Omukanda Wa Vali wa Samuwele
23 Ombu onondaka mbahulila-ko mba Ndaviti:+
“Onondaka mba Ndaviti omona wa Sesee,+
Onondaka mbomulume wokwakulamekwa,+
Omulembulwa+ wa Huku ya Sakoo,
Omwimbi uhambukiswa woviimbo+ vyo Isilayeli.
3 Huku yo Isilayeli wapopia;
Onkhanda yo Isilayeli+ wamphopila okuti:
‘Tyina una utumina ovanthu omuviuki+
Utumina nowoma na Huku,+
4 Outumini wae o ngomutenya wokomuhuka tyina ekumbi litunda,+
Komuhuka kuhena omakaka.
Ngomutenya utokota tyina ombila yatya-ko,
Omutenya umenesa keheke eholi.’+
5 Ondywo yange hatyo-ko ikahi komaiho a Huku?
Ngwe walinga naame omphango ya apeho,+
Omphango yokwapopiwa nawa, yapama.
Mokonda ihangununa eyovo liange nehambu liange aliho,
Hatyo-ko meikulisila?+
6 Mahi ovalume aveho vokwahasilivila vayumbwahi+ ngomipangi,
Vihetavela okuviteya-po nomavoko.
7 Omulume uyama kuvio
Wesukisa okulipaka otyivela nokuvikwata nomupii weonga,
Vina okupisilwa apa vikahi.”
8 Aa omanyina ovakwavita vokwapama va Ndaviti:+ O Sosembe-Mbasembete omu Takimoni, onkhalamutwe ya vetatu. + Onthiki imwe aipaa ovalume 800 neonga liae. 9 Konyima yae akuya Eliyasale+ omona wa Ndondo,+ Ndondo omona wa Aowii. O umwe povakwa-vita vetatu vokwapama vena Ndaviti etyi vatesa onkhango ova Filisitiya. Ova Filisitiya veliongiyile opo vende kovilwa, etyi ovalume vo Isilayeli velihaha konyima, 10 Eliyasale ehelihahe konyima, aipaa ova Filisitiya atee okuvoko kwae kwepwila, peke liae apatene mokonda yokukwata omutunga.+ Monthiki oyo Siovaa eveyovola;* omafwalali aeya*+ etyi Eliyasale aipaa ova Filisitiya opo apunde ovipuka viovivimbi.
11 Konyima yae akuya Samaa omona wa Angee, omu Halalita. Etyi ova Filisitiya veliongiya ko Lei, oku kuna epia liovingomene, ovanthu avakahateka* mokonda yova Filisitiya. 12 Mahi ngwe atalama pokati-nakati kepia, aipaa ova Filisitiya, ayakulila epia. Ngootyo, Siovaa eveetela eyovo limwe enene.*+
13 Vetatu pononkhalamutwe 30 avavasi Ndaviti meleva lyo Andulau+ pomuvo wokuteya, omaswalali ova Filisitiya aonga onthanda Melola lyo* ko Lefaii.+ 14 Ndaviti wali meleva liae,+ omaswalali ova Filisitiya ali ko Mbelei. 15 Ndaviti elipopila okuti: “Ñgeno ndyiti lale-lale nanwa omaande omonyombo ili popepi nombundi yo Mbelei!” 16 Etyi omaswalali ae etatu okwapama etyiiva, avanyingila monthanda yova Filisitiya, aatape omaande monyombo yokuli ponthele yombundi yo Mbelei, avaetela Ndaviti. Mahi ngwe ehetavela okweenwa, eenengulila Siovaa.+ 17 Ati: “Ame hipondola okulinga otyipuka otyo kwoove Siovaa! Oñgeni ndyipondola okunwa ohonde+ yovalume vayumbahi omwenyo wavo?”* Ngootyo, ehetavela okwenwa. Ovio ovipuka vialingile ovakwa-vita vae vetatu vokwapama.
18 Ambisai+ velikwai na Sowambe omona wa Seluya+ wali onkhalamutwe yovalume vamwe vetatu. Waipaele ovalume 300 neonga liae. Nae akala nomunkhima ngo ovo vetatu.+ 19 Namphila ankhimanene vali puvo vetatu votyikundyi tyae, wali onkhalamutwe yavo, Mahi kankhimanene avasi pu vetatu votete.
20 Mbenaya+ omona wa Seoyanda wali omulume wakola omutima,* walingile ovipuka ovinene ko Kambeseeli.+ Waipaele ovana vevali va Aliyeli, wo ko Moambe alauka no konyombo monthiki ongandyi yalia, aipaa onkhulika.*+ 21 Tupu waipaele omulume umwe omunene omulaale wo ko Isitu. Namphila akwata eonga liae peke, Mbenaya emulwisa nomphangoti, emupolo eonga ena-lio, emwipaa nalio. 22 Ovio, ovipuka vialingile Mbenaya omona wa Seoyanda. Wankhimanene unene ngovakwa-vita ovo vetatu vokwapama. 23 Namphila ankhimanene vali kovalume 30, mahi kankhimanene ngovalume ovo vetatu. Mahi Ndaviti wemuholovonene opo akale umwe povayungi vae.
24 Asaeli+ velilandula na Sowambe wali umwe po 30: o Elanaa omona wa Ndondo wo ko Mbelei;+ 25 na Samaa omu Halonde; na Elika omu Halonde; 26 na Helesi+ omu Pelete; na Ila+ omona wa Ikesi omu Tekowa; 27 na Ambiyeseli+ omu Anatote;+ na Membunai omu Husaa; 28 na Salumoo omu Aowii; na Maalai+ omu Netofa; 29 na Helembe omona wa Mbaanaa omu Netofa; na Itai omona wa Limbai wo ko Simbeaa yova Mbesamii; 30 na Mbenaya+ omu Pilatoo; na Hindai wo komilola vyo ko Ngaasi;+ 31 na Ambi-Alimbomi omu Alambaa; na Asimavete omu Mbaulii; 32 na Eliyamba omu Saalumbii; novana va Sasee; na Sonataa; 33 na Samaa omu Halalita; na Aiyau omona wa Salale omu Halalita; 34 na Elifelete omona wa Asimbai, Asimbai omona womu Maakate; na Eliyau omona wa Aitofeli+ omu Ngilo; 35 na Hesilo omu Kalumelu; na Paalai omu Alambia; 36 na Ingali omona wa Nataa wo ko Sombaa; na Mbani omu Ngande; 37 na Seleke omu Amoo; na Naalai omu Mbeelote, wokutyinda ondyakulilo ya Sowambe omona wa Seluya; 38 na Ila omu Itilita; na Ngalembe omu Itilita;+ 39 na Uliya+ omu Hete. Aveho ankho vena 37.