Omukanda wo Tete wa Samuwele

31 Nthiki imwe, ova Filisitiya vakalwisile ova Isilayeli.+ Ovalume vo Isilayeli avatili-ko, ovanyingi avaipaelwa Komphunda Silimbowa.+ 2 Ova Filisitiya avataata Saulu novana vae, avaipaa Sonataa,+ na Ambinandambe, na Malikisuwa ovana va Saulu.+ 3 Ovilwa ovio, pahe avilemena-po Saulu; vononkhondyi avemuvasi avemuyahe unene omapita.+ 4 Saulu apopila wondyakulilo yae okuti: “Nana-mo omutunga wove, ondyipaa nao, opo nahaipawe no ovo ñgaa vahaile ekwendye,+ avandingi onya.”* Mahi wondyakulilo yae ehetavela okumwipaa mokonda watila unene owoma. Saulu apolo-mo omutunga, ngako eliyumba.+ 5 Etyi wondyakulilo yae amona okuti Saulu wankhia,+ nae eliyumbu komutunga wae, avankhila kumwe na Saulu. 6 Ngootyo, Saulu, novana vae vetatu, no wondyakulilo yae, nomafwalali ae aeho okumuyunga avankhi monthiki oyo.+ 7 Etyi ova Isilayeli vokuli melola,* no kotyilongo tyo Solondau vamona okuti ovita viova Isilayeli viakahomboka, Saulu novana vae vankhia, avasi-po omapunda-umbo avakahateka;+ pahe ova Filisitiya aveya ngamo vakala.

8 Monthiki yalandula-ko etyi ova Filisitiya vakapunda ovipuka viovivimbi, avavasi Saulu novana vae vetatu vankhila Komphunda Silimbowa.+ 9 Avatete-ko omutwe wa Saulu, avapolo-po ondyakulilo yae, avatumu ovatumwa-ndaka motyilongo atyiho tyova Filisitiya opo vayandyanese+ otyipuka otyo monondywo mbovika-huku* viavo+ no movanthu aveho. 10 Avapake otyikutu tyae tyondyakulilo mondywo yotyilolo Asitolete, otyivimbi avetyitulika kotyimato tyo Mbete-Saa.+ 11 Etyi vokukala ko Sambesi-Sileyande+ veiva etyi ova Filisitiya valinga Saulu, 12 ovakwa-vita aveho avaende otyinthiki atyiho, avakapola-ko olutu lwa Saulu no lwovana vae kotyimato tyo ko Mbete-Saa. Avakondoka ko Sambesi, ngako vakapisila* omalutu avo. 13 Avapolo-po omankhipa atyo,+ avekeehihila mombwelo yomulunga ko Sambesi,+ avakala ononthiki epandu-vali tyihali.