Isekiyele

40 Etyi pahe twakala omanima 25 koupika,+ twati vala kwatee enima olio, monthiki 10 kohanyi, etyi palamba omanima 14 apa epunda-umbo liatoka-po,+ monthiki yatyo oyo, okuvoko kwa Siovaa akundyendela, anthyindi-po anthwala kepunda-umbo.+ 2 Movililenya vya Huku, namona wanthwala kotyilongo tya Isilayeli, amphake komphunda+ imwe yaya unene peulu, okutala kombwelo kuna otyipuka tyimwe tyilinga ngepunda-umbo.

3 Etyi anthwala oko, andyimono omulume umwe una otyivala ngo tyotyitasu.+ Una epanda liombalavandi peke,+ nolumbungu lwokweeleka,* utai kombundi. 4 Omulume oo amphopila ati: “Mona womulume, talela popepi atyiho nkhulekesa, tehelela umwe nawa, peleleka nawa,* mokonda otyo waetelwa pano. Popila eumbo lya Isilayeli atyiho weete.”+

5 Nkhati ñgaa otyimato tyeliseta nondywo ya Huku.* Omulume oo watyinda peke olumbungu lwokweeleka, luna onokovandu epandu, (onokovandu ambuho mbulamba katutu penkhanya).* Ahimbika okweeleka otyimato, momulita* watyo tyina olumbungu lwike, moule olumbungu lwike.

6 Omulume oo aende kombundi yokwapilukila koutundilo,+ ainduka pomatyeko. Aeleka pepunduka liombundi, opo pena olumbungu lwike mounthanda, pali vali ombundi onkhwavo, aeleka pepunduka liatyo, napo pena olumbungu lwike mounthanda. 7 Oundywo auho wovayungi, una-ana olumbungu lwike mounthanda, no moule, apa pokati koundywo watyo oo wovayungi, pena onokovandu ononthano.+ Apa pepunduka liombundi yokwapilukila mokati, yokuli pondywo yo kombundi, pena olumbungu lwike.

8 Aeleka ondywo yo kombundi, nayo ina olumbungu lwike. 9 Pahe aeleka ondywo yo kombundi, oyo ina onokovandu etyinana; aeleka onomphandyi mbatyo, mbuna onokovandu onombali; ondywo yo kombundi, yapilukila mokati kepata.

10 Ombundi yo koutundilo, mononthele muna oundywo utatu wovayungi. Auho utatu ulifwe, onomphandyi mbo mononthele, nambo mbulifwe.

11 Pahe aeleka ohika yo kombundi, oyo mounthanda ina onokovandu 10, moule ina onokovandu 13.

12 Ohika yokuli mokati kotyimato otyitutu tyo komutwe woundywo wovayungi uli mononthele mbombundi, ina okovandu ike. Oundywo wovayungi uli kononthele ambuho, una onokovandu epandu.

13 Konyima pahe aeleka ombundi, ahimbikila koluhoka lwokandywo kamwe komuyungi* akavitulila kolukwavo komuyungi, pena onokovandu 25 mounthanda; onombundi mboundywo oo, mbelipilukila.+ 14 Aeleka vali onomphandyi mbokuli mononthele, mbuna onokovandu 60, aeleka vali onomphandyi ambuho mbo konombundi mbepata. 15 Okutunda kombundi oende pondywo yo kombundi yokwapilukila mepata, pena onokovandu 50.

16 Mokati kombundi, koundywo wovayungi no konomphandyi mbo mononthele ambuho onombali muna oundyanena oulaale.+ Mokati konondywo mbo kombundi namo muna onondyanena mononthele ambuho onombali, konomphandyi mbatyo, kwayolwa omiti viomindende.+

17 Pahe anthwala kepata lyo kondye, andyimono onondywo mbokulila,+ pohi yatyo patungwa nawa okuliseta nepata aliho. Onondywo mbokulila mbuna 30. 18 Apa paoyela onombundi, napo opo paoyela epata lyo kondye — epata olio etutu vali.

19 Pahe aeleka ahimbikila kombundi onthutu akatoka kombundi yo mokati.* Opo pena onokovandu 100 okutala koutundilo, no kombanda.

20 Epata lyo kondye lina ombundi yapilukila kombanda, aeleka ombundi oyo, moule no mounthanda. 21 Mononthele muna oundywo utatu wovayungi. Onomphandyi mbo mononthele mbulifwe nondywo yo kombundi, ngo mbo kombundi yotete. Moule lina onokovandu 50, mounthanda lina onokovandu 25. 22 Nonondyanena mbatyo, nondywo yatyo yo kombundi, nomiti viatyo omindende vianthindwa-mo,+ aviho otyilifwe vala, o ngo vyo kombundi yo koutundilo. Paindukwa pena omatyeko epandu-vali, komutwe watyo kuna ondywo yo kombundi.

23 Mepata lyo mokati muna ombundi yapilukila mombundi yo kombanda, nonkhwavo yapilukila mombundi yo koutundilo. Aeleka pokati konombundi ombo, pena onokovandu 100.

24 Anthwala vali no kombwelo, nako andyimono-ko ombundi kombwelo.+ Aeleka onomphandyi mbatyo, nondywo yo kombundi, atyiho otyipuka tyike vala. 25 Mononthele mbatyo mombundi, no mondywo yatyo, kuna onondyanena mbulifwe no mbo ponombundi ononkhwavo. Moule ina onokovandu 50, mounthanda ina onokovandu 25. 26 Okukehika pombundi yatyo,+ paindukwa pena omatyeko epandu-vali, ondywo yatyo yo kombundi ili komutwe. Ina omiti viomindende viayolwa konomphandyi mbatyo, na nthele na nthele.

