LISAU 58
Pama Kukolesa Ufelelo Wavi Kwa Yehova
Zi Kilistau za sili vezi kulumba zikhono zinzi phala kusimanya Yehova. Mukonda lya vye, avuvu kavezi kutusula umwe muthu kupiyatwisa ufelelo wavu. Yehova ezi kuhana mukomu ku zikhono ze twezi kulumba phala kumusimanya. (Tanga 1 Crônicas 28:9.) Vyuma vikhi vyezi kupiyatwisa ufelelo wavi kwa Yehova? Vikhi wafanya kulumba?
1. Vyuma vikhi vyezi kusola kuhukisa ufelelo wetu kwa Yehova?
Vamwe vathu vezi kusola nga tutusula kusimanya Yehova. Amuni vikhi vezi kulumba? Vamwe vathu vakasa Yehova, vezi kuzimbula mambu kukhanda ya sikungulwila ya Suku phala kumana na ufelelo wetu. Vathu vasu vezi kuhingulwila sili phala kulonga mambu. Kukhanda yikwau, vamwe vakulu va zingeleja, vezi kupiyatwisa vamwe vathu. Katwatokeleli kukhala kuvyela navu, kutanga malivulu avu, kutala zividyu zavu na vyuma vikwau. Yesu wakaywela momo kukhanda ya va vezi kupiyatwisa vakwau kusimanya Yehova: “Kamuvatavi! Avuvu tufofu, nga kafufu kandesi mukwau avuvu vakundumuka muteki.”—Mateus 15:14.
2. Vikhi wekha twafanya kulumba phala kuleka sisola setu Yehova?
Sisola setu kwa Yehova, sakutukwasa phala kutusula simwe suma se silumba mbandu ya zingeleja za mambu, nãngu milimu zetu na vyuma vikwau Yehova atukanda. Yehova wavyela momo: “Mbunga yami, vulyenu mu [Babilonia Yineni].”—Apocalipse 18:2, 4.
LILONGI WEKHA
Tala momo uhasa kuhewa vathu va vasola kulola ufelelo wavi kwa Yehova. Tala wekha momo uhasa kuweza ufelelo wavi mukuvula mu Babilonia Yineni.
3. Lilavi kukhanda ya ulongesu wa mambu
Vikhi twafanya kulumba nga tweva vyuma vya viha kukhanda ya sikungulwila sa Yehova? Tangyenu Provérbios 14:15. Vyelienu kukhanda ya sihulu se:
Mukonda lya vikhi twafanya kulimuka phala katutavi ku vyuma viose twezi kwiva?
Tangyenu 2 João 9-11. Vyelienu kukhanda ya vihulu vye:
Namwahi twafanya kulimuka na vathu va vezi kuywela mambu kukhanda ya sikungulwila?
Twaziva kwakuninga kasuma samboti kuywela na vathu va vezi kulonga mambu. Mazi namwahi vuvu vezi kusola kutupiyatwisa na visoka vyavu se yitu kuziva?
Mukusoka kwavi, namwahi Yehova ezi kuliva nga atumoni mukwiva vyuma vya viha vezi kuywela kukhanda ya yindi na sikungulwila sendi?
4. Pama mukuleka ufelelo wavi kwa yindi ola umwe phangi anati situsi
Nga twaziva kwakuninga umwe phangi musikungulwila wata simwe situsi sinene, vikhi twafanya kulumba? Tala vye Suku akaywela munyima kumbunga ya Israel. Tangyenu Levítico 5:1.
Nañgu momo twavula mukutanga mu sithimbu se, nga twaziva muthu yo anati situsi twatokala kuywela na vakulu vasikungulwila. Mazi suma sitite twafanya kulumba, kuvyela na yo anati situ. Nga yindi ahewi, ufelelo wetu wakutukwasa kuya mukuywela na vakulu vasikungulwila. Namwahi kulumba vye kuleka sisola setu . . .
kwa Yehova Suku?
ku muthu yo anati situsi?
ku vathu vakwau vasikungulwila?
Nga wamona umwe phangi ali mukumeteka kulihaka ku vithombo, umukwasa!
5. Vula mu Babilonia Yinene
Tangyenu Lucas 4:8 na Apocalipse 18:4, 5. Vyelienu kukhanda ya vihulu vye:
Ami hanzi nezi kulumba mbandu ya zingeleja za mambu?
Ami na vanda ku vimwe vyuma zingeleja za mambu vezi kulumba?
Milimu zami, zikwasa zingeleja za mambu?
Kwali simwe suma ku mwenyu wami silumba mbandu ya zingeleja za mambu nafanya kutusula?
Nga natava ñguti sili kukhanda ya vihulu vye navula mukulumba, vyuma vikhi nafanya kulumba?
Lumba kayula kakuleka sisola savi kwa Yehova na kulumba vyuma vyamboti phala mbungi yavi kayikulwi.
Vikhi wakulumba nga kwakuninga vakulombi phala kulumba vyuma vilumba mbandu ya zingeleja?
AVAMWE VETI: “Ami nasola kuziva va vezi kuywela mambu kukhanda ya Zimbangi za Yehova. Yimi na kukandunwina sili.”
Usoka uti kulumba momo kulimuka?
VIKHI WATUVA
Phala kupama na ufelelo wetu kwa Yehova, twafanya kukhala kakwihi ku va vezi kusola kutupyatwisa.
Kuzimbuluka
Mukonda lya vikhi katwatokeleli kutala na kwiva na kutanga, vyuma vya va vakatusula Yehova?
Vikhi twafanya kulumba nga twaziva kwakuniga umwe phangi wata situsi sinene?
Namwahi twafanya kuhotolokela ku situminu sa kutina zingeleja za mambu?
KENGA WEKHA
Tala vye wafanya kulumba nga vathu vaveli mambu kukhanda ya Zimbangi za Yehova.
“Você sabe de todos os fatos?” (A Sentinela, agosto de 2018)
Vikhi wafanya kulumba phala kuziva se simwe sihuka ni lowo milimu zilumba mbandu ya Babilonia Yineni?
Vikhi zinguma vakalumba phala kusola kulola ufelelo wetu?
Tala momo umwe muthu akakhala kungeleja tushana tuti xintoísta. Endi wakaywela momo: “Nakakhala kukenga Suku tundi mu uhe wami.”