18 Mahi onwe popilei ohamba yo Sundaa yokwemutuma okukapula ku Siovaa, okuti: “Etyi, otyo tyapopia Siovaa, Huku yo Isilayeli, wati: ‘Konthele yonondaka ombu weiva, 19 mokonda omutima wove wetavela,* oliolo omutima+ komaiho a Siovaa etyi weiva onondaka napopia konthele yomphangu ei na vana vakala-mo, etyi nati mavakamoneswa ovihuna, ovanthu avakatila owoma mokonda yavo, otandula ovikutu viove,+ olilila komaiho ange, ame nekwiiva, o Siovaa wetyipopia.

13 Manasesi atwalako okulikwambela ku Huku, Huku emwetesila-mo okankhenda, atehelela elikwambelo liae, emukondola kouhamba wae mo Selusalei.+ Manasesi anoñgonoka okuti Siovaa o Huku yotyotyili.+

Etyi aulula onkhwo opo akwatesweko, wemwiiva.+

22 Ngwe he atumu ovapika vae, ati: ‘Kuluminyei! Etei-mo otyikutu omo, otyiwa tyatyo, muvalekei-tyo mupakei onela amumuvaleka ononkhaku konomphai. 23 Tahei-mo onthane, onthane yokwanina, iipaei tulie, tulingei otyipito, 24 omona wange ou wankhile, mahi pahe weya vali komwenyo;+ wavombele pahe wamoneka.’ Avahambukwa unene.

13 Mahi omutanthi welilimu, atalamena vala ngooko, nokuyelula vala omaiho atale peulu ehetyivili-ale, ahimbika vala okuliveta monthulo, otyo ati: ‘Huku yange, ndinge-vo onkhenda,* ame ndyimukwankhali.’+ 14 Ame ndyimutolela umwe, omulume oo, wati umwe tyina aya no keumbo liae, watiwa umwe oe ondingaviwa, wapona omu Faliseu.+ Ava velipaka-ko vakapakwa koututu, ava velipaka koututu vakapakwa kounene.”+