Wahonekelwa Ova Hembeleu
7 Melekisendeke yatyo oo, ohamba yo Salei, omunakwa wa Huku Omunene, vahonyenene na Ambalayau, Ambalayau pokwakaipaele onohamba, ngwe emupeleyila oviwa,+ 2 ou Ambalayau, kovipuka aviho, emupolela-ko tya 10.* Mwene enyina liae okulipitiya utiwa: “Ohamba Yeetyi Tyiviuka,” ngwe tupu ohamba yo Salei, otyo okuti: “Ohamba Yombembwa.” 3 Una ankho wati vala ehena he, ehena ina, ehena okuti watuka momuhoko wa ngandi, utupu okuti wahimbika pononthiki mbo ngandi, ehena okuti wakahulila po ngandi, mahi walingwa umwe Ngomona wa Huku, kounakwa katunda-tunda-ko vali.*+
4 Talei vala otyipuka omulume oo ankho omunene unene, omulume ou Ambalayau ohongoi yombunga* apolelele tyike kekwii, kovipuka oviwa apundile.+ 5 Otyili, ngeetyi tyipopia Ovitumino, povana va Levii+ ava vapewa otyilinga tyounakwa, vena otyitumino tyokukongolola motyilongo, ku ava velilandula navo,+ aviho vapola kekwii, ngwe navo vatuka mu* Ambalayau. 6 Mahi omulume oo, una wahatukile-ale peke navo, watambulile evi Ambalayau apolaile kekwii, apeleyila oviwa ou watolelelwe evi viapangwa.+ 7 Katyaanywa-le tyokuti omututu wapeleyilwa oviwa nomunene. 8 Ava vo tete ankho vatambula evi viapolwa kekwii, ovalume vankhia, mahi pahe, oyou uli nokupopiwa watiwa una omwenyo.+ 9 Ngwe tyitavela umwe okutyipopia okuti na Levii umwe, wokutambula evi viapolwa kekwii, nae wayekele evi vitunda kekwii wafetelele mu Ambalayau, 10 mokonda ankho nkhele uli momalimba a inakulu,* pweetyi inakulu vahonyenena na Melekisendeke.+
11 Ine naina tyitavela-le omunthu okusukulwa umwe konkhali nounakwa wo vokwatuka mu Levii+ (otyo ankho o tyimwe povipuka viapopiwa Movitumino viapelwe ovanthu) opo oityi ñgeno kwiila vali omunakwa omukwavo watiwa, omunakwa lwa Melekisendeke+ ha lwa Alau? 12 Ngwe tyina ounakwa upiluluka, opo Novitumino vina okupiluluka.+ 13 Omulume oo wapopiwa ovipuka ovio, watunda momuhoko omukwavo, omuhoko wehena nawike wali notyilinga pomutala wovilikutila.+ 14 Mwene tyamoneka umwe nawa okuti Tatekulu yetu watuka mu Sundaa,+ mahi Mwisesi kapopile natyike tyiti momuhoko oo mamutundu ovanakwa.
15 Otyo tyamoneka umwe vali nawa etyi kwatumbuka omunakwa omukwavo,+ omunakwa nga Melekisendeke,+ 16 ngwe walinga omunakwa, ha tyokwalandula etyi tyipopia ovitumino tyokutei komuhoko kohitu, mahi o tyononkhono ononene mbomwenyo wahanyimwa-ko.+ 17 Ngwe wapopiwa watiwa: “Ove molinga-linga umwe vala omunakwa, molingi lwa Melekisendeke.”+
18 Naina, otyitumino otyikulu tyanyimwa-ko, mokonda tyayengenga, katyetyivilile.+ 19 Ngwe Ovitumino vitupu-ale etyi viviukisa atyiviuku umwe,+ mahi pahe etyi tyokwaetwapo tyokukevela+ etyi tyikahi vali nawa otyo tyiviukisa umwe, etyi tyetwiikulila ondyila tufwene ku Huku.+ 20 Tupu, mokonda otyo yatyo katyalingilwe vala ngootyo apahaanwa 21 (ngwe tupu kuna umwe ovalume vamwe vali ovanakwa apahaanwa, mahi ou pokwapopilwe etyilinge paanwa umwe, waana Oyou wokwati: “Siovaa* waana, kamelikondoka,* wati: ‘Ove kounakwa kumatundu-ko’”),+ 22 Sesusi walinga opinyolo yomphango* ikahi vali nawa.+ 23 Tupu, ankho kusukisa ovanakwa ovanyingi velipinga-pinga-ko+ kombanda yononkhia mbuvetyika-tyika avahakala-ko ehimbwe, 24 mahi mokonda ngwe ukala-ko vala apeho,+ ounakwa wae utupu onomphinga. 25 Ngwe tupu utyivila umwe okuyovolela mwe mwene ava vafwena ku Huku, mokonda ngwe kankhi una vala omwenyo apeho eveitile-ko.+
26 Ngwe onthwe tuhiwa umwe omunene-nakwa ngo oo ukakatela mu Huku, wahavelwa onombei, wehena apa pasila,+ weheliya-le novakwankhali, wakulama alambe-po omaulu.+ 27 Ngwe welikalela novanene-nakwa, ngwe kesukisa-le okwaava ovilikutila ononthiki ambuho,+ tete otyilikutila tyononkhali mbae pahe alandulisa-ko otyilikutila tyononkhali mbovanthu aveho,+ mokonda ngwe weliaava umwe etyilingi vala like, ahapalaika-po vali.+ 28 Ovitumino, ovio vikoya ovanene-nakwa, ovalume vayengenga,+ mahi ondaka yokwapopiwa umwe apaanwa,+ oyo yakoya omona, ou waviukiswa umwe nawa, ngwe otyo makala-kala vala otyo.+