Azhéʼé dóó Amá Díí Yínółtaʼ

Haʼátʼíí lá aláahdi yáʼátʼéhígíí nihaʼáłchíní baa doohłééł? Áłchíní éí ląʼígóó yídį danilı̨́, niheʼayóóʼíʼóoʼniʼ, nihinaʼnitin dóó hazhóʼó baa áhayą́ą dooígi ałdóʼ. Ákótʼée ndi aláahdi ílı̨́įgo baa doohłéłígíí éí, Jiihóvah yéédahodoosįįł dóó Bizaad biiʼdóó tʼáá aaníigo naʼnitinígíí yídahodoołʼááł. (John 17:3) Áko éí bąą tʼah awééʼ danilı̨́įgo nanohtingo, bijéí tłʼááhdę́ę́ʼ Jiihóvah ayóóʼádayóʼníigo yá ndaalʼaʼ doo.​—Matthew 21:16.

Ląʼí amá dóó azhéʼé bił béédahoozin, éí áłchíní yázhí tʼóó kónígháníjįʼ nazhnitingo ayóó yídaneedlı̨́. Éí biniinaa baa nihił dahózhǫ́ǫgo díí naaltsoos Diyin Bizaad Bíhooshʼaah wolyéhígíí ádeiilyaa. Bídahwiidooʼáłígíí éí doo nanitłʼagóó áłchíní yázhí bee nidínóotı̨́įłgo ályaa. Ndaʼashchʼąąʼígíí saad bił dah naazhjaaʼgo ádaalyaa. Éí áłchíní yázhí tááʼ béédááhaidóó yaagoígíí bá ályaa. Naʼnitingo áłchíní bił ádoolníłígíí ałdóʼ díí naaltsoos bił ályaa. Díí naaltsoos Diyin Bizaad Bíhooshʼaah éí doo tʼóó bee naʼaʼnée da. Ndi nihaʼáłchíní bił yínółtaʼ doo biniyé ályaa, áko binahjįʼ nizhónígo nihíistsʼą́ąʼ doo.

Nihił béédahózingo éí nihaʼáłchíní tʼah “tʼáá awééʼ” nilı̨́įgo Diyin Bizaad bee nanohtingo, díí naaltsoos nizhónígo nihíká adoolwoł.​—2 Timothy 3:14, 15.

Danihikʼis,

Hastóí Alą́ąjįʼ Daʼéeʼéshígíí

[Picture on page 3]