Suku Wasola nga Tukhala Tuzikhete

Asi soka umwe mama ali mukuzika mona endi phala kuya kusikola. Endi atala samboti mona endi na vimbamba vye akuzala se vya waha ni lowo. Ukhete wasu wamboti mukonda ukwasa mona endi. Kukhanda yikwau, avye navyu vihana lifumu wamboti phala viyisi. Nañgu momo vitata vasoli nga vana vavu vazala samboti, tata yetu Yehova nendi wasola nga tukhala tuzikhete kumizimba zetu, kuvisoka, na ku zimbimbi zetu. Kukhala Tuzikhete kutulumba samboti hakuhani lifumu wamboti kwa Yehova.

1. Vikhi twafanya kulumba phala kukhala Tuzikhete?

Yehova heti: “Khalyenu mozikhete.” (1 Pedro 1:16) Phala kukhala Tuzikhete, twatokala kusoka ku vyuma vyamboti na ku waha kumizimba zetu. Tuhasa ku waha kumizimba zetu nga twavya ku vizuwa viosi. Kusukula vimbamba na vikwata vikwau vya konzo. Twatokala kukomba na kuyelesa yinzu ye twezi kusimanya Yehova, tushana tuti yinzu ya Zinzangu za Zimbangi za Yehova. Nga twakhala tuvathu vayela kumizimba zetu twakuhana lifumu wamboti kwa Yehova.—2 Coríntios 6:3, 4.

2. Vyuma vikhi vihasa kutuvisa?

Bibilya yiti twafanya ‘kuyelesa muzimba wetu na zumbi.’ (2 Coríntios 7:1) Avye vilomboloka kwakuninga twatokala kulumba zikhono phala kutusula vyuma vye vilumba mwaviha muzimba wetu na wongo. Twasola nga visoka vyetu visangulwisa Yehova. Wamona twezi kulumba zikhono phala kutusula visoka vya viha. (Salmo 104:34) Kukhanda yikwau, twasola kulumba zikhono phala kuywela vyuma vyamboti.—Tanga Colossenses 3:8.

Vyuma vikhi vikwau vihasa kuvisa kumuzimba na visoka vyetu? Vimwe vyuma vihasa kunihisa kukola ku mwenyu wetu. Wamona katwatokelele kusipha na kunwa zindoloka. Amomo tuhasa kukhala na kukola kwamboti na kuhana mukomo ku mwenyu. Amuni namwahi tuhasa kukhala tuvathu vayela ku mizimba zetu? Twafanya kulumba zikhono phala katulumbi na kutala vyuma vya ufusa, nañgu kulumba pati. (Salmo 119:37; Efésios 5:5) Kakuhehu aku kutusula vyuma vye vya viha, mazi Yehova ahasa kutukwasa phala kutusula vyuma vyasu.—Tanga Isaías 41:13.

LILONGI WEKHA

3. Nga twakhala Tuzikhete twakuhana mukomo kwa Yehova

Mukutanga vituminu vye Suku akahana ku mbunga ya Israel, tuhasa kutuva momo Yehova asoli sinene nga mbunga yendi yakhala na ukhete. Tangyenu Êxodo 19:10 na 30:17-19. Vyelienu kukhanda ya vihulu vye:

• Mu sithimbu se twavula mukutanga, Yehova atuywela vikhi kukhanda ya ukhete?

• Vyuma vikhi vyamboti watokala kulumba phala kukhala na ukhete kumwenyu wavi?

Tuvinga kulumba zikhono zinzi phala kukhala Tuzikhete ku mwenyu wetu. Twatokala kuleka ukhete kweshoko twatunga sikhali tuzikwasi ni lowo. Talyenu VIDYU. Vyelienu kukhanda ya sihulu se:

VIDYU: Yehova Asola Vathu Vali na Ukhete (4:10)

• Mukonda lya vikhi ukhete wetu uhana lifumu wamboti kwa Yehova ha tuya mu kulonga?

4. Lumba zikhono phala kutusula vyuma vya viha

Nga wezi kusipha na kunwa sinene, waziva kwakuninga kakuhwinyi aku kutula vyuma vye. Mazi vikhi vihasa kukukwasa? Soka momo vyuma vye vihasa kuvisa mwenyu wavi. Tangyenu Mateus 22:37-39. Namwahi kusipha na kunwa sinene kuhasa kuvisa . . .

• ukamba wa muthu na Yehova?

• khumba ya muthu na makamba endi?

Lumba zikhono phala kutusula kulumba vyuma vya viha.a Talyenu VIDYU.

VIDYU: Lumba Zikhono Phala Kulilava (2:47)

Tangyenu Filipenses 4:13. Vyelienu kukhanda ya sihulu se:

• Kulumba lombelo, kulilonga Bibilya na kuya musikungulwila, kuhasa kukukwasa kutusula ufusa, kusipa na vyuma vikwau?

5. Lumba zikhono phala kutusula visoka na vyuma vikwau vya viha

Tangyenu Colossenses 3:5. Vyelienu kukhanda ya vihulu vye:

• Namwahi twaziva tuti kutala vyuma vya ufusa, na kulilumba vyuma vikatwisa phati vya viha kumesu a Yehova?

• Usoka uti tuhasa kukhala tuvathu vayela nañgu momo Yehova asoli? Mukonda lya vikhi?

Tala vye wafanya kulumba phala kutusula ufusa, kusipa na vyuma vikwau. Talyenu VIDYU.Yesu wakata simwe sisima sileka momo twafanya kulumba zikhono phala kutula vye Yehova kasoli.

VIDYU: Lumba Zikhono Phala Kutusula Vye Yehova Kasoli (1:51)

Tangyenu Mateus 5:29, 30. Vyelienu kukhanda ya sihulu se:

• Yesu kakasolele kuywela kwakuninga twafanya kulikwama ku muzimba wetu, mazi akaywela zikhono ze muthu atokala kulumba phala kutusula visoka vya viha. Vyuma vikhi muthu atokala kulumba phala kutusula visoka vya viha?b

Nga wali mukulumba zikhono phala kutusula visoka vya kulivisa pati na vyuma vikwau, Yehova ahana mukomo winzi ku zikhono wali mu kulumba. Tangyenu Salmo 103:13, 14. Vyelienu kukhanda ya sihulu se:

• Nga kwali mukukuhwinya kutusula simwe suma sa viha, namwahi sivatu se twatanga sikukwasa kupama kuleka zikhono?

Ola wandumuka kuhongi!

Nga umwe muthu avutuki mukulumba vyuma vya ufusa na pati, hamwe hasoki momo: Ami sesi na mukomu. Sesi kuhasa wekha kutusula sifa se kota nalikhela. Mazi asisoka: Ava vezi kulumba jogo ya kutina nga andumuki, avye kavilomboloki kwakuninga endi kesi kutina hekha? Ni lowo akavutukila hekha munyima? Avye vya lififa nañgu muthu yo ali mukulumba zikhono phala kutusula vyuma vya ufusa na vyuma vikwau. Muthu wasu endi wafanya kupama kulumba zikhono phala kutusuka vyuma vyasu. Nga apami, Yehova akumukwasa kutusula vyuma vyasu.

VIKHI WATUVA

Nga twayela kumuzimba, kuvisoka vyetu na kuvilinga twakusangulwisa Yehova.

Kuzimbuluka

• Mukonda lya vikhi suma sa mukomo kukhala na vilinga na kuvisoka vyamboti?

• Namwahi uhasa kuleka ukhete ku muzimba wavi?

• Namwahi uhasa kupama kukhala na vilinga na visoka vya waha?

KENGA WEKHA

Vyuma vikhi wafanya kulumba phala kuleka khete, ola kwakuninga kwesi na vitali vinzi?

Higiene e Saúde—Higienização das mãos (3:01)

Tala vimwe vyuma vihasa kukukwasa kutula kusipha.

“Como parar de fumar” (Despertai!, Maio de 2010)

Ziva lamba lye muthu ahasa kumuna kuphala ya vizuwa mukonda lya kutala vyuma vya ufusa.

“Pornografia—inofensiva ou mortífera?” (A Sentinela, 1 de Agosto de 2013)

Tala vye vya kakwasa umwe muyala kutusula kutala vyuma vya ufusa.

“Depois de muitas tentativas, finalmente consegui” (A Sentinela No. 4 de 2016)