, avye Yehova asoka kukhanda ya vyuma vye suma samboti?

Talyenu VIDYU.

VIDYU: Khala na Mukomo ku Mwenyu Nañgu Momo Suku Asoli (5:00)

Ola mukhetu you ahana mukomu ku mwenyu, ahasa kusoka kwakuninga kunona ufumba suma samboti. Tangyenu Isaías 41:10. Vyelienu kukhanda ya vihulu vye:

• Nga umwe mukhetu vali muthetemeka phala kunona ufumba, vikhi yindi afanya kulumba? Mukonda lya vikhi?

VIKHI WATUVA

Bibilya yitulonga momo twafanya kuleka sisola na mukomu ku mwenyu Yehova akatuha. Ayu yiti twafanya kulava samboti mwenyu wetu na wa vakwetu.

Kuzimbuluka

• Mukonda lya vikhi mwenyu wa vathu wali na mukomu kwa Yehova?

• Namwahi Yehova ezi kuliva nga umwe muthu azihi mukwau ni lowo alizihi yindi vene?

• Vikhi yivi usola kulumba?

KENGA WEKHA

Namwahi twafanya kusakilila Yehova ku mwenyu wo akatuha?

Cântico 141—O milagre da vida (2:41)

Yehova ahasa kuloloka muthu yo akanona ufumba?

“O que a Bíblia diz sobre o aborto?” (jw.org)

Ziva momo Yehova ezi kusoka kukhanda ya mwenyu, na momo vye vya kukukwasa kulava samboti mwenyu wavi.

“‘Esportes radicais’—Vale a pena correr o risco?” (Despertai!, 8 de outubro de 2000)

Amoni nga umwe muthu ali na visoka vya kuliziha me? Tala momo Bibilya yihasa kumukwasa.

“Eu quero morrer—Será que a Bíblia pode me ajudar se estou tendo pensamentos suicidas?” (Mu jw.org)