NAʼÍDÍKIDÍGÍÍ 5
Diyin Bizaadshąʼ haʼátʼíí íiyisíí biiʼ baa haneʼ?
“Áádóó ni índa asdzání bił ałkʼee diníʼniihgo ádeeshłííł; naʼáłchíní índa éí baʼáłchíní yił ałkʼee dadiʼniihgo ádeeshłííł; éí nitsiitsʼiin yidoołjish; ni éí bikétal dííłjish.”
“Áádóó nitsʼą́ą́dóó yichíiłii bee ałʼąą dineʼé tʼáá ałtso bikʼihozhdoodliił, háálá shizaad bikʼeh honíłʼı̨́.”
“Bee nóhólníihii náásgóó kʼeeʼąą yilzhish leʼ. Áádóó bee íinínízinii tʼáá yáʼąąshdi ááníłígi átʼéego nahasdzáán bikáaʼgi ááníił leʼ.”
“Áko tʼóó hodíínaʼgo Diyin God, nihijéí biiʼ hózhǫ́ǫgo áyósinii, éí nihikétłʼáahjįʼ Séítan yidoołjishgo nihá yikʼeh didoodleeł.”
“Áádóó aYeʼ jílíinii tʼáá ałtsoní bee hóhoʼdoosnííʼdóó bikʼijįʼ haTaaʼ, tʼáá ałtsoní yee hóhoosníʼígíí, nátʼą́ą́ʼ bílákʼee náʼázhdooltı̨́į doo, áko tʼáá ádzíłtso índa tʼáá ałtsoní Diyin God há nilı̨́į doo.”
“Jó, Diyin God yee nihwiizʼáanii éí Éíbraham índa bitsʼą́ą́dóó yizhchíinii yá haadzííʼ . . . éí Christ ááhyiłní. Áko Christ bííʼ danohłı̨́įgo Éíbraham baʼáłchíní danohłı̨́.”
“Nihokááʼ bee óhólníihgo bił hazʼáanii éí nihiBóhólníihii índa biChrist bee bóhólníihgo bił hazʼáanii silı̨́ı̨́ʼ, éí hoolʼáágóó ahóyéelʼáágóó yinantʼáa doo.”
“Naʼashǫ́ʼiitsoh ayóóʼátʼéii, ałkʼidą́ą́ʼ tłʼiishtsohígíí, éí níłchʼi bidaʼiiníziinii binanitʼaʼí, Séítan wolyéii, nahasdzáán tʼáá siʼą́ą́ nítʼééʼ yinaʼaloʼii nahasdzáán bikáaʼjįʼ bidah ahoolghan; bindaalʼaʼí tʼáá bił bidah adabidiistłʼííd.”
“Áko naʼashǫ́ʼiitsoh yisił, éí tʼáá ałkʼidą́ą́ʼ tłʼiish nilínígíí, níłchʼi bidaʼiiníziinii binanitʼaʼí éí Séítan wolyéii, áko tʼááłáhídi mííl nááhaijįʼ yeʼeztłʼǫ́ǫgo . . . ”