27 Ongi yokwalingwa otyilikutila tyokunaka ovo Alau novana vae, sukukisa olukolo lwatyo lwalingwa+ otyilikutila tyokwendaiswa notyikalo tyatyo tyokwalingwa otyiawa tyikola, nohitu yokwaendaiswa nohitu yokwaawa. 28 Mokonda ovio ovipuka vikola mavilingi vya Alau novana vae, otyo otyitumino ova Isilayeli vena okulandula apeho-apeho. Ovio mavilingi oviawa vikola ova Isilayeli+ vena okwava-ava. Ovio ovipuka vikola vilingilwa Siovaa viovilikutila viombembwa.+

8 Siovaa apopila vali Alau, ati: “Ame mwene nekwaavela otyilinga tyokutambula oviawa napewa.+ Nevipa ove novana vove, vikale ondyambi yenyi ya apeho, ipolwa povipuka vikola ova Isilayeli vaava.+

3 “Una wamalingi otyilikutila, tyilinge ongombe tyilinge ongi, upola-ko epe, nonomphanda, notyihapu, aavela ovanakwa.

29 Ovanakwa, ovo mavakalia otyiawa tyovilia,+ notyiawa tyonkhali, notyiawa tyokwavelwa onombei,+ ovipuka aviho viapakulwa mo Isilayeli, mavikakala viavo.+

13 Onwe kamutyii okuti ovalume valinga ovilinga vikola valia vyo mondywo ya Huku, ava vokuundapa apeho komutala wovilikutila vapolelwa povipuka vilingwa ovilikutila komutala?+