Oviimbo
Otyiimbo tya Ndaviti.
29 Pei Siovaa etyi tyata mwe onwe vana vo vokwapama,
Pei Siovaa etyi tyata mwe, tyata momunkhima wae no mononkhono mbae.+
2 Pei Siovaa omunkhima wata menyina liae.
Lipetamenei ku* Siovaa nomivalo vikola.*
3 Ondaka ya Siovaa iivalela kombanda yomaande.
Huku wokwankhimana utitima.+
Siovaa uli kombanda yomeva omanyingi-nyingi.+
4 Ondaka ya Siovaa ina ononkhono ononene.+
Ondaka ya Siovaa onene unene.
5 Ondaka ya Siovaa ikahi nokuteya omisendulu.
Siovaa uteya-teya omisendulu vyo mo Limbanu.+
7 Ondaka ya Siovaa itunda omutemo wotupia.+
8 Ondaka ya Siovaa iteketesa oluhandya.+
Siovaa uteketesa oluhandya lwo Kande.+
9 Ondaka ya Siovaa itumphulula ombambi, aityiti.+
Oviteta ivisa poluhandya.
Aveho veli mondywo yae avati: “Ahivilikwe!”
10 Siovaa upumphi kotyipundi tyoutumini kombanda yomeva omanyingi-nyingi.*+
Siovaa Ohamba ya apeho, upumphi kotyipundi tyoutumini.+
11 Siovaa makaavela ovanthu vae ononkhono.+
Siovaa makayamba ovanthu vae nombembwa.+