Selemiya
14 Ei ondaka ya Siovaa yaendelele Selemiya ipopia omitenya:+
2 O Sundaa yalula,+ omapito ayo ahanyauka-po.
Vaihamenwa, vatokela pohi,
Veivala okuliyava ko Selusalei.
3 Vokuna ovalingilili vatuma ovaundapi* vavo vakatape omeva.
Venda kononyombo* mahi kavavasi-ko omeva.
Vakondoka nononthenda mbehena natyike.
Vakunda, pahe vasoya,
Velihika komutwe.
5 Omphala iti vala tyitee, otyiketa aityisi-po,
Mokonda mohika mutupu eholi liatalala.
6 Ovimbulu viohika vitalama kovipunda viehena eholi,
Vifiyauka viahitakana lwovimbandye;
Omaiho avio kaatale nawa mokonda yokulia pehena.+
7 Namphila ovivi vietu ovio vitukwatesa,
Ove Siovaa, amena enyina liove.+
Ovilinga vietu viehevionthyole yotyili ovinyingi,+
Twalinga onkhali kwoove.
8 Mphamekelo yova Isilayeli, Muyovoli+ wavo wo pomuvo vehulilwa,
Omokonda yatyi ulingila lwonthunda-vilongo motyilongo etyi,
Lwongendi italama, ailalela pokati?
9 Oityi ulingila ngomulume wapaalala,
Ngomukwa-vita wehetyivili okuyovola nawike?
Wehetuyeke otusipo.
10 Etyi otyo tyapopia Siovaa tyayemba kovanthu ava wati: “Vetyihole tyokuhamba-hamba;+ kavayungu onomphai mbavo.+ Otyo Siovaa ehevehambukililwa.+ Makahinangela ovivi viavo, mekevekwata mokonda yononkhali mbavo.”+
11 Siovaa amphopila ati: “Wahalingile-ko ovanthu ava omalikwambelo.+ 12 Putyina vandyita avakala ononthiki tyahali, hitehelela omalikwambelo avo;+ putyina valinga oviawa viokuyokwa, noviawa viovilia, hivihambukilwa,+ mandyivemane-ko nomutunga, nondyala nomukihi.”*+
13 Pahe andyiti: “Tatiei, Tatekulu Ohamba Onene Siovaa! Ovauli vekahi nokupopila ovanthu vati: ‘Onwe kamamumono omutunga, nii kamamumono ondyala, mahi ame mandyimwaavela ombembwa yotyili motyilongo etyi.’”+
14 Siovaa amphopila ati: “Ovauli vapopila omatutu menyina liange.+ Ame hevetumine, hevepele otyitumino natyike, hapopile navo.+ Veli nokumupopila emonekelo liomatutu,* vatapesa etyi tyahasilivila, vapopia omatutu avo.+ 15 Etyi otyo Siovaa atolela ovauli vapopia menyina liange, ava nahatumine, vapopia okuti motyilongo etyi kamamuya omutunga nii ondyala: ‘Ovauli ovo mavakankhia komutunga no kondyala.+ 16 Omalutu ovanthu vapopila maakayumbwa momatapalo o Selusalei, mokonda yondyala nomutunga, nawike mekevefifila+ — navo, novakai vavo, novana vavo ovakwendye, novakainthu — mokonda mandyikeveuyulila ononkhumbi mbata muvo.’+
17 “Vepopila onondaka ombu uti:
‘Omaiho ange tyitenya na tyinthiki atokesa ononkhuka kaatalama,+
Mokonda omona wovanthu vange weheneende na mulume waliatwa-liatwa, wateywa-po,+
Otyipute tyae otyinene unene.
18 Ine ame ndyilupuka andyeende no kepia,
Ndyimona ovivimbi viovanthu vaipawa nomutunga.+
Ine ndyinyingila mepunda-umbo,
Ndyimona omauvela aetwa nondyala.+
Mokonda tyilinge omuuli tyilinge omunakwa vatyanga-tyanga vala notyilongo vehei.’”+
19 Waanya umwe o Sundaa, watoya* umwe o Siyau?+
Oityi wetuvangela otyipute tyahahakulwa?+
Kukevelelwa ombembwa, mahi kakweile natyike otyiwa;
Kukevelelwa ononthiki mbokuhakulwa, mahi tuna vala owoma!+
20 Onthwe twetyimona okuti etyi twalinga tyapenga, Siovaa,
Twetyinoñgonoka okuti onombwale mbetu vapengesa,
Mokonda twalinga onkhali kwoove.+
21 Lingila enyina liove, wehetwaanye;+
Wahatombe otyipundi tyove tyomunkhima.
Hinangela omphango walinga noonthwe, weheipole-po.+
22 Okuti ovika-huku viahasilivila viovanthu vovilongo vityivila okweeta ombila?
Ine omaulu kohalwao etyivila okutuma ombila onene?
Have vala awike utyivila, Siovaa Huku yetu?+
Onthwe o mwoove vala tutala,
Mokonda ove vala uhole okulinga ovipuka ovio aviho.