Omupopi
1 Onondaka mbomwonganeki,*+ omona wa Ndaviti, ohamba yo mo Selusalei.+
3 Oityi omunthu apola kovilinga atutumba navio,
Ovilinga atutumba navio mombwelo yekumbi?+
6 Omphepo iti ayeende no kombwelo, ayaanguluka-ko ayeende no kombanda.
Yaangauluka, tyayo okuliseta-seta vala; omphepo otyo iliseta-seta vala ngootyo.
7 Onondongi ambuho mbutwala melunga, mahi kaliyula.+
Onondongi oku mbatundile-ale, oko mbukatyatyala vali nako.+
8 Ovipuka aviho viponeswa,
Nokutyipopia vala katyitavela-le.
Eiho kaliponwa okutala,
Nii okutwi kakupwila okutehela.
9 Tyali-ko, otyo matyikakala-ko vali,
Tyalingilwe, otyo matyikalingwa vali.
Mombwelo yekumbi mutupu-ale natyike otyipe.+
10 Okuti kuna otyipuka omunthu apondola okuti: “Vakwe tyitalei vala — etyi otyipe”?
Atyiho tyili-ko, o kotyili-ale kohale,
Onthwe tuya-ko tupu ngwe o kotyili-ale.
11 Nawike uhinangela ovanthu vokwali-ko kohale.
Tupu petupu ou makahinangela onomphinga mbavo.
Ava vokwalandula kuvo, navo kavakahinangelwa naava vekevepinga.+
12 Ame omwonganeki, nalinga ohamba yova Isilayeli mo Selusalei.+ 13 Ame napakele omutima wange mokutanga, mokutaindya nounongo+ ovipuka aviho vilingwa mombwelo yeulu+ — ovilinga vieetesa onkhenda Huku apa ovana vovanthu, omu velipaka vala.
14 Namona ovilinga aviho vilingwa mombwelo yekumbi,
Tala! Aviho vala tyitupu, okutaata vala omphepo.+
15 Tyeliooma katyoomononwa,
Tyehepo, katyivalulwa.
16 Pahe andyilipopila momutima wange andyiti: “Tala! Nalinga vali omunongo kovanthu aveho vatetekela mo Selusalei,+ omutima wange walinga omunongo omunene, wakala nenoñgonoko.”+ 17 Omutima wange neupaka mokunoñgonoka ounongo, ndyinoñgonoke owova,* noulai,+ otyo natyo okutaata vala omphepo.
18 Ounongo omunene utokotesa vala omutwe,
Naina, ou uyawisa kenoñgonoko, uyawisa kolwiihamo.+