LISAU 57
Vikhi Wafanya Kulumba Nga Wata Situsi Sinene?
Ola kwakuninga wali na sisola sinene kwa Yehova, kuli hamwe wakulumba vye yindi kasoli. Mazi kwali vimwe zitusi vya landa vikwau. (1 Coríntios 6:9, 10) Nga walumba situsi sineni, uzimbuluka kwakuninga Yehova hanzi akusola. Endi wasola kukukwasa.
1. Vikhi twafanya kulumba phala Yehova kutuloloka?
Muthu yo asola Yehova ezi kuzinda nga anati situsi sinene. Mazi avye Yehova ayweli phala mbumga yindi vitukwasa. Endi waywela momo: ‘Wola kwakuninga vitusi vyavi vivenga ngangu manyinga vya kukayela.’ (Isaías 1:18) Nga twalifutukila na mbungi yosi Yehova akutuloloka. Vikhi twafanya kulumba phala kutuloloka? Twafanya kutusula kulumba vyuma vye vya viha twakakhala kulumba, atulombi muloloki wa vitusi veytu kwa Yehova. Kukhanda yikwau, twafanya kuhingulula visoka vya viha na kulumba vye Yehova asola.—Tanga Isaías 55:6, 7.
2. Namwahi vakulu vakasikungulwila vahasa kutukwasa nga twata situsi?
Nga twata situsi sinene, Yehova heti twafanya “kushana vakulu vakasikungulwila phala kutukwasa.” (Tanga Tiago 5:14, 15.) Vakulu vakasikungulwila vali na sisola kwa Yehova na kwetu. Avuvu vali phala kutukwasa. Kukhanda ya Bibilya avuvu vahasa kutukwasa kuvutuka kukhala na ukamba wamboti na Yehova.—Gálatas 6:1.
Mazi kuti vezi kutukwasa vakulu vasikungulwila nga twata situsi? Vakulu vavali ni lowo vatatu, avuvu vahasa kutuleka mu Bibilya phala kuziva kwakuninga vye twalumba situsi. Avu vakutuhana mana phala katuvutuki kulumba vitusi vyasu. Amuni nga umwe muthu anati situsi atambuli sikwasu avutuki mulumba wekha vyuma vyasu? Vakulu vasikungulwila vakumukaya musikungulwila.
LILONGI WEKHA
Tala momo Yehova ahasa kutukwasa nga twata situsi sinene.
3. Twafanya kuvyela vitusi vyetu
Nga twalumba simwe situsi Yehova azinda. Wamona, twafanya kuzimbula vitusi vyetu kwendi. Tangyenu Salmo 32:1-5. Vyelienu kukhanda ya sihulu se:
Mukonda lya vikhi, twafanya kulomba muloloki wa vitusi kwa Yehova?
Nga twalomba muloloki wa vitusi vyetu kwa Yehova, atulombi sikwasu kuvakulu vasikungulwila twakuliva samboti. Talyenu VIDYU. Vyelienu kukhanda ya sihulu se:
Mu vidyu, vikhi vakulu vasikungulwila vakalumba phala kukwasa Canon kukhala na ukamba wamboti na Yehova?
Twatokala kulomba sikwasu sa vakulu vasikungulwila mukonda avuvu vahasa kutukwasa. Tangyenu Tiago 5:16. Vyelienu kukhanda ya sihulu se:
Mukonda lya vikhi tuhasa kuzimbula viose twalumba ku vakulu vasikungulwila?
(1) Vyela situsi se wata kwa Yehova; (2) Vyela vitusi viose ku vakulu vasikungulwila; (3) Tava sikwasu sa Yehova
4. Yehova ali na sisolaku va vakata situsi
Nga umwe muthu anati situsi sinene, mazi hasoka kwakuninga kakwesi suma ku vye nalumba, hahewi kupama kulumba vye Yehova kasoli, muthu wasu yo, kakhali wekha musikungulwila. Muthu wasu katwatokeleli kwenda nendi. Tangyenu 1 Coríntios 5:6, 11. Vyelienu kukhanda ya sihulu se:
Ndambu ya felimento yikulisa fuma ya tiliku. Amuni, nga umwe muthu ezi kuta vitusi akhali musikungulwila, namwahi vakwau vakuliva?
Vakulu vasikungulwila vezi kukengelesa Yehova. Avuvu vezi kukenga vathu va vakavahandununa mu sikungulwila phala kuvakwasa kukhala wekha na ukamba wamboti na Yehova. Vathu vezi kuvahandununa, mazi mukuhita kwa muvu havavutuki musikungulwila. Avuvu vezi kuvyela veti kasikheli kutuhandununa, nga katwakazivili kwakuninga avye twakalumba vitusi.—Salmo 141:5.
Vikhi Yehova ezi kulumba vileka kwakuninga endi ali na sisola na sali ku muthu yo anati situsi?
5. Yehova ezi kuloloka nga twalifutukila
Yesu wakata sisima momo Yehova ezi kuliva nga umwe muthu alifutukili. Tangyenu Lucas 15:1-7. Vyelienu kukhanda ya sihulu se:
Avye vitulonga vikhi kukhanda ya Yehova?
Tangyenu Ezequiel 33:11. Vyelienu kukhanda ya sihulu se:
Muthu yo akalifutukila alumba vikhi?
Nañgu momo muli kafungula, Yehova nendi ali na sisola ku zimbuli zendi
AVAMWE VETI: “Nga nazimbula vye na lumba kuvakulu vasikungulwila, vakungukaya musikungulwila.”
Vikhi yivi uvyela nga waziva muthu ezi kusoka momo?
VIKHI WATUVA
Nga twalumba situsi sinene, Yehova ahasa kutuloloka. Kukhanda yikwau, twafanya kulumba zikhono phala katuvutuki mukulumba vyuma vya viha.
Kuzimbuluka
Mukonda lya vikhi twafanya kuywela vitusi vyetu kwa Yehova?
Vikhi twafanya kulumba phala Yehova kuloloka vitusi vyetu?
Nga twata situsi, mukonda lya vikhi twafanya kukenga sikwasu sa vakulu vasikungulwila?
KENGA WEKHA
Tala momo umwe muyala akasanga sali sa Yehova mu Isaías 1:18.
Namwahi vakulu vasikungulwila vakwasa muthu yo anati situsi sinene?
“Como os anciãos mostram amor e misericórdia pelos pecadores?” (A Sentinela, de Agosto de 2024)
Tala vye twafanya kulumba vileka kwakuninga twali na sisola ku yo anati situsi mazi endi wavutuka?
“Como os anciãos ajudam quem foi removido da congreção?” (A Sentinela de Agosto de 2024)
Tanga musendu wa muyala yo akatusula sili. Endi wakaywela momo: “Ami nakavinga kuvutuka kwa Yehova.”