Omukanda wo Tete Ehipululo
16 Avatwala Otyikasa tya Huku yotyotyili mekaka Ndaviti etyitungila.+ Avalingila Huku yotyotyili ovilikutila viokuyokwa novilikutila viombembwa.+ 2 Etyi Ndaviti amana okulinga oviawa viokuyokwa+ novilikutila viombembwa,+ ayambe ovanthu menyina lya Siovaa. 3 Aavela ova Isilayeli aveho ovalume novakai ombolo ombolongwa nomungome wovinyango, nomungome wonouva mbakukuta. 4 Konyima, aavela ovana vamwe va Levii otyilinga tyokuundapa Potyikasa tya Siovaa,+ opo vahilivike* nokupandula, nokunkhimaneka Siovaa Huku yo Isilayeli. 5 Asafe+ wali onkhalamutwe. Kwe akulandula Sakaliya. Seyele na Semilamote na Seyeli na Matitiya na Eliyambe na Mbenaya na Ombende-Endoo na Seyele+ ankho vahika ovihumba novisandyi.+ Asafe ankho uhika omalata.+ 6 Omunakwa Mbenaya na Saasiyele ankho vahika apeho ononkhwino ponthele Yotyikasa Tyomphango tya Huku yotyotyili.
7 Omonthiki oyo, Ndaviti aavela Asafe+ navana elikwai navo, otyiimbo tyo tete tyokupandula Siovaa, tyokwati:
10 Limphandelei menyina liae likola.+
Vihambukwe omitima vya ava vataindya Siovaa.+
11 Taindyei Siovaa,+ ovolei ononkhono mbae.
Taindyei apeho otyipala tyae.*+
12 Hinangelei evi alinga-linga vihuvisa,+
Hinangelei omahuviso ae nonomphela mbae,
13 Onwe vokwatuka* mu Isilayeli omuundapi wa Huku,+
Vana va Sakoo onwe vokwakoywa.+
14 Oe Siovaa Huku yetu.+
Onomphela mbae mbaoya ohi aiho.+
15 Apeho hinangelei omphango yae alingile,
Hinangelei etyi apangela ava vekeya,*+
16 Kalimbwa omphango alingile na Ambalayau,+
Kalimbwa etyi apopilile Isake, aane,+
17 Etyi apopilile vali Sakoo+
Omphango itwala-twala-ko alingile na Isilayeli,
18 Ati: ‘Mandyikekwavela otyilongo tyo Kanaa+
Atyikakala tyove.’+
19 Otyo tyalingilwe pweetyi ankho mwehehi,
Ankho kamuhi, motyilongo ankho mweya-mo vala ha tyenyi-ko.+
20 Vati avakakala motyilongo etyi avakakala motyilongo etyi,
Oku avakavasa-ko ohamba ei oku avakavasa-ko ohamba ei.+
21 Kayekele omulume nawike evelinge onya,+
Mahi pokuveamena wamasulile onohamba,+
22 Eveti: “Ovalembulwa vange mweheveyamei,
Mwahalingei natyike otyivi ovauli vange.’+
23 Ohi aiho iimbile Siovaa!
Ononthiki ambuho ivisei eyovo litunda kwe!+
24 Popilei ovanthu vovilongo omunkhima wae,
Popilei ovanthu aveho ovilinga viae vihuvisa.
25 Mokonda Siovaa omunene, wata mokunkhimanekwa.
Utilisa vali unene owoma kono huku ambuho.+
28 Pei Siovaa etyi tyata mwe, onwe nombunga mbovanthu,
Pei Siovaa etyi tyata mwe, tyata momunkhima wae no mononkhono mbae.+
Lipetamenei ku* Siovaa nomivalo vikola.*+
30 Teketei tyina muli kotyipala tyae amuho kombanda yeheke!
Ohi* apa ili opo vala nawike wiihondovola-po.*+
32 Elunga lititime, novipuka aviho vieyula-mo vititime,
Mbuhambukwe onohika novipuka aviho vili-mo.
33 Omiti aviho vili motyiteta vilandula-mo nondolo kotyipala tya Siovaa,
Oyoo uya* aongele omphela eheke.
35 Popiei okuti: ‘Tuyovole-vo Huku yeyovo lietu,+
Tukongolole-vo pokati kovanthu vovilongo, otuyovola-ko,
Opo tupandule enyina liove likola,+
Ovanthu aveho avati: “Amem!”* Avahivilika Siovaa.
37 Ndaviti atundu Potyikasa tya Siovaa Tyomphango, asi-po Asafe+ na vana elikwai navo, opo vaundape apeho Potyikasa,+ okufwisapo evi vena okulinga nthiki na nthiki.+ 38 Ombende-Endoo na vana elikwai navo ankho vakatuuka 68, na Ombende-Endoo omona wa Sendutuu na Hosa, ankho ovayungi vonombundi. 39 Omunakwa Sandoke+ novanakwa ovakwavo, ankho veli pekaka lya Siovaa, pomphangu yokwaya peulu ko Simbeau,+ 40 opo valingile apeho Siovaa ovilikutila viokuyokwa komutala wovilikutila viokuyokwa, komuhuka no kongulohi. Tupu opo valinge etyi tyahonekwa Movitumino Siovaa aavelele ova Isilayeli.+ 41 Ankho vena Hemaa na Sendutuu+ novalume ovakwavo vatumbulwa komanyina, avapewa otyilinga tyokupandula Siovaa+ mokonda “olwembia lwae olunene lutwalako apeho.”+ 42 Hemaa+ na Sendutuu ankho vekahi kumwe navo opo vahike ononkhwino, nomalata, novipuka ovikwavo vahilivika navio* Huku yotyotyili. Ovana va Sendutuu+ ankho vakala pombundi. 43 Ovanthu aveho avaende komaumbo avo, Ndaviti aende akakanena nawa veumbo liae.