Omukanda wa Vali Ehipululo
3 Pahe Salomau ahimbika okutunga ondywo ya Siovaa+ mo Selusalei komphunda Moliaa,+ kuna Siovaa amonekelele Ndaviti+ tate yae, pomphangu Ndaviti aviukisile, potyipale tya Olinaa+ omu Sembusi. 2 Wahimbika okutunga monthiki ya vali yohanyi ya vali, menima lya kwana liouhamba wae. 3 Ehina liondywo ya Huku yotyotyili Salomau atungile, lina ono kovandu 60 moule, nonokovandu 20 mounthanda+ ngeetyi tyeelekwa kohale.* 4 Ondywo yokunyingilila yo komutwe wondywo, mounthanda ilifwe nondywo yatyo: ina onokovandu 20.* Okwaya no peulu onokovandu 20.* Mokati ahoto-mo noolu yakangulwa.+ 5 Otyimato atyiho tyondywo onene yatyo, mokati etyipake omavai omungalaviya kombanda yatyo akolonga-ko noolu yakangulwa.+ Pahe anthinda-nthinda-mo nawa omindende+ noulienge,+ atyihiwa. 6 Ondywo yatyo aiho eimate omamanya omawa.+ Oolu+ yatyo ankho itunda ko Paluvaii. 7 Ondywo aiho noluhoka lwatyo, nomapunduka, novimato, nomapito, evikolonga noolu.+ Motyimato anthindi-mo ono kelumbii.+
8 Pahe atungu Omphangu* Ikola Unene.+ Moule ilifwe nounthanda wondywo yatyo, ina ono kovandu 20 moule, 20 mounthanda. Eikolonga noolu yakangulwa ina onotalendu* 600.+ 9 Oolu yokulinga onopeleko ankho ilema onosikulu 50.* Onondywo mbo keulu, tupu embuhoto noolu yakangulwa.
10 Alingi ono kelumbii onombali mbo Momphangu* Ikola Unene embukolonga noolu.+ 11 Omavava aeho ono kelumbii,+ moule ena onokovandu 20. Omavava aeho o kelumbii yo tete, tyati eli lina ono kovandu ononthano eli lina ono kovandu ononthano, limwe liayama motyimato, ekwavo liayama kevava lyo kelumbii onkhwavo. 12 Tupu omavava aeho o kelumbii onkhwavo, tyati eli lina ono kovandu ononthano eli lina ono kovandu ononthano, limwe liayama motyimato, ekwavo liayama kepapatelo lyo kelumbii yo tete. 13 Omavava ono kelumbii mokwatandavela aeho ena ono kovandu 20. Ankho mbutai, ovipala viambo viapilukila mokati.*
14 Tupu alingi otyinyanga tyo pombundi,+ tyomulinya omungole nomainya otyivala tyonkhula, nomulinya wakuhuka notyinyanga tyimwe otyiwa, ahoneka-ko ono kelumbii.+
15 Komutwe wondywo apake-ko onomphandyi onombali+ mbuna ono kovandu 35 okwenda no peulu, omitwe vionomphandyi ombo ankho tyati ou una ono kovandu ononthano ou una ono kovandu ononthano.+ 16 Alingi omalienge ekahi ngoulienge wo pomunyino, eepake komutwe wonomphandyi. Alingi vali omalomaa* 100, eepake komalienge. 17 Apake onomphandyi onombali komutwe wondywo ya Huku, imwe aihulu kokulio* onkhwavo o kokumbili.* Yo kokulio eiluku okuti o Sakii* yo kokumbili eiluku okuti o Mbowasi.*