Wahonekelwa Ova Hembeleu
10 Naina, mokonda Ovitumino otyihi vala+ tyovipuka oviwa maviya,+ mahi mwene-mwene havio-ko, katyitavela* okukwata ovilikutila evi viokukalela vala okwaawa nima na nima ngavio viviukisa ava vafwena-ko.+ 2 Ine otyo hatyo, okuti ñgeno ovanthu tyokulinga ovilikutila kavetyiyekele-po, tyina ava valinga ovilinga vikola vakohwa vala like ononkhali, no kononkhali avahasoko-ko vali? 3 Mahi, ovilikutila ovio o viokuhinangelesa omunthu ononkhali nima na nima,+ 4 mokonda ohonde yonongombe ononthwei no yovinkhombo ovitwei kaityivili okupola-ko ononkhali.
5 Otyo atila etyi eya mouye ati: “‘Ovilikutila neevi viaawa ove kwahandele, mahi wandyovolela olutu. 6 Ove kwevitavelele aviho, oviaawa viokuyokwa, noviaawa viononkhali.’+ 7 Ame pahe andyiti: ‘Tala! Ame neya (etyi tyahonekwa mombwingwa* tyipopia ame) ndyilinge etyi ove wahanda.’”+ 8 Tete watile: “Ove kwahandele ovilikutila nii kwevitavelele, aviho viokuyokwa viaawa, no viononkhali” — ovilikutila viokwaavelwa omu mutyipopila Ovitumino — 9 pahe ati: “Tala! Ame neya ndyilinge etyi ove wahanda.”+ Ngwe unyima-ko tyo tete opo apake-ko tya vali. 10 Mokonda otyo “tyahandwa,”+ onthwe twakohwa notyilikutila tyolutu lwa Sesusi Kilisitu alinga vala like, ahamapalaika vali.+
11 Ngwe tupu, omunakwa ononthiki ambuho ukala potyilinga tyae opo alinge ovilinga*+ vikola, ovilikutila apakula ovio vala na muhuka na muhuka,+ ovilikutila viahakoho-ale nawa-nawa ononkhali.+ 12 Mahi, ngwe waava vala like otyilikutila tyononkhali ahapalaika-po vali, pahe apumphama kokulio kwa Huku,+ 13 pahe ukevela vala onondyale mbae mbulingwe otyiliatelo tyonomphai mbae.+ 14 Mokonda waava vala like otyilikutila, ngatyo aviukisa umwe natyo ava veli nokukohwa, okuveviukisa+ umwe like vala ahapalaika-po vali. 15 Ngwe tupu, omphepo ikola yalinga ombangi twetyimona pokwati: 16 “‘Ei, oyo omphango mandyilingi navo konyima yononthiki ombo,’ otyo tyapopia Siovaa.* ‘Ame mandyikapaka ovitumino viange momitima viavo, andyikevihoneka momitwe viavo.’”+ 17 Aiti vali: “Ame nononkhali mbavo hikembweeta-le vali komutima, novipuka aviho valinga vipikiya otyitumino.”+ 18 Apa paevelwa ovipuka ovio, opo petupu vali etyi tyaawa kombanda yonkhali.
19 Naina vanthu vetu, mokonda tutupu-ale vali owoma* wokupolesapo ondyila yokunyingila momphangu ikola+ mokwapewa ombundi nohonde ya Sesusi, 20 ei etwiikulila* yalinga omphe, ina omwenyo, ei aikula pokwakwata potyinyanga,+ otyo, ohitu yae, 21 mokonda tuna omunakwa umwe omunene, nondywo ya Huku ili kolutei lwae,+ 22 tufwenei-ko tyo komutima umwe, tyayumba-ko umwe nawa onthumbi, nomutima wanyanywa wakohwa* komalusoko omavi,+ omalutu etu asukulwa umwe nomeva asukuka.+ 23 Tukakatelei umwe mondaka yekevelelo lietu twapopilile povanthu, tyehena-le tyinkhe,+ mokonda ou wetyilaa uyumbwa onthumbi. 24 Onthwe tusukei na* vakwetu opo tyituhohiye* molwembia no movilinga oviwa,+ 25 atwahayeke-po okuliongiya, ngeetyi vamwe vetyiliya,+ mahi tulipamekei na vakwetu,+ haunene umwe vali tyina mutala onthiki ili nokufwena-po.+
26 Mokonda ine tukalela vala okulingila onkhali tyawina ngwe twanoñgonoka-le umwe otyili,+ opo kutupu vali otyilikutila otyikwavo tyiyovola ononkhali,+ 27 mahi opo pahe tyikevelwa omphela imwe itilisa owoma, ngwe kuna onyengo imwe yatokota maiyoko ava vapondakana.+ 28 Omunthu wehesuku Novitumino vya Mwisesi, unkhia umwe ahalingwa onkhenda, pakala vala onombangi vevali okuti hatyo vetatu.+ 29 Wati pahe opo vakwe hatyinene umwe vali etyi tyihiwa momunthu uliatela Komona wa Huku, utomba ohonde yomphango+ ei akohwa nayo, upopia omapita, upenya omphepo ikola yokankhenda okanene?+ 30 Onthwe tumwii Ou wokwati: “Okunumana otyange, mwene ame ndyivefeta.” Atyitiwa vali: “Siovaa* makaongela omphela ovanthu vae.”+ 31 Tyitilisa owoma okutokela pomavoko a Huku una omwenyo.
32 Mahi, apeho hinangelei kononthiki mbo kohale, etyi pahe onwe mwaminikilwa,+ ononthiki onwe mwakoleleyile movilwa vimwe ovinene, otyo mumoneswa emone. 33 Mwehikaile umwe kokutwalwa povanthu* atyiti vala hainwe mupenywa hainwe mumoneswa emone, pamwe amuhulu kwaava veli nokulingwa ngootyo,* noonwe amumonena-po emone. 34 Onwe mwalingile otyali ava ankho veli mokaleya, amutavela umwe nehambu okupundwa vienyi,+ mokonda mutyii okuti muna otyipuka tyikahi vali nawa, tyahapu.+
35 Naina, mwahayekei-po tyokupopia tyehena otyinkhe,* mokonda otyo tyina ondyambi onene.+ 36 Onwe muna umwe okukoleleya,+ opo mulinge etyi Huku ahanda, haa amukatambula etyi tyapangwa. 37 Ngwe pahe “kwakamba vala katutu,”+ “ou uli nokuya, mehiki kamasete.”+ 38 “Mahi omunthu wange ondingaviwa matyikemupa omwenyo eyumba-nthumbi,”+ mahi “ine ukondoka konyima, ame* kamanthyambukiswa.”*+ 39 Ngwe onthwe katuvokukondoka vali no konyima no mehanyauno,+ onthwe onthwe vokuyumba-ko onthumbi tuhupise omienyo vietu.*