Wa Vali Wahonekelwa Ova Kolindu
7 Naina vanthu vange ndyihole, mokonda onthwe twapangelwa ovipuka ovio,+ tulisukulei onkhako aiho isilisa ohitu, isilisa onondunge,*+ atulingi umwe ovanthu vokwasukuka mowoma na Huku.
2 Momitima vienyi tuhilei-mo ondywo.+ Onthwe tutupu ou twapengesile, tutupu ou twanyona, tutupu ou twalila tyae.+ 3 Otyo napopia hakuti ndyimuvela onombei. Mokonda ame natile-ale, onwe momitima vietu kamutundu, tunkhia-nkhie, tukale-kale nomwenyo tuli vala kumwe. 4 Ame pokupopia noonwe himuholeka vali. Ame ndyilemwa umwe tyina ndyimusoka. Ndyipama umwe; no mononkhumbi umwe ambuho tumona ehambu liange lihamphiauka.+
5 Mahi etyi twehika ko Masendonia,+ omalutu etu kaafimine-po-ale,* ankho tuli umwe vala nokukondya utupu-ale apa ufimina, — tyiti vala kondye ovilwa, mokati owoma. 6 Mahi Huku upameka vomutima wayendyelela,+ wetupameka umwe etyi Titu eya; 7 hakweya kwae vala tyetupameka, tupu tyetupameka otyetyi ngwe apamekwa noonwe oko, wetweendesila-tyo umwe wati mwendyivaluka, mweihamenwa unene, mwalinga otyiho* naame; otyo pahe atyinthyambukiswa umwe vali unene.
8 Ame ine nemunumanesa nomukanda wange,+ hilivele. Ine potete nelivelele (okwetyimona okuti omukanda wemunumanesa, namphila mwanumanene vala ononthiki mbehehi), 9 pahe ndyihambukwa, hihambukilwa okwemunumasile, mahi otyetyi mwanumana tyokulivela. Mokonda onwe mwanumanesilwa mu Huku, opo onthwe twehemulingisile atumunyono. 10 Okunumanesilwa mu Huku tyityita okulivela, tyitwala omunthu keyovo, omunthu kekelivela;+ mahi okunumana lwouye, tyityita ononkhia. 11 Pahe talei, okwanumanesilwa mu Huku, tyemupa okulinga ovipuka nondyanga, mwapindukapo, mwatoya otyivi, tyemupa owoma, musuka umwe novipuka tyotyili, muta ombili ovipuka, mwaviukisa etyi tyapenga!+ Movipuka aviho onwe mwasukuka* umwe tyamoneka omu mwalingila otyipuka otyo. 12 Apa etyi nemuhonekelele ankho hetyilingilile vala ou wokwapengesa,+ tupu hetyilingilile ou wapengehiwa, mahi nalingila onwe, tyimoneke nawa ku Huku okuti musuka umwe neetyi tupopia. 13 Otyo, otyo tyetupameka.
Mahi hakwapamekwa vala, pahe twahambukwa umwe vali unene okwamona Titu wahambukwa, tyeetyi onwe amuho mwemupa ononkhono. 14 Ame pokwapopia onwe, ine nemupopila-tyo tyelimphanda, katyankhundisile; ngeetyi ovipuka aviho twemupopila vialinga umwe viotyili, naina nokwelimphandele kwetu pokupopila Titu, tyalinga otyili. 15 Ngwe umuhole, otyipuka emuhole tyivilapo tyina amahinangela okutavela kwenyi onwe amuho,+ na tyina asoka otyipuka mwemuyakulile nowoma, nokwateketa. 16 Ame ndyihambukwa mokonda movipuka aviho ame ndyimuyumba onthumbi.*