LISAU 36
Khala Umuthu Wasili ku Vyuma Viose
Vose twasola kukhala na vathu vaywela sili. Yehova nendi mwemomo asoli ku tuhalu twendi. Mazi kuhwinya kukhala tuvathu vasili mukonda tumbu mwali vathu kavesi na sili. Mazi ola mwemomo, mukonda lya vikhi suma samboti kukhala tuvathu vasili?
1. Mukonda lya vikhi twafanya kukhala tuvathu vasili?
Nga twakhala tuvathu vasili twakuleka kwakuninga twali na sisola na vumbi kwa Yehova. Asisoka kuvye: Yehova aziva viose twezi kusoka na kulumba. (Hebreus 4:13) Endi wezi kumona ha tuhanda kukhala tuvathu vasili yo ezi kuhana mukomo winzi ku vye. Bibilya yiti: “Yehova wazemba vathu va mambu, mazi yindi kahalu ka va vali na sili.”—Provérbios 3:32.
2. Namwahi tuhasa kukhala tuvathu vasili mu sizuwa na sizuwa?
Yehova wasola nga etu “tuywela sili umwe na mukwetu.” (Zacarias 8:16, 17) Avye vilomboloka vikhi? Avye vilomboloka kwakuninga katwatokelele kuywela mambu kukhumba yetu, vakwetu twakalakala kumuhekha, ku ziphangi musikungulwila na kuzinguvulu. Muthu wasili, katokelele kwiva ni lowo kuvisa mboti za vakwau. (Tanga Provérbios 24:28 na Efésios 4:28.) Muthu wasili nendi afuta vye zinguvulu vezi kulomba. (Romanos 13:5-7) Etu tuleka sili ku vyuma viose.”—Hebreus 13:18.
3. Mukonda lya vikhi suma samboti tukukhala tuvathu vasili?
Nga kwakuninga vakwetu vatuzivi veti tuvathu vasili, vakukhala na ufelelo kwetu. Amomo twakukwasa sikungulwila kukhala na ufelelo umwe na mukwau nañgu mukhumba yamboti. Kukhanda yikwau, mbungi yetu yakukhala samboti. Nga twakhala tuvathu vasili “twakuwehesa, ulongesu wasikwasu setu kwa Suku,” na kulumbisa vathu kusola kutuva kukhanda ya Yehova.—Tito 2:10.
LILONGI WEKHA
Tala momo kukhala umuthu wasili yilumba mbandu ya kahalu wavi na Yehova. Tala wekha momo uhasa kukhala umuthu wasili ku vyuma vinzi vya mwenyu.
4. Kukhala tuvathu vasili kusangulwisa Yehova
Tangyenu Salmo 44:21 na Malaquias 3:16. Vyelienu kukhanda ya vihulu vye:
Mukusoka kwavi, mukonda lya vikhi katwatokelele kusoka tuti tuhasa kusweka simwe suma kwa Yehova?
Kuhwinya kuywela sili, mazi ola mwemomo namwahi Yehova ezi kuliva nga twahanda kuywela sili?
Nga vana vavyeli sili, vitata vezi kusanguluka. Netu nga twaywela sili Yehova wezi kusanguluka
5. Khala umuthu wasili ku vyuma viose
Vamwe vathu vezi kusoka veti kakulumbi suma kukusa kandambu. Mazi tala mukonda lya vikhi twafanya kuleka sili ku vyuma viose. Talyenu VIDYU.
Tangyenu Hebreus 13:18. Vyelienu namwahi uhasa kukhala na sili . . .
mu khumba
kumilimu ni lowo kusikola
ku vyuma vikwau
6. Kukhala tuvathu vasili kutukwasa
Tuhasa kuhita na vimwe vithombo mukonda lya kuywela sili. Mazi ola mwemomo suma samboti twafanya kuywela sili. Tangyenu Salmo 34:12-16. Vyelienu kukhanda ya sihulu se:
Namwahi kukhala umuthu wasili kuhasa kukukwasa kumwenyu wavi?
Muyala na mukhetu nga vali vathu vasili vakolesa kahalu wavu
Muthu nga akalakala na sili, patrau akhala na ufelelo kwendi
AVAMWE VETI: “Mambu atiki ka alumbi simwe suma.”
Mukonda lya vikhi usoka uti Yehova wazemba mambu ose?
VIKHI WATUVA
Yehova wasola nga tuhalu twendi valeka sili ku viose vaywela na kulumba.
Kuzimbuluka
Vyuma vikhi twafanya kulumba phala kuleka kwakuninga tuvathu vasili?
Mukonda lya vikhi katwatokelele kusoka tuti tuhasa kusweka vimwe vyuma kwa Yehova?
Mukonda lya vikhi wasola kukhala umuthu wasili ku vyuma viose?
KENGA WEKHA
Namwahi vitata vahasa kulonga vana vavu phala kukhala vathu vasili?
Mukonda lya vikhi twafanya kulumba vye swovyo twakeneka?
Tala mukonda lya vikhi twafanya kufuta malizimu ola kwakuninga kavesi mukundesa samboti vitali viasu.
“Você deve pagar impostos?” (A Sentinela, 1.º de setembro de 2011)
Vikhi vya kakwasa umwe muyala kakakhele muthu wasili kuhinguluka kumwenyu wendi?
“Aprendi que Jeová é misericordioso e perdoador” (A Sentinela, 1.º de maio de 2015)