Pama Kukolesa Ukamba Wavi na Yehova?

Vyuma vinzi watuva mukulilonga Bibilya. Vyuma vye watuva vya kuheza sisola savi kwa Yehova. Avi hamwe wahana mwenyu wavi kwa Yehova ukalibatizali. Nga khali ulibatizala, hamwe yivi kusoka kulibatizala. Mazi suma salanda yivi wafanya kupama kukolesa ukamba wavi na Yehova. Namwahi wafanya kulumba momo?

1. Mukonda lya vikhi wafanya kupama kukolesa ukamba wavi na Yehova?

Twafanya kulumba zikhono phala kukolesa ukamba wetu na Yehova. Mukonda lya vikhi? “Phala kapyatuki.” (Hebreus 2:1) Vikhi vihasa kutukwasa kukhala na ufelelo kwa Yehova? Twatokala kupama mukulonga ni lowo kulumba milimu zikwau zavanda kwa Yehova. (Tanga Filipenses 3:16.) Kusimanya Yehova suma samboti twafanya kulumba ku mwenyu wetu!—Salmo 84:10.

2. Vikhi wekha watokala kupama kulumba?

Ola mwemomo kali wamana kulilonga livulu lye, yivi kumeteka kusimanya Yehova. Bibilya yiti: “Muzala mu vathu vauhwi.” Zimbimbi ze zilomboloka kwakuninga twafanya kuhinguluka ku visoka na kuvilinga wetu. (Efésios 4:23, 24) Twafanya kupama kulilonga Bibilya na kuya ku zinzangu na kulumba zikhono phala kukengelesa vilinga vya Yehova. Nga watala uti wasola kutusula vimwe vyuma phala kusangulwisa Yehova lumba mwemomo.

3. Namwahi Yehova akukukwasa?

Bibilya yiti: “Suku. . . akukamilonga samboti. Wa kukamikwasa kupama na kumihana zikhono, amihaki hama hamboti.” (1 Pedro 5:10) Vosi twezi kuhita na vyuma vitulumbisa kulumba vyuma vya viha. Mazi Yehova ezi kutukwasa kupama kulumba vyuma vyamboti. (Salmo 139:23, 24) Endi wakutukwasa kupama kumusimanya.—Tanga Filipenses 2:13.

LILONGI WEKHA

4. Vyela na kamba lyavi

Kulumba malombelo na kulilonga Bibilya kwa kukukwasa kukhala na ukamba na Yehova. Mazi namwahi vyuma vye vikukwasa kuliva ku uhehi na Yehova?

Tangyenu Salmo 62:8. Vyelienu kukhanda ya sihulu se:

• Phala kukolesa ukamba wavi na Yehova, namwahi wafanya kulumba lombelo?

Tangyenu Salmo 1:2 na nota. Vyelienu kukhanda ya sihulu se:

• Phala kukolesa ukamba wavi na Yehova, namwahi wafanya kutanga Bibilya?

Mu kulilonga Bibilya, vikhi wafanya kulumba phala kuyiziva samboti? Talyenu VIDYU. Vyelienu kukhanda ya vihulu vye:

VIDYU: Suma Samboti Kulilonga (5:22)

• Vyuma vikhi wamona mu vidyu navi wafanya kulandula?

• Vyuma vikhi navi wafanya kulilonga?

5. Soka kuvye wasola kulumba ku milimu za Suku

Kukhala na visoka vya kulumba milimu za Yehova, vya kukukwasa kukolesa ukamba wavi na yindi. Talyenu VIDYU. Vyelienu kukhanda ya sihulu se:

VIDYU: Kakwesi Mwenyu Walififa na wo (3:31)

• Vikhi Cameron akalumba?

Azimwe ziphangi vezi kuya mukulonga ku matumbu akaseka. Mazi etu vosi tuhasa kulumba zikhono ku milimu za Suku. Tangyenu Provérbios 21:5. Vyelienu kukhanda ya vye uhasa kulumba . . .

• musikungulwila.

• ku milimu za kulonga.

Namwahi sivatu se sihasa kukukwasa kukhala na zikhono zakulumba wekha ku milimu za Suku?

Vye wafanya kulumba:

• Kuvyela vye vyali ku mbungi nga wa kulumba lombelo.

• Kutanga Bibilya yose.

• Kuziva vathu vosi musikungulwila.

• Kumeteka kulonga Bibilya ku umwe muthu.

• Kukhala yo mu kakuzikula nzila.

• Nga uphangi ya muyala ulumba zikhono phala kukhala usikwasu sa vakulu vasikungulwila ni lowo mukulu wa sikungulwila.

VIKHI WATUVA

Pama kukolesa ukamba wavi na Yehova na kukhala na visoka vya kulumba zikhono ku milimu zendi. Amomo wakuhasa kukhala na kusanguluka kakwezi kuhwa!

Kuzimbuluka

• Mukonda lya vikhi wafanya kukhala na sili kwakuninga Yehova akukukwasa kumusimanya na zikhono zose?

• Namwahi uhasa kukolesa ukamba wavi na Yehova?

• Mukonda lya vikhi kulumba zikhono ku milimu za Suku kuhasa kukolesa ukamba wavi na Yehova?

KENGA WEKHA

Vikhi vyali na mukomu winzi kwa Yehova? Kuleka ufelelo mu sizuwa simuheka ni, kuleka ufelelo wavi ku vizuwa viose?

Seja fiel como Abraão (9:20)

Ola mwemo Umbangi ya Yehova, kuli hamwe wezi kuzinda. Vikhi vihasa kukukwasa?

Recupere a alegria por meio do estudo e da meditação (5:25)

Vikhi vihasa kukukwasa kusoka ku vye wasola kulumba ku milimu za Yehova?

“Estabeleça alvos espirituais que glorifiquem seu Criador” (A Sentinela, 15 de julho 2004)

Mukonda lya vikhi twafanya kukolesa ukamba wetu na Suku?

“Avancemos à madureza—‘está próximo o grande dia de Jeová ” (A Sentinela, Maio 15 2009)