Bíhwiidooʼáłígíí 9
God Yá Naalʼaʼí Díigi Átʼéego Tsʼídá Doo Chin Bąąh Da Doo
Haʼátʼíísh biniinaa nihí tʼáá ałtsojįʼ tsʼídá chin nihąąh ádin doo? (1)
Haʼátʼíísh ááhyíłní níłchʼi kʼehgo chin hąąh ádin? (2) hweʼíʼoolʼįįł kʼehgo? (3) hániʼ kʼehgo? (4) tsʼísee kʼehgo? (5)
Haitʼéhígíí shąʼ saad chin bąąh bee yáʼátiʼígíí tsʼídá bitsʼąą kónítʼéé doo? (6)
1. Jiihóvah God éí chin bąąh ádin dóó diyin. Bichʼįʼ ndahałáhígíí éí chin bąąh ádingo íʼdólzin doo yoʼní—níłchʼi kʼehgo, hweʼíʼoolʼįįł kʼehgo, hániʼ kʼehgo, dóó tsʼísee kʼehgo. (1 Peter 1:16) Chin tʼáá hąąh ádingo God honíłʼı̨́įdooígíí tʼáá íiyisíí yéigo ájítʼı̨́įgo tʼéiyá. Bílaʼashdlaʼii chin yinakaiʼgo biiʼ kééhwiitʼı̨́. Tʼáá nihí doo ákótʼéego íʼdiilnííłígíí bidíneelʼnáníí ałdóʼ bił ahiigą́. Ndi nihí tsʼídá doo chʼééh ídiitʼįįł da.
2. Níłchʼi Kʼehgo Chin Bąąh Ádin: Jiihóvah bá neiilʼaʼ doo niidzingo, doo tʼááʼaaníí nahaghá binaʼnitin doodaiiʼ tʼáá bíjíkʼehgo éʼélʼįʼ doo łáʼ tʼáá bąąh dah sinitʼı̨́į da doo. Doo tʼááʼaaníí nahaghá, nihí tsʼídá bitsʼá díídaał dóó tʼáá haʼátʼéhégo doo bikʼidiildził da. (2 Corinthians 6:14-18; Revelation 18:4) Tʼááłáhádi God tʼááʼaaníinii baa bíhwiilʼą́ą́ʼ yę́ędą́ą́ʼ, diné doo tʼááʼaaníí átʼéego ndaʼnitinii yóóʼadanihidínóoʼahígíí, tʼáá íiyisíí bee ádaaʼahwiilyą́ą doo.—2 John 10, 11.
3. Hweʼíʼoolʼįįł Kʼehgo Chin Bąąh Ádin: Jiihóvah éí díí yinizin bichʼįʼ ndahałáhígíí tʼááʼaaníí Christ yidaʼałʼı̨́nii tʼáá áłahjįʼ tʼáá ákohgo ádaʼjiłʼı̨́įdo. (1 Peter 2:12) Bí éí tʼáá ałtso íitʼı̨́nígíí yooʼı̨́, azhą́ tʼáá nahonitʼinii ndi. (Hebrews 4:13) Nihí tsʼídá éí naʼageh ádaatʼéii dóó łáʼ chin dah bąąhii bílaʼashdlaʼii ádaʼoolʼįįłii bitsʼąą kwíitʼı̨́į doo.—1 Corinthians 6:9-11.
4. Hániʼ Kʼehgo Chin Bąąh Ádin: Nihíniʼ chin bąąh ádinii dóó niłtólígo nihintsékees, biih hilyéego íitʼı̨́nígíí ałdóʼ chin bąąh ádin doo. (Philippians 4:8) Ndi tʼáadoo leʼé chin ádaatʼéii baa nitsíikeesgo, éí tʼáá ákótʼéego doo yáʼáshǫ́ǫgo bikʼeh nihwiileeh. (Matthew 15:18-20) Ałʼąą átʼéego bee ákʼihaltaʼ nihíniʼ chin íidoolííłii tsʼídá bitsʼąą kónítʼéé doo. Nihintsékees chin bąąh ádinígíí bee nihíniʼ biiʼ hadidiilbı̨́ı̨́ł Diyin Bizaad yííníłtaʼgo.
5. Tsʼísee Kʼehgo Chin Bąąh Ádin: God éí yá naazíinii biniinaa, Christ yidaʼałʼı̨́nii tsʼídá bitsʼíís dóó biʼééʼ doo chin bąąhgo adadoolzin. Yah ańdaʼaldahí choisiilįįdgo bikééʼdóó, dóó tʼahdoo íídą́ągo doodaiiʼ chiʼyaan néichʼidgo nihilaʼ táádíigis. Yah ańdaʼaldahí hazhóʼó hastʼeelyaaígíí doo hwee hólǫ́ǫgo, éí chąąʼígíí bikʼihwiizhdoogoł. (Deuteronomy 23:12, 13) Atsʼíís chin bąąh ádin óólzingo atsʼíís bitah yáʼáhootʼéehii yíká análwoʼ. Christ yidaʼałʼı̨́nii bighan tsʼídá hashtʼeelyaa dóó chin bąąh ádin doo tʼáá wóneʼé dóó tłʼóoʼdi. Hooghan bitahgi tʼáadoo bahatʼaadí yáʼátʼéehgo beʼdoolnííłígíí átʼée doo.
6. Saad Chin Bąąh Ádin: God binaalʼaʼí tsʼídá alą́ąjįʼ tʼááʼaaníinii bee yajíłtiʼ doo. Dabiyoochʼíídii éí doo God Binahatʼáʼ bił Hazʼáánii yah azhdookah da. (Ephesians 4:25; Revelation 21:8) Christ yidaʼałʼı̨́nii saad doo yáʼátʼéehgo baa yá átiʼ doo chodayoołʼı̨́ da. Éí éíya nahatʼiʼ tʼóó baaʼihígíí doodaiiʼ haneʼ chin bąąhígíí doo yiyíitsʼą́ą́ʼ da doodaiiʼ yahalneʼ da. Éí bizaad chin bąąh ádinígíí biniinaa, binaanishdi tʼáadoo bahatʼaadí asádii ádaatʼéego naazí doodaiiʼ oltaʼdi dóó kééhatʼı̨́ı̨́gi.—Ephesians 4:29, 31; 5:3.
[Pictures on page 18, 19]
God binaalʼaʼí tsʼídá tʼáá ałtsojįʼ chin bąąh ádaadin doo