Susuwee
23 Palambele ononthiki ononyingi apa Siovaa apululukiswa-po ova Isilayeli+ konondyale mbavo ambuho. Susuwee pahe ankho wakulupa, ankho pahe wakala-ko umwe omanima omanyingi.+ 2 Susuwee aihana ova Isilayeli aveho,+ novakulu vatyo, nonohongoi mbatyo, novakoyesi vatyo, novatumini vatyo,+ evepopila okuti: “Ame pahe nakulupa. Pahe nakala-ko umwe omanima omanyingi. 3 Onwe mwamona nomaiho enyi mwene atyiho Siovaa Huku yenyi alinga ovanthu vovilongo evi aviho pokumwaamena, tyeetyi, Siovaa Huku yenyi oe ankho ukahi nokumulwila-ko.+ 4 Tala, ame pokumutetaila ohika+ natalesa. Nemutetaila ohika yovanthu vovilongo, omu mwelikalaila omihoko nomihoko,+ okupolelela ko Solondau atee Kelunga Enene,* okuviuka koutakelo, nohika yovanthu vovilongo ame nahanya-ko+ no yaava vahupa-po. 5 Siovaa Huku yenyi wevetaata otyo onwe mwene mutala.+ Wevetaata* tupu onwe aamena, onwe mwapinga motyilongo tyavo, ngeetyi Siovaa Huku yenyi apopile.+
6 “Pahe, kolei omutima, tavelei atyiho tyahonekwa momukanda Wovitumino+ vya Mwisesi, amwendela-mo. Mwahayapukei-mo, mwahayembei nii kokulio, nii kokumbili,+ 7 mwahahonyei novanthu vovilongo+ evi vahupa-po. Mwahatumbulei omanyina ono huku mbavo,+ nii mwahaanei menyina liono huku ombo, mwehembufendei, nii mwehelipetamenei kumbo.+ 8 Muna okukakatela mu Siovaa Huku yenyi,+ ngeetyi muliale nokulinga atee hono. 9 Mokonda Siovaa mataata ovanthu vovilongo ovinene,+ ovilongo viokwapama, mevetaatela umwe momaiho enyi. Nkhele na hono, petupu omunthu nawike wemulwisa amutili-ko.+ 10 Wike vala pwoonwe, makalwisa ovanthu 1000 avatili-ko,+ mokonda Siovaa Huku yenyi, oe ukahi nokumulwila-ko+ ngeetyi emupopilile.+ 11 Twaleiko tyavindya,*+ humbei Siovaa Huku yenyi.+
12 “Mahi, ine mupambuka mu etyi napopia, amukelikwata-po novanthu vovilongo vahupa-po+ muna-vo, hamwe amulinepaila navo+ amuveovola vakale omapanga enyi, navo avahimbika okumwovaula, 13 opo noñgonokei okuti Siovaa Huku yenyi, kamataata* vali ovanthu vovilongo evi.+ Mavakala eliva lienyi, avakala osikoti komiongo vienyi,+ avakala omakete momaiho enyi, atee motyilongo etyi mupwa-mo, otyilongo etyi otyiwa Siovaa Huku yenyi emwavela.
14 “Vakwe mutyii! Ngeetyi mweete, ame oo ndyenda, ndyihungi kondyila yovanthu aveho, onwe momitima vienyi mutyii umwe nawa, onwe mutyii umwe nawa* okuti, ovipuka aviho oviwa Siovaa Huku yenyi apopile, utupu natyike ahalingile. Aviho wevilinga umwe, mwene mwelimonena-ko. Petupu natyike tyatundile momulungu wae tyahalingilwe.+ 15 Mahi, ngeetyi Siovaa Huku yenyi alinga ovipuka aviho oviwa emupopilile,+ otyo ñgoo tupu Siovaa memweetela ovihuna* apopile, motyilongo etyi otyiwa Siovaa Huku yenyi emwavela emuhanye-mo.+ 16 Ine mupambuka momphango ya Siovaa Huku yenyi, amuyaanye ngwe wati muna okwitavela, tupu ankho mwenda amukafenda ono huku ononkhwavo, amukelipetamena kumbo, opo Siovaa manumana,+ motyilongo etyi otyiwa emupa mamunyimwa-mo, mamuti vala hikee-mo kuna munyimwa-mo.”+