Omukanda wo Tete Ehipululo
23 Etyi pahe Ndaviti akulupa, pahe pokuhungi konthyulilo yomwenyo wae,* avialeka Salomau omona wae kouhamba opo atumine o Isilayeli.+ 2 Konyima, aihana ononkhalamutwe ambuho mbo Isilayeli, novanakwa,+ novana va Levii.+ 3 Ovana aveho va Levii, vokuna omanima 30 okwenda no komutwe, avavalulwa.+ Aveho vavalulilwe, vena 38.000. 4 Puvo, pali ovalume 24.000 ononkhalamutwe mbotyilinga tyondywo ya Siovaa, tupu pali ovalume 6.000 vokupakaila-mo ohamba, novakoyesi.+ 5 Tupu pali ovayungi vonombundi vena 4.000,+ ovakwavo vena 4.000 vahilivika+ Siovaa noviti viokuhika, evi Ndaviti apopile okuti: “Nevilinga opo vihilivike Huku.”
6 Ndaviti eveonganeka* ovikundyi-ovikundyi,+ okutalela kovana va Levii: Seleso, na Kowate na Melali.+ 7 Povana va Seleso, ovo Landaa na Simei. 8 Ovana va Landaa vetatu: O Seyeli onkhalamutwe, na Setau na Sowele.+ 9 Ovana va Simei vetatu: O Selomote, na Hasiyeli na Halaa. Ovo, onohongoi vahula ku Landaa. 10 Ovana va Simei tyati: O Saate, na Sina, na Seusi na Mbeliya. Ovo vekwana, ovana va Simei. 11 Saate oe onkhalamutwe, ku-e akulandula Sisaa. Mahi mokonda Seusi na Mbeliya kavakalele novana ovanyingi, avavalulilwa kumwe mombunga ike vala, avapewa vala otyilinga tyike.
12 Ovana va Kowate vekwana: O Anilau, na Isale,+ na Hemboloo na Usiyeli.+ 13 Anilau atyiti Alau+ na Mwisesi.+ Mahi Alau novana vae, vayapulilwe ku vakwavo,+ opo vakohe omphangu Ikola Unene, nokwava ovilikutila ku Siovaa, nokumulingila, nokupeleyila oviwa ovanthu menyina liae apeho.+ 14 Ovana va Mwisesi omunthu wa Huku yotyotyili, avahonyekwa komuhoko wa Levii. 15 Mwisesi watyitile Seleso+ na Eliyesele.+ 16 Povana va Seleso, onkhalamutwe o Sembwele.+ 17 Pomuhoko wa* Eliyesele, wali onkhalamutwe o Leambiya.+ Eliyesele katyitile vali ovana ovakwavo, mahi Leambiya watyitile ovana ovanyingi. 18 Povana va Isale,+ onkhalamutwe o Selomite.+ 19 Ovana va Hemboloo, tyati: O Seliya onkhalamutwe, wa vali o Amaliya, wa tatu o Saasiyele, wa kwana o Sekameyau.+ 20 Usiyeli watyitile+ Mika, onkhalamutwe, kwe akulandula Isiya.
21 Melali watyitile Mali na Musi.+ Mali atyiti Eliyasale na Kisi. 22 Eliyasale wanyima ahasi-po ovana ovakwendye, wasile-po vala ovahikwena. Mokonda yotyo, ovana ovo avanepwa nonomphange mbavo,* ovana va Kisi. 23 Ovana va Musi, vetatu: O Mali, na Endele, na Selemote.
24 Ovo, ovana va Levii, momaumbo ovohe, onohongoi, vokwavalulilwe, omanyina avo aahonekwa. Vahimbika okuundapa mondywo ya Siovaa tyina vamatuukisa omanima 20. 25 Mokonda, Ndaviti wapopile okuti: “Siovaa, Huku yova Isilayeli, waetela ovanthu vae omapole,+ makala apeho mo Selusalei.+ 26 Ngootyo, ovana va Levii kamavatyinda-tyinda vali ekaka liefendelo, nii ovityuma viatyo.”+ 27 Mokonda, otyitumino tyahulilila-ko tya Ndaviti, okuvalula ovana va Levii, vatuukisa omanima 20 okwenda no komutwe. 28 Otyilinga tyavo, okukwatesako ovana va Alau,+ movilinga vyo mondywo ya Siovaa, nokuundapa momapata,+ no monondywo mbokulila, nokukoha ovipuka aviho vikola, nokulinga ovilinga aviho viesukisa mondywo ya Huku yotyotyili. 29 Vakwatesako vakwavo mokulinga onombolo mbotyiawa,+ nohinde yanyetuka nawa yoviawa viovilia, nonombolo mbahaile onkhiso mbelisipata,+ nonombolo mbokukangwa, nenthapi liahonyekwa nomulela,+ novipeyalo aviho, no viokweleka. 30 Ononthiki ambuho komuhuka+ no kongulohi, + vena okupandula Siovaa nokumuhilivika. 31 Vakwataisileko unene vokupakula ku Siovaa ovilikutila viokuyokwa movityasapalo,+ natyina ohanyi yaviala,+ no pononthiki mbovipito,+ okutalela kwetyi tyipopia ovitumino, vetyilingila apeho ponthele ya Siovaa. 32 Tupu valinga ovilinga viavo mekaka liomaliongiyo, no momphangu ikola, nokukwatesako ovana va Alau, ovakulu vavo, movilinga vyo mondywo ya Siovaa.