31 Seowakasi+ wakala ohamba etyi ena omanima 23, watuminine mo Selusalei onohanyi ononthatu. Ina utiwa o Hamutale+ omona wa Selemiya wo ko Limbina. 32 Ahimbika okulinga ovipuka ovivi komaiho a Siovaa, ngovipuka aviho ovakwaukulu vae valingile.+ 33 Falaoo Neku+ emukwatela ko Limbela+ kotyilongo tyo Hamate, emutyilika okutumina mo Selusalei, afetesa otyilongo elilimu onotalendu* 100 mbopalata notalendu ike yoolu.+ 34 Tyehe-otyo vala, Falaoo Neku alingi ohamba omona wa Sosiya Eliyakii pomphangu ya tate yae Sosiya, apilulula enyina liae emuluku okuti o Seoyakii, mahi akwata Seowakasi, emutwala ko Isitu+ ngako akankhila.+

4 Tyehe-otyo ohamba yo Isitu aipolo Eliyakii ulikwai na Seowakasi aimupake kouhamba mo Sundaa nomo Selusalei, apilulula enyina liae emuluku okuti o Seoyakii; mahi Neku+ akwata ou velikwai nae Seowakasi, emutwala ko Isitu.+

11 “Etyi otyo tyapopia Siovaa, wapopia Saluu*+ omona wa Sosiya, ohamba yo Sundaa, wapinga kotyipundi tya tate yae Sosiya,+ ou pahe weheli vali motyilongo muno, wati: ‘Oo kamakakondauka vali. 12 Makankhila koukonde kotyilongo atwalwa nako, kamekeya vali atale eheke eli.’+