29 “Ine tyina mukati oko, mwoovola Siovaa Huku yenyi,+ nomutima wenyi auho, nohande* yenyi aiho, mamumuvasi.+

3 Ohamba aitalamena ponthele potyipandyi, ailingi omphango* komaiho a Siovaa+ yokuti mailandula mu Siovaa, ayeendela movitumino viae no mweetyi alondola no mweetyi apopia, nomutima wayo auho nohande* yayo aiho, mokufwisapo onondaka mbomphango mbahonekwa momukanda oo. Ovanthu aveho avetavela omphango oyo.+

28 Ovanthu ovakwavo, ovanakwa, no vomuhoko wa Levii, no vokuyunga konombundi, novaimbi, novaundapi vo mondywo ya Huku,* novanthu aveho ankho vatunda movanthu vovilongo ovikwavo opo valandule Otyitumino tya Huku yotyotyili,+ kumwe novakai vavo, novana vavo ovakwendye novahikwena, aveho vana ankho vena enoñgonoko, nounongo wokukungunyika,* 29 aveho avelikwate-po na vana velilandula navo, ovalume vokwankhimana, avelipopi umwe okuti ine kavaendela Motyitumino tya Huku yotyotyili, tyapelwe Mwisesi omunthu wa Huku yotyotyili, opo vamoneswe ononkhumbi, avati mavetavela umwe nawa ovitumino aviho vya Siovaa, Tatekulu yetu, novitumino viae vionomphela, neetyi apopia.