Sona
4 Otyo atyinumanesa unene Sona, ankhi ononyengo. 2 Elikwambela ku Siovaa ati: “Siovaa, etyi otyo umwe ame nasokele etyi ankho ndyili kotyilongo tyange. Otyo po tete nahandelele okwenda-nkholo no kotyilongo tyo Talisi+ ame ankho ndyityii okuti ove Huku weevela, una okankhenda, kunumana liwa, una olwembia olunene,+ ononkhumbi kambukuhambukiswa. 3 Pahe Siovaa mphole-vo omwenyo* mba, hahe vali ndyinkhie tyipona okukala nomwenyo.”+
4 Siovaa emupulu okuti: “Ñgaa tyaviuka umwe unumane unene?”
5 Sona atundu mepunda-umbo, akapumphama koutakelo wepunda-umbo. Elitungila omutala, apumphama mombwelo mokahi, opo atale etyi ankho matyilingwa epunda-umbo.+ 6 Siovaa Huku amenesa olunthanga* elukulisa opo alingile okahi Sona nokutepulula kolwihamo lwae. Sona ahambukwa unene nolunthanga olo.
7 Mahi monthiki yalandula-ko etyi ekumbi likahi nokutunda, Huku yotyotyili atumu etiva lilie olunthanga, olunthanga alukukuta-po. 8 Etyi omutenya wahimbika okutokota, Huku aeta-ko omphepo imwe yatokota yatunda koutakelo, onohanya mbekumbi ambuvete komutwe wa Sona, Sona ahande okusosoloka. Ankho ukahi nokwita opo ankhie* otyo ati: “Hahe vali ndyinkhie tyipona okukala nomwenyo.”+
9 Huku apulu Sona okuti: “Ñgaa tyaviuka umwe unumane unene mokonda yolunthanga olo?”+
Ngwe ati: “Ame ndyina umwe yokunumana, nanumana umwe unene tyokuhanda okunkhia.” 10 Mahi Siovaa emuti: “Ove waetehila-mo okankhenda olunthanga wahakunine tupu wahakulisile; lwekula vala motyinthiki tyike alukukuta motyinthiki tyike. 11 Naame ñgeno hilingi-vo okankhenda o Ninive epunda-umbo enene,+ muna ovanthu valamba po 120.000 vehei otyiwa notyivi,* kumwe novipako viavo?”+