Isekiyele
4 “Ove mona womulume, pola etisolu, olipake komutwe wove. Onthindi-ko epunda-umbo — o Selusalei. 2 Tunga olumbo lwotyimato+ alulisete nepunda-umbo,+ litungila ondondelo yokulwila.+ Tupu lioongela ononthanda, olilingila omapundi okuhanya ovimato.+ 3 Kwata osekeseke yotyivela oityikisa pokati, nthele imwe ove, nthele imwe epunda-umbo ailingi ngotyimato tyotyivela. Pahe opilukihila-mo otyipala tyove, ngwe malihondywa; ove una okulihondya. Otyo, otyo matyilekesa etyi matyilingwa eumbo lya Isilayeli.+
4 “Pahe langalela kokumbili kwove, opake* kwoove+ onombei mbeumbo lya Isilayeli. Ove mokatyinda onombei mbavo ononthiki ambuho molangalela kokumbili kwove. 5 Molingi ngootyo mononthiki 390 mbufwa momanima onombei mbavo,+ ove mokatyinda onombei mbeumbo lya Isilayeli. 6 Ove una okumbuvitula.
“Pahe olangala-po vali lya vali, olangalela kokulio kwove, ove motyindi onombei mbeumbo lya Sundaa+ mononthiki 40. Onthiki enima, onthiki enima, otyo, otyo nekupa. 7 Ove mokaleuka kotyimato tyeliseta no Selusalei+ nokuvoko kwove kwahikululwa, mokaula omphela yayo.
8 “Tala! Mandyikukutu nomapanda opo wahapiluluke otundu nthele imwe otale onthele onkhwavo atee uvitula ononthiki mbove mbokuhondya.
9 “Ove una okupola otiliku, nosevata, novipoke, nomaha, nosandeyu, opake mombiya, olingi ombolo yove. Mokalia+ ombolo oyo mononthiki 390 molangalela kokumbili kwove. 10 Mokeipeyala, oli okulia kwonosikulu 20 monthiki.* Mokalia-alia mononthiki wanakelwa.
11 Omaande mokanwa maaelekwa, mokanwa okatyekele keke.* Mokanwa-anwa mononthiki wanakelwa.
12 “Ove mokeilia ngoomu mulilwa ombolo ombolongwa yosevata; mokeiyoka otyo vekutala, mokanthiakana omatwii ovanthu wiiyoke.” 13 Siovaa ai mokupopia ati: “Ongootyo ova Isilayeli mavakalia ombolo yavo — yasila — movilongo oku mavai mandyiveyandyanesa nako.”+
14 Ame andyiti: “Tatekulu Ohamba Onene Siovaa, wahalinge ngootyo! Ame nkhele tya pouna na hono vala hinekale* tyasila tyokwalia ohitu yotyinyama tyelinkhila,+ hamwe otyetyi tyaipawa notyikwavo, momulungu wange+ kamunenyingile ohitu yasila.”*
15 Amphopila ati: “Ewaa, mandyikuyeke uyoke ombolo yove nomahopa onongombe, ohayoko vali nomatwii ovanthu.” 16 Amphopila vali ati: “Mona womulume, mandyitete kokulia* kwenyi mo Selusalei,+ ovanthu mavekehulilwa, mavakalia ombolo yapeyalwa,+ mavakahukahuka umwe avakanwa omeva aelekwa.+ 17 Otyo matyikaenda ngootyo tyitie tyina vehena ombolo, vehena omeva, vekelitale oluvi, ononkhali mbavo ambuvehokesa.