LISAU 41
Vikhi Bibilya Yiywela Kukhanda ya Kulizeka?
Vathu venzi vezi kukhala na zisonyi zakuywela kukhanda ya kulizeka. Mazi Bibilya kayezi kusweka mu kuywela kukhanda ya vyuma vye. Kukhanda yikwau, ayu yiywyela vyuma vye na vumbi. Suku aziva vyuma vyamboti phala yitu. Suku atuzimbwila vye yindi asola na vye twafanya kulumba phala kukhala samboti.
1. Vikhi Yehova ezi kusoka kukhanda ya kulizeka?
Kulizeka suma samboti Yehova akahana. Andi ya kulizeka, Yehova wasola nga muyala na mukhetu vavanga kukazala. Kulumba vye, suma samboti mukonda vyezi kukwasa makaza kukhala na vana na kulileka sisola umwe na mukwau. Wamona Bibilya yiywela yiti: “Khala na kusanguluka kumuhekha na mukhetu wavi wavula nendi muvukwezi.” (Provérbios 5:18, 19) Yehova wasola nga mukhetu na muyala vakhala kulihana samboti umwe na mukwau. Wamona zi Kilistau kavatekeleli kukenga mukhetu mukwau ni lowo muyala mukwau.—Tanga Hebreus 3:4.
2. Undumbu vyuma vikhi?
Bibilya yiti ‘ava vezi kulumba undumbu kavesi kuya vakatunga ku Uñgana wa Suku.’ (1 Coríntios 6:9, 10) Mu Bibilya lizu lya ngelegu porneíaa ulomboloka: (1) kulizeka na muthu yo kalikaza wa vyaku; (2) muyala na muyala kulizeka na mukhetu na mukhetu alizeka; (3) muthu azeka sihaku. Nga twatusula kulumba undumbu twa kusangulwisa Yehova.—1 Tessalonicenses 4:3.
LILONGI WEKHA
Tina kulumba undumbu. Tala zimboti ukakhala nazu nga watina kulumba undumbu.
3. Tina undumbu
Bibilya yiywela umwe muyala vashana veti José waheva kulumba undumbu. Tangyenu Gênesis 39:1-12. Vyelienu kukhanda ya vihulu vye:
Vikhi vya kalumbisa José kutina?—Tala sivathu 9.
Mukusoka kwavi, José wakalumba kayula kamboti? Mukonda lya vikhi?
Namwahi vakwezi vahasa kukengelesa José, na kutina undumbu? Talyenu VIDYU.
Yehova wasola nga tutina undumbu. Tangyenu 1 Coríntios 6:18. Vyelienu kukhanda ya vihulu vye:
Vyuma vikhi viezi kulumbisa umwe muthu kulumba undumbu?
Vikhi wafanya kulumba phala kutina undumbu?
4. Avi uhasa kuhita na vyuma vihwinya
Vikhi vitukwasa kutina undumbu na kukhala na vilinga vyamboti? Talyenu VIDYU. Vyelienu kukhanda ya sihulu se:
Mu vidyu, vikhi phangi akalumba hose akamona visoka na vilinga vyendi vya kakhala kumumbata kusola mukhetu yo ka wendi aku?
Hola zi Kilistau za sili kuli hamwe vezi kukhala na visoka vya viha. Vikhi vya kukukwasa phala kusoki ku vyuma vya ufusa? Tangyenu Filipenses 4:8. Vyelienu kukhanda ya vihulu vye:
Vyuma vikhi twafanya kusoka?
Namwahi kutanga Bibilya na kuhita ku masimbu enzi ku vyuma vya Suku, vikukwasa kuhita na vyuma vihwinya?
5. Vituminu vya Yehova vitukwasa kukhala samboti
Yehova aziva vyuma vyamboti phala yitu. Endi atulonga momo twafanya kukhala na vilinga vyamboti na zimboti twakukhala nazu nga twalumba vye endi atumina. Tangyenu Provérbios 7:7-27 ni lowo Talyenu VIDYU. Vyelienu kukhanda ya vihulu vye:
Mukusoka ku sithimbu twavula mukutanga, namwahi mukwezi akaya mukulihaka mu vithombo?—Tanga Provérbios 7:8, 9.
Mu mukanda twatanga wa Provérbios 7:23, 26, waleka kwakuninga undumbu uniha lamba linzi? Nga twatina undumbu, vithombo vikhi katwesi kukhala navyu?
Namwahi kukhala na visoka vyamboti kutukwasa kukhala na mwenyu kawenzi kuhwa?
Vamwe vathu vezi kuywela veti, Bibilya kayezi kuleka sisola aha yiywela yiti muyala na muyala na mukhetu na mukhetu kavakatokeleli kulizeka. Mazi Yehova Suku ya sisola wasola nga vathu vakhala na kusanguluka kakuhwi. Mazi phala kukhala na mwenyu kawezi kuhwa twafanya kulumba vye Yehova avyeli heti vyamboti. Tangyenu 1 Coríntios 6:9-11. Vyelienu kukhanda ya sihulu se:
Yehova wakahanda tuhu muyala na muyala kulizeka, ni wakahanda vyuma vikwau?
Phala kusangwilisa Yehova, vosi twakatokala kulumba vye yindi asola na kutusula kulumba vye kasoli. Suma samboti kulumba zikhono ze? Tangyenu Salmo 19:8, 11. Vyelienu kukhanda ya vihulu vye:
Mukusoka kwavi, kuhehu kulandula vituminu vya Yehova? Mukonda lya vikhi?
Yehova wakwasa vathu venzi kutusula vyuma vya viha. Navi Yehova akukukwasa
AVAMWE VETI: “Kasuma savihaku kulizeka nga vathu valisoli.”
Namwahi wakumutava?
VIKHI WATUVA
Kulizeka suma samboti Yehova akahana ku muyala na mukhetu vakakazala.
Kuzimbuluka
Vyuma vikhi vilomboloka undumbu?
Vikhi vya kukukwasa kutina undumbu?
Mukonda lya vikhi kuhotolekela Yehova kukhanda ya undumbu vyuma vyamboti phala yitu?
KENGA WEKHA
Tala mukonda lya vikhi suma sineni phala Yehova mukhetu na muyala vatunga kumuheka vatokala kukazala.
“O que a Bíblia diz sobre morar juntos sem se casar?” (Mu jw.org)
Bibilya yiti situsi muyala na muyala na mukhetu na mukhetu kulizeka. Mazi ola mwemomo, ayu kayilongi kwakuninga twafanya kuzemba vathu vasu.
Lilongi phala kuziva momo vituminu vya Suku vitulava ku vithombo vinzi nga twalumba undumbu.
Tala momo umwe muyala akakhala kulizeka na vakwau. Tala vye yindi akatusula kulumba phala kusangwilisa Suku.
“A Bíblia muda a vida das pessoas” (A Sentinela, 1.º de abril de 2011)
a Undumbu wo Suku katavi, ulomboloka vyuma vinzi nañgu: kuhaka uyala mukanwa ka mukwau, ku unginu wa muyala ni lowo wa mukhetu, na kukwata ku uyala ni lowo kuhukhetu wa umwe muthu phala kumulumbisa kwiva pati.