Susuwee
12 Onohamba mbovilongo ova Isilayeli vaipaele avapingi movilongo viatyo himba lina o Solondau okutala koutundilo, okuhimbikila Melola* lyo Alunoo+ atee Komphunda yo Helemoo,+ nofika aiho yokwahula koutundilo+ mo Alambaa, ombombu: 2 O Siyoo+ Ohamba yova Amoleu ankho ukala mo Hesimboo, utumina o okuhimbikila ko Alowele+ yokwayendyamena Melola* lyo Alunoo.+ Ofika oyo yahimbikila pokati kelola olio nofika imwe yo Sileyande atee Kelola* lyo Samboke konondimbu nova Amoo. 3 Tupu ankho utumina okuhimbikila mo Alambaa atee koutundilo Welunga lyo ko Kinelete,*+ no koutundilo Welunga lyo Alambaa, Elunga Liomongwa* okuviuka ko Mbete-Sesimote, nofika yokwahula kokumbili mombwelo yonomphunda mbo Pisinga.+
4 Tupu apolo-ko otyilongo tya Onge+ Ohamba yo Mbasaa, umwe ponohamba mbahulilila-ko mbova Lefaii,+ uti akala ko Asitalote akala ko Endelei. 5 Onge ankho utumina Omphunda yo Helemoo mo Salekaa, no Mbasaa+ aiho atee konondimbu nova Sesule nova Maakate,+ nofika imwe yo Sileyande notyilongo tya Siyoo ohamba yo Hesimboo.+
6 Mwisesi omuundapi wa Siovaa kumwe nova Isilayeli aveho, ovo vaipaele onohamba ombo ambuho.+ Pahe, Mwisesi omuundapi wa Siovaa, aavela onofika ombo vomuhoko wa Lumbe no wa Ngande, na vamwe vomuhoko wa Manasesi.+
7 Onohamba mbofika yo Solondau yokwahula koutakelo, ombu Susuwee nova Isilayeli vaipaele, ofika yokwahimbikila ko Mbaale-Ngande+ Melola lyo Limbanu+ atee Komphunda yo Halake,+ yakaviuka no ko Seili,+ ei Susuwee aavelele vomihoko viova Isilayeli, evetetaila-yo,+ 8 ofika yonomphunda no yo Sefelaa, no yo Alambaa, no momakolo onomphunda, noluhandya, no Nengembe,+ otyilongo tyo vokwatuka mu Hete, nofika yova Amoleu,+ no yova Kanaa, no yova Peliseu, no yova Heveu, no yova Sembusi,+ ankho tyati:
9 Ohamba yo Selikoo.+ Ohamba yo Ai+ yakalaile konthele ko Mbetele.
10 Ohamba yo Selusalei. Ohamba yo Hemboloo.+
11 Ohamba yo Salemute. Ohamba yo Lakisi.
12 Ohamba yo Engoloo. Ohamba yo Sesele.+
13 Ohamba yo Ndembile.+ Ohamba yo Sendele.
14 Ohamba yo Holomaa. Ohamba yo Alande.
15 Ohamba yo Limbina.+ Ohamba yo Andulau.
16 Ohamba yo Makendaa.+ Ohamba yo Mbetele.+
17 Ohamba yo Tapwa. Ohamba yo Hefele.
18 Ohamba yo Afeke. Ohamba yo Lasaloo.
19 Ohamba yo Mandoo. Ohamba yo Hasole.+
20 Ohamba yo Siloo-Meloo. Ohamba yo Akisafe.
21 Ohamba yo Taanake. Ohamba yo Mesitu.
22 Ohamba yo Kendesi. Ohamba yo Sokineau+ mo Kalumelu.
23 Ohamba yo Ndole momakolo onomphunda mbo Ndole.+ Ohamba yo Ngoii mo Silingale.
24 Ohamba yo Tilisa. Ambuho ankho mbuna 31.