27 Mepata lyo mokati muna ombundi yapilukila mombundi yo kombwelo; aeleka pokati konombundi ombo, pena onokovandu 100. 28 Pahe anthwala mepata lyo mokati, atukwate pombundi yo kombwelo, aeleka ombundi oyo; ilifwe vala nonombundi ononkhwavo. 29 Oundywo watyo wovayungi, nonomphandyi mbatyo mononthele, nondywo yatyo yo kombundi, atyiho otyipuka tyike vala. Mononthele mbatyo mbombundi, no mbondywo yatyo, muna onondyanena. Moulaale onokovandu 50, mounthanda onokovandu 25.+ 30 Ili vala pokati konondywo mbo konombundi; moule mbuna onokovandu 25, mounthanda onokovandu 5. 31 Ondywo yo kombundi yapilukila kepata lyo kondye, konomphandyi+ mbatyo kwayolwa omiti omindende, okukehika pombundi yatyo paindukwa pena omatyeko etyinana.+

32 Etyi anthwala no mepata lyo mokati atukwate pombundi yo koutundilo, aeleka ombundi yatyo, ilifwe vala ponombundi ononkhwavo. 33 Oundywo watyo wovayungi, nonomphandyi mbatyo, nondywo yatyo yo kombundi, otyipuka tyike vala, mononthele mbombundi, no mbondywo yatyo, muna onondyanena. Moule onokovandu 50, mounthanda onokovandu 25. 34 Ondywo yatyo yapilukila mepata lyo kondye, monomphandyi mbatyo mwayolwa omiti omindende, okukehika pombundi yatyo paindukwa pena omatyeko etyinana.

35 Pahe anthwala vali kombundi yo kombanda,+ eyeeleka; nayo ilifwe vala nononkhwavo. 36 Oundywo watyo wovayungi, no nomphandyi mbatyo, nondywo yatyo yo kombundi, otyipuka tyike vala. Mononthele muna onondyanena. Moule ina onokovandu 50, mounthanda onokovandu 25. 37 Onomphandyi mbatyo mbapilukila kepata lyo kondye, kwayolwa omiti omindende, okukehika pombundi yatyo paindukwa pena omatyeko etyinana.

38 Ponthele ponomphandyi mbo nombundi pena ondywo yokulila ina ombundi; mondywo omo, omo mukohelwa ovilikutila viokuyokwa.+

39 Mononthele mbatyo mbondywo yo kombundi, muna onomesa onombali kwiipaelwa ovinyama viovilikutila viokuyokwa,+ novilikutila viononkhali,+ novilikutila viokwavelwa onombei.+ 40 Kombundi yatyo kondye, okuviuka kombundi yo kombanda, kuna onomesa onombali. No mokati mondywo yo kombundi muna onomesa onombali. 41 Mononthele mbatyo mbombundi muna onomesa ononkhwana, — pahe ambuho mbuna etyinana — oko kwiipaelwa ovinyama viovilikutila. 42 Onomesa ombo ononkhwana mbovilikutila viokuyokwa, o mbomamanya ahongwa. Moule mbuna okovandu ike nomeya, mounthanda okovandu ike nomeya, mokutai okovandu ike. Konomesa oko, oko kupakwa oviti viokwiipaa evi viaawa viokuyokwa, novilikutila. 43 Muna ouvai wokutulika ovipuka ulifwe peke mounthanda, wapapelwa motyimato, aulisete natyo; ei ohitu yovilikutila oko ipakwa konomesa oko.

44 Kombundi yo mokati, kondye yatyo kuna onondywo, omu mulila vokwiimba;+ mbuli mepata lyo mokati, ponthele pombundi yo kombanda, yapilukila kombwelo. Ondywo onkhwavo yokulila, ili ponthele pombundi yo koutundilo, yapilukila kombanda.

45 Amphopila ati: “Ondywo yokulila yokwapilukila kombwelo, o yovanakwa valulika ovilinga mondywo ya Huku.+ 46 Ondywo yokulila yokwapilukila kombanda, o yovanakwa valulika ovilinga viomutala wovilikutila.+ Ovanakwa ovo, o vokwatuka mu Levii ovana va Sandoke,+ vokwakoywa vafwene pu Siovaa na vemuundapele.”+

47 Pahe, aeleka epata lyo mokati. Moule lina onokovandu 100, mounthanda onokovandu 100, no moule no mounthanda otyipuka tyike vala. Omutala wovilikutila uli komutwe wondywo ya Huku.

48 Anthwala vali pondywo yo kombundi yondywo ya Huku,+ aeleka onomphandyi mbatyo, ya nthele imwe ina onokovandu ononthano, onkhwavo nayo ina onokovandu ononthano. Epunduka liombundi yatyo, lina onokovandu ononthatu mounthanda, na nthele na nthele.

49 Ondywo oyo yo kombundi ina onokovandu 20 moule, mounthanda onokovandu 11.* Paindukwa pena omatyeko. Ponthele ponomphandyi ononene mbatyo, pena vali onomphandyi ononkhwavo, na nthele na nthele.+