Omukanda wo Tete Onohamba
9 Salomau wati vala manee okutunga ondywo ya Siovaa, nondywo* yohamba,+ novipuka aviho ahandele okulinga,+ 2 Siovaa amonekela vali Salomau ngeetyi emumonekelele ko Simbeau.+ 3 Siovaa emupopila okuti: “Neiva elikwambelo liove nokankhenda waita kwaame. Nasukukisa ondywo ei ove watunga, mokwapaka-mo enyina liange likale-mo atee-tee,+ omo mamukala omaiho ange nomutima wange apeho.+ 4 Ove, ine weendela monondyila mbange ngeetyi tyalingile tate yove Ndaviti,+ nomutima omukwatyili,+ okala omuviuki,+ otavela atyiho ndyikutuma,+ ine utavela ovitumino viange aviho, novitumino viange vionomphela,+ 5 mandyikapameka otyipundi tyouhamba wove mo Isilayeli, aukala-ko atee-tee ngeetyi nalaele tate yove Ndaviti, okuti: ‘Apeho makukakala umwe makatuka mwoove makapumphama kotyipundi tyoutumini wo Isilayeli.’+ 6 Mahi ine onwe novana venyi muyeka-po okunthavela amuhapake nawa ovitumino viange neetyi napopia, amukalingila ovika-huku ovikwavo amulipetamena kuvio,+ 7 mandyinyimi ova Isilayeli motyilongo neveavela,+ ondywo nasukukisila enyina liange andyiiyumbu kokule nomaiho ange,+ ova Isilayeli avakapenywa,* avakwelwa novanthu vovilongo aviho.+ 8 Ondywo oyo maikakala onthunthu* yetwe.+ Aveho valambela-po mavekeitala tyahuva, avahiki omwelwa* avati: ‘Omokonda yatyi Siovaa alingila ñgaa otyilongo etyi, nondywo ei?’+ 9 Makakumbululwa okuti: ‘Omokonda vayeka-po Siovaa Huku yavo, wokwapolele ovakwakulu vavo kotyilongo tyo Isitu, avakwate-po ono-huku ononkhwavo avelipetamena kumbo, ngambo vaundapela. Otyo Siovaa eveetelela ononkhumbi ombu ambuho.’”+
10 Konthyulilo yomanima 20 etyi Salomau amana okutunga onondywo onombali, ondywo ya Siovaa nondywo* yohamba,+ 11 Hilau+ ohamba yo Tilu, waavelele Salomau omavai omusendulu no omungalaviya, noolu aiho Salomau ahandele.+ Ohamba Salomau aavela Hilau omapunda-umbo 20, motyilongo tyo Ngalileya. 12 Ngootyo, Hilau atundu ko Tilu akatala omapunda-umbo Salomau emwavela, mahi etyi eetala ahahambukwa.* 13 Ngwe emupulu okuti: “Omapunda-umbo patyi aa wampha mukulu wange?” Omapunda-umbo oo aalukwa okuti Otyilongo tyo Kambule* atee hono. 14 Hilau atumu kohamba onotalendu* 120 mboolu.+
15 Eli ehipululo lya vana Salomau aihanene opo valinge ovilinga viokwalema,+ okutunga ondywo ya Siovaa,+ nondywo* yae mwene, Notyipunda,*+ notyimato tyo Selusalei, no Hasole,+ no Mesitu,+ no Sesele.+ 16 (Falaoo ohamba yo Isitu, wakalwisile epunda-umbo lyo Sesele, eliyoko notupia aipaa ova Kanaa+ ankho vakala mepunda-umbo olio. Konyima eliaavela omona wae+ omukai wa Salomau ngotyiawa tyokulilekela.)* 17 Salomau atungu* o Sesele, no Mbete-Oloo yo Kombwelo,+ 18 no Mbaalate,+ no Tamale moluhandya lwotyilongo, 19 tupu atungu omapunda-umbo aeho ovilimba vya Salomau, nomapunda-umbo omatemba ovilwa,+ nomapunda-umbo ovalume vokuvelama kononkhambe, novipuka aviho Salomau ahandele okutunga mo Selusalei, no mo Limbanu, no movilongo aviho ankho atumina. 20 Mahi ovanthu aveho vokwahupile kova Amoleu, no kova Hete, no kova Peliseu, no kova Heveu, no kova Sembusi,+ ankho veheva Isilayeli,+ 21 ovana vovanthu vahupile motyilongo, vana ova Isilayeli vahaipaele, Salomau evekwate, evekuluminya okulinga ovilinga vialema avakala ovapika atee hono.+ 22 Mahi Salomau kalingile omu Isilayeli nawike omupika,+ mokonda ovakwa-vita vae, ovaundapi vae, ovatumini vae, ovakwatesiko vovatumini vae, ononkhalamutwe mbovaomboli vomatemba ae ovilwa, no mbovokweenda nononkhambe mbae. 23 Kwali ononkhalamutwe mbovatumini 550, vokuhongolela otyilinga tya Salomau. Ovahongoleli vovaundapi.+
24 Omona wa Falaoo omufikwena+ atundu Kepunda-umbo lya Ndaviti+ aende no keumbo liae Salomau emutungilile; pahe Salomau atungu Otyipunda.*+
25 Salomau ankho waava ovilikutila viokuyokwa tutatu menima,+ novilikutila viombembwa komutala atungilile Siovaa.+ Ngwe tupu ankho ulinga otyilikutila opo tyitwime komutala wovilikutila ankho ukala kotyipala tya Siovaa. Ngootyo amane okutunga ondywo.+
26 Tupu ohamba Salomau aongo omutete wonombapolo ko Esioo-Sembele+ ankho ikala popepi no Elate, konthele Yelunga Enkhuhu, motyilongo tyo Endoo.+ 27 Hilau atumu ovaundapi vae vetyivila okuundapa melunga opo vakaundape momutete wonombapolo+ kumwe novaundapi va Salomau. 28 Avaende ko Ofili+ avakapola-ko onotalendu mboolu 420 avembutwala Kohamba Salomau.