Ovakoyesi
10 Konyima ya Ambimeleke, omulume umwe womuhoko wa Isakale utiwa o Tola omona wa Puwaa, Puwaa omona wa Ndondo, elipake-po opo ayovole ova Isilayeli.+ Ankho ukala ko Samili, kotyilongo tyonomphunda mbo Efalaii. 2 Akala omukoyesi wova Isilayeli omanima 23. Konyima etyi anyima, akapakwa ko Samili.
3 Saili omu Sileyande elipake-po, akala omukoyesi wova Isilayeli omanima 22. 4 Wali novana 30 vaendela kovimbulu 30, vena omapunda-umbo 30, ana na hono atiwa o Havote-Saile;+ akala kotyilongo tyo Sileyande. 5 Saili etyi anyima, akapakwa ko Kamoo.
6 Ova Isilayeli avawane vali okulinga etyi tyapenga komaiho a Siovaa,+ avahimbika okufenda ovika-huku ovi Mbaale,+ novilolo vya Asitolete, novika-huku vyo ko Halaa,* novika-huku vyo ko Sindone, novika-huku vyo ko Moambe,+ novika-huku viova Amoo,+ novika-huku viova Filisitiya.+ Avayeke-po Siovaa, avehemuumbila vali. 7 Onyengo ya Siovaa ainkhinduka mokonda yova Isilayeli, evepakula* pomavoko ova Filisitiya no pomavoko ova Amoo.+ 8 Avalingi onya ova Isilayeli menima olio, avevemonesa unene ononkhumbi. Vakalele omanima 18 nokumonesa emone ova Isilayeli aveho vakala popepi no Solondau, tyali otyilongo tyova Amoleu ko Sileyande. 9 Ova Amoo navo avayauka o Solondau, avakalwisa vomuhoko wa Sundaa, no wa Mbesamii, no veumbo lya Efalaii, avaeta ononkhumbi ononene mo Isilayeli. 10 Ova Isilayeli pahe aveliyave ku Siovaa, avaiti evekwateseko,+ avati: “Twalinga onkhali kwoove, twayeka-po ove Huku yetu, atukafenda ovika-huku ovi Mbaale.”+
11 Siovaa apopila ova Isilayeli okuti: “Hame nemuyovolele ko Isitu,+ no kova Amoleu,+ no kova Amoo, no kova Filisitiya,+ 12 no kova Sindone, no ku Amaleke, no kova Mindiyaa etyi vemumonesa ononkhumbi? Etyi mweliyava kwaame, andyimuyovola pomavoko avo. 13 Mahi onwe mwandyeka-po, amukafenda ovika-huku.+ Otyo nehememuyovolela vali.+ 14 Endei kovika-huku onwe mwaholovona, keliyavei kuvio vimukwateseko.+ Vimuyovole mononthiki mbononkhumbi mbenyi.”+ 15 Mahi ova Isilayeli avapopila Siovaa okuti: “Twalinga onkhali. Tulinge etyi tyaviuka komaiho ove. Mahi tuyovole-vo vala hono mbambavo.” 16 Avahanye-po ovika-huku viononthunda-vilongo vikahi pokati kavo, avafende Siovaa,+ mokonda ankho kahandele vali okutala ononkhumbi* ova Isilayeli vekahi nokumona.+
17 Ova Amoo+ avelikongo, avaongo onthanda ko Sileyande. Ova Isilayeli navo aveliongiya, avaongo onthanda ko Misipaa. 18 Ovanthu aveho novatumini vo ko Sileyande avelipopila na vakwavo okuti: “Olie metuhongolela tyina tulwisa ova Amoo?+ Omunthu oo, akale onkhalamutwe yovanthu aveho vakala mo Sileyande.